Ilmu komputer

Ilmu komputer (bahasa Inggris: Computer Science), Sacaro umum diaratian sabagai ilmu nan mampalajari baik tentang komputasi, perangkek kareh (hardware) maupun perangkek luneik (software). Ilmu komputer mancakuik baragam topik nan bakaitan dek komputer, mulai dari analisis abstrak algoritme sampai subyek nan labiah konkret sarupo bahaso pemrograman, perangkek luneik, tamasuk perangkek kareh. Sabagai suatu disiplin ilmu, Ilmu Komputer labiah manekankan pado pemrograman komputer, jo rekayasa perangkek luneik (software), samentaro teknik komputer labiah cenderung bakaitan dek hal-hal sarupo perangkek kareh komputer (hardware). Namun, kaduo istilah tasabuik acok disalah aratian dek banyak urang.

Tesis Church-Turing mangecekan bahwa sadolah alaik komputasi nan alah umum dikatahui sabananyo samo dalam hal apo nan bisa inyo karajoan, sakalipun dek efisiensi nan babeda. Tesis iko kadang-kadang dianggap sabagai prinsip dasa dari ilmu komputer. Paro ahli ilmu komputer biasonyo manekankan komputer von Neumann atau mesin Turing (komputer nan mangarajoan tugas nan ketek jo deterministik pado suatu wakatu tatentu), karano hal sarupo itulah kabanyakan komputer digunoan sakarang iko. Paro ahli ilmu komputer jugo mampalajari jinih mesin nan lain, babarapo diantaronyo alun bisa dipakai sacaro praktikal (sarupo komputer neural, komputer DNA, jo komputer kuantum) sarato babarapo diantaronyo masih cukuik teoretis (sarupo komputer random and komputer oracle).

Ilmu Komputer mampalajari apo nan bisa dikarajoan dek babarapo program, jo apo nan indak (komputabilitas jo intelegensia buatan), baa program tu harus mangevaluasi suatu hasil (algoritme), baa program harus manyimpan jo maambiak bit tatentu dari suatu informasi (struktur data), jo baa program jo pangguno bakomunikasi (antamuko pangguna jo bahaso pemrograman).

Ilmu komputer baraka dari elektronika, matematika jo linguistik. Dalam tigo dekade tarakhia dari abad 20, ilmu komputer alah manjadi suatu disiplin ilmu baru jo alah mangembangkan metode jo istilah surang.

Departemen ilmu komputer patamo didirikan di Universitas Purdue pado tahun 1962. Hampia sado universitas sakarang mampunyoi departemen ilmu komputer.

Pangharagoan tatinggi dalam ilmu komputer adolah Turing Award, pamanang pangharagoan iko adolah sado pionir di bidangnyo.

Edsger Dijkstra mangecekan:

Ilmu komputer bukan tentang komputer sebagaimana astronomi bukan tentang teleskop

Fisikawan Richard Feynman mangecekan:

Ilmu komputer umurnya tidak setua fisika; lebih muda beberapa ratus tahun. Walaupun begitu, ini tidak berarti bahwa "hidangan" ilmuwan komputer jauh lebih sedikit dibanding fisikawan. Memang lebih muda, tapi dibesarkan secara jauh lebih intensif!

Catekan tentang istilah 'Informatika' jo 'Ilmu komputer'

Dalam bahaso Indonesia, istilah Informatika diturunkan dari bahaso Prancis informatique, nan dalam bahaso Jerman disabuik Informatik. Sabananyo, kato iko identik dek istilah computer science di Amerika Serikat jo computing science di Inggris. Namun, istilah informatics dalam bahaso Inggris punyo makna nan saketek babeda, inyo tu labiah manekankan pado aspek pangolahan informasi sacaro sistematis jo rasional.

Hubungan Informatika dek bidang lain

Ilmu komputer bakaitan ereik dek babarapo bidang lain. Bidang-bidang iko indak bana-bana tapisah, sakalipun mampunyoi pabedaan pentiang.

Sistem Informasi

Sistem Informasi adolah aplikasi komputer untuak mandukuang operasi dari suatu organisasi inyo tu: operasi, instalasi, jo perawatan komputer, perangkek luneik, jo data. Sistem Informasi Manajemen adolah kunci dari bidang nan manekankan finansial jo personal manajemen. 'Sistem Informasi' dapek barupo gabungan dari babarapo elemen teknologi babasis komputer nan saliang bainteraksi jo bakarajo samo badasakan suatu prosedur karajo (aturan karajo) nan alah ditetapkan, dima mamproses jo mangolah data manjadi suatu bantuak informasi nan dapek digunoan dalam mandukung keputusan.

Ilmu Informasi

Ilmu Informasi adolah ilmu nan mampalajari data jo informasi, mancakuik baa manginterpretasi, manganalisis, manyimpan, jo maambiak liak. Ilmu informasi dimulai sabagai dasa dari analisis komunikasi jo basis data.

Rekayasa Perangkek Luneik

Rekayasa Perangkek Luneik pado prinsipnyo manekankan pado tahapan-tahapan pangembangan suatu perangkek luneik yakni: Analisis, Desain, Implementasi, Testing jo Maintenance. Pado tahap nan labiah lueh Rekayasa Perangkek Luneik mangacu pado Manajemen Proyek pangembangan Perangkek Luneik itu surang dek tetap mamparatikan tahapan-tahapan pangembangan sabalumnyo.

Dalam pangembangannyo perangkek luneik punyo babagai model inyo tu model water fall ('model konvensional' sabagai mode tadahulu nan dikambangkan dek karano mode water fall nyaris samo jo siklus hiduik pangembangan sistem), model prototype ('mode nan disukai dek user jo pangembang), model sequensial linear, model RAD 'rapid aplikation model', model 'formal method' atau 'metode formal' disiko sabalum diadokannyo implementasi talabiah dulu rancangan mode nan dibuek diverifikasi talabiah dulu sahinggo indak ado lagi kesalahan - kesalahan pado saat implementasi.

Rekayasa Komputer(Rekayasa Perangkek Kareh)

Rekayasa Komputer adolah ilmu nan mampelajari analisis, desain, jo konstruksi dari perangkek kareh komputer.

Ilmu nan mampelajari sadolah aspek pambuekan, konstruksi, pamaliharoan perangkek luneik.

Keamanan Informasi

Keamanan Informasi adolah ilmu nan mampelajari analisis jo implementasi dari keamanan sistem informasi (tamasuak Kriptografi).

Ilmu Utamo Teknik Informatika

Dasa Matematika

Aljabar Boolean
Matematika Diskrit
Kalkulus
Teori Graf
Teori Informasi
Logika Simbolik
Peluang jo Statistik

Teori Ilmu Komputer

Teori Informasi Algoritmik
Kompilator
- Analisis Leksikal
- Penguraian
Kriptografi
Semantik Denotasional
Teori Komputasi (atau Ilmu Komputer Teoretis)
- analisis dari algoritme jo kompleksitas dari problem
- logika jo arati dari program
- logika matematika jo bahasa formal
Teori Tipe

Perangkek Luneik

Program Komputer and Pemrograman Komputer
- Pemrograman Paralel
- Spesifikasi Program
- Verifikasi Program
Teknik Pemrograman
Perangkek Komputer
Rekayasa Perangkek Luneik
- Optimisasi
- Metrik Perangkek Luneik
- Pola Desain
- Metode Pangembangan Perangkek Luneik
Bahaso Pemrograman
Sistem Operasi

Organisasi Sistem Komputer

(caliak pulo elektronika)

Arsitektur Komputer
Jaringan Komputer
Komputasi Terdistribusi
Komputasi grid
Kinerja dari Sistem
Implementasi dari Sistem Komputer

Data jo Sistem Informasi

Struktur Data
Representasi panyimpan data
Enkripsi data
Kompresi data
Pangkodean jo Teori Informasi
Barakeh
- Format Barakeh
Sistem Informasi
- Basis Data
- Data Mining
- Data Warehouse
- Panyimpanan jo Maambiak Informasi
- Antamuko jo presentasi informasi

Metodologi Komputasi

manipulasi simbolik jo aljabar
Kecerdasan Buekan
Grafik Komputer
Pangolahan Citra jo Visi Komputer
Pangenalan Pola
- Pangenalan Suaro
Simulasi jo Pamodelan
Pangolahan dokumen jo teks
Pangolahan Sinyal Digital

Aplikasi Komputer

Pangolahan data administratif
Perangkek luneik matematika
- Analisis numerik
- Pambukti teori otomatis
- Aljabar komputer
Ilmu jo teknik fisika
- Kimia Komputasional
- Fisika Komputasional
Ilmu hayat jo medis
- Bioinformatika
- Biologi Komputasional
- Informatika Medika
Sosiologi
Seni jo kemanusiaan
rekayasa babantuan komputer
Robotik
Interaksi manusia jo komputer
- Sintesa suara
- Rekayasa kadapekgunoan
Hiburan
- Pamainan Komputer

Lingkungan Komputasi

Industri Komputer
Sajarah dari Paritungan
Komputer jo pendidikan
Komputer jo masyarakaikt
- Karajo Kooperatif Didukung Komputer
Aspek hukum dari komputer
manajemen dari komputasi jo sistem informasi
personal komputer

Komputer jo Keamanan Informasi

Sajarah

Sajarah dari Paritungan
Projek pemrograman awal
Departemen Ilmu Komputer
Garis Wakatu dari Algoritme

Ahli Takana Ilmu Komputer

John Backus Penemu FORTRAN, bahaso pemrograman tingkek tinggi patamo jo susunan Backus-Naur untuak mandeskripsian bahaso formal sintaks.
James Cooley jo John Tuckey Fourier Transform Capek (Fast Fourier Transform) jo pangaruhnya pado riset keilmuan.
Ole-Johan Dahl jo Kristen Nygaard, panemu bahaso baorientasi objek SIMULA.
Edsger Dijkstra untuak algoritme, Goto dianggap babahayo.
Kenneth Iverson Panemu APL, untuak kontribusinyo di paritungan interaktif.
William Kahan untuak standard IEEE floating-point.
Donald Knuth untuak Seni dari Pemrograman Komputer
Ada Lovelace programer takana patamo di dunio
John von Neumann nan alah mangembangkan arsitektur von Neumann.
Claude E. Shannon untuak teori informasi
Alan Turing untuak teori komputabilitas.
James Wilkinson Teknik "analisis kesalahan dari belakang" jo kamajuan di bidang paritungan matriks. Wilkinson adolah jugo panggerak dalam pangembangan Pilot ACE, komputer di Inggris nan patamo, pado akhir 1940-an. (caliak Wilkinson pado biografi MacTutor.)
Konrad Zuse Pambuek binari komputer nan patamo pado 1930-an, dima inyo marancanokan bahaso pemrograman jauah sabalum wakatunyo.

Caliak Daftar Ahli Ilmu Komputer untuak informasi labiah lanjuik.

Caliak pulo

Bug
Bahasa Pemrograman
Paritungan
Sajarah dari Paritungan
Turing Award (ACM)
Medali IEEE John von Neumann
Hello world
Istilah Komputer
Istilah Khusus Komputer
Topik utamo Ilmu Komputer
Analogi Paritungan
Internet
Multimedia
Akusisi data
Tolok
Jaringan Sensor
Komputasi jo Algorithma Online,
Format Bilangan Komputer

Pranala lua

Kumpuan Informasi Ilmu Komputer Archived 2020-02-24 di Wayback Machine.
Belajar Ilmu Komputer - tasadio puluhan ribu istilah Archived 2020-03-08 di Wayback Machine.
Daftar paguruan tinggi di Indonesia nan taakreditasi, barikuik informasi akreditasinyo (dari Direktorat Jenderal Pendidikan Tinggi):