Impok-impok

Impok-impok adolah namo jo istilah nan dilaziman dek masyarakaik Jorong Matua Katiak, Nagari Matua Hilia, Kabupaten Agam untuak manyabuik batu, kayu jo buluah nan digunoan untuak kaparluan manangkok ikan di batang aia jo mausia kandiak/ciliang di sawah jo parak. Impok-impok nan dipakai untuak manangkok ikan adolah batu.. Prosesnyo, sorang panangkok ikan ka mancari batu-batuan babantuak cakuang di batang aia,nan dipicayo ado ikan di bawah cakuangannyo. sudah tu, batu tu diimpok kuaik-kuaik jo batu lainnyo nan ado di batang aia tuh. Biasonyo ikan nan ado di bawah batu cakuang akan latiah, bahkan mati, sahinggo murah untuak ditangkok.

Samantaro itu, impok-impok untuak kandiak/ciliang tabuek dari kayu atau buluah. Caro mamakainyo samo jo impok-impok untuak ikan, caronyo buluah tu diimpok jo batu atau sabaliaknyo. Sacaro sosial ekonomis, impok-impok marupokan teknologi sederhana nan mamudahkan usaho panangkok ikan jo patani takaiy jo usahonyo. di sampiang tu, malalui teknologi iko juo tagambar pengetahuan masyarakaik takaik jo kabijaksanaan mamanfaatkan babagai sumber dayo alam untuak mamudahan usaho jo aktifitas untuak hiduik.

Jauah sabalum masyarakaik di Jorong Matua Katiak, Nagari Matua Hilia mangenal maso dagiang ikan manganduang gizi nan rancak untuak badan, mereka alah manangkok ikan di batang aia nan ado di sakitar jorong, manggunokan alaik saadonyo, misainyo jo alaik impok-impok. pamanfaatan batu nan banyak tadapaik di batang aia, maajakan samangaik jo kagigiahan dalam usaho mandapek hasil nan labiah banyak. Baitu pulo jo impok-impok.nan dibuek untuak mandapekan efek jaro tahadok musuah tanaman sarupo kandiak jo baruak.

Impok-impok marupokan hasil teknologi tradisional nan sangaik sederhana. Namun nan nio diajakan sabananyo adolah baa prinsip kasederhanaan dapek manjiwai dalam satiok tingkah laku masyarakaik. Tabatehnyo biaya bukanlah harago mati untuak manghalangi usaho