Ikan belida
| Lopis (ikan belida) | |
|---|---|
| Conservation status | |
| Klasifikasi ilmiah | |
| Kingdom: | Animalia |
| Phylum: | Chordata |
| Class: | Actinopterygii |
| Order: | Osteoglossiformes |
| Family: | Notopteridae |
| Genus: | Chitala |
| Species: | C. lopis |
| Namo binomial | |
| Chitala lopis (Bleeker, 1851) | |
| Sinonim | |
|
Notopterus chitala H.B. | |
Ikan belida adolah ikan endemik Sumatera nan mamiliki nilai ekonomi tinggi karano rasonyo nan lamak dan khas. Salain itu dagiangnyo mamiliki kanduangan protein, vitamin A, sarato lamak nan tinggi.[2] Haragonyo bisa mancapai Rp 50.000- Rp 100.000 per kilogram. Tak hanyo itu, ikan iko dipaliharo juo sabagai ikan hias.[3] Karano hargonyo nan tinggi, Ikan nan mamiliki namo latin Notopterus notopterus iko tamasuak ikan nan langka sabab ditangkok sacaro balabiahan dan diduga populasinyo manurun sacaro drastis. Pemerintah Indonesia alah manatapkan Ikan belida sebagai spesies nan dilinduangi di dalam Peraturan Menteri Lingkungan Hiduik dan Kahutanan P.20/MENLHK/SETJEN/KUM.1/6/2018 Tentang Jenis Tumbuhan Dan Satwa Yang Dilindungi, 2018.
Deskripsi
suntiangAdopun ciri-ciri Ikan belida antaro lain mampunyoi badan nan pipih jo kapalo nan baukuran ketek, di bagian tangkuaknyo taliek bungkuak, sarato rahang ateh talatak jauah di balakang mato.[4]
Pamukoan badan Ikan belida tatuik sisik baukuran ketek jo tipe sisik ctenoid. Sisik di bagian pungguang bawarno kalabu, sadangkan bagian paruiknyo bawarno putiah kaperakan. Panjang badannyo mancapai labiah dari 60 cm.[4]
Selain itu, mamiliki sirip dorsal, jumlah tulang balakang 13-18, tulang kapalo bagarigi, sirip paruik rudimenter, sisik sabalum mato labiah dari 6-8 baris.[2] Sisik pre-operkulum labiah dari 10 barih, tadapek 117-127 jari-jari lunak pado sirip dubur dan 43-49 pasang duri kecil di sapanjang sirip paruik.[4] Panjang rahang hampia babateh jo bateh mato bagian balakang. Rahangnyo samakin panjang sasuai dengan meningkeknyo umua.[2][4]
Ikan belida batino mamiliki alek kalamin babantuak bulek sarato sirip paruik relatif pendek dan indak mantupi bagian urogenital. Katiko alah matang, gonad bagian paruik manggadang dan kalami bawarno merah. Ikan Belido Jantan mamiliki alek kalamin babantuak tabuang sarato sirip paruik relatif labiah panjang dan manutupi bagian urogenital.
Sacaro umum ukuran ikan jantan labiah ketek dari pado batino. Ikan belida jantan mampunyoi kabiasaan mambuek sarang dari rantiang kayu dan daun sarato manjago talua dan anak-anaknyo.[4] Ikan belida jantan mancapai rato-rato ukuran kali patamo matang gonad pado panjang total 135 mm dengan kisaran antaro 125–146 mm, sadangkan ikan batino mancapi rato-rato ukuran panjang total 162 mm dengan kisara antaro 160–164 mm. Ikan belida dewasa dapek tumbuah hinggo bobot 1,5–7 kg.[2]
Panyebaran
suntiangIkan belida taseba di Lempuing (Sungai Musi), Sumatera Selatan, Sungai Batanghari, Jambi, Sungai Tulang Bwang, Lampung dan Sungai Kampar, Riau. Tak hanyo taseba di Pulau Sumatera, ikan iko ado lo di Kalimantan, Jawa, dan Semenanjung Malaya.
Tempek Iduik
suntiangIkan iko banyak ditamui di sungai nan banyak tadapek rantiang sarato perairan rawa bautan.[2]
Makanan
suntiangIkan belida marupokan ikan karnivora atau pamakan dagiang. Di parairan umum, ikan iko mamakan ikan-ikan ketek, caciang, dan saranggo. Makanan palangkapnyo barupo udang, tumbuahan, dan potongan dagiang. (2) Ikan belida marupokan ikan nan aktif mencari makan di malam hari.[2]
Pangambangbiakan
suntiangIkan belida bakambangbiak dengan caro batalua di November hinggo Februari satiok taun. Induak Ikan belida nan alah matang akan baranang dari sungai manuju daerah rawa banjiran. Tarutamo hutan rawa nan banyak ditumbuhi tanaman dengan substrat kareh, mode pohon-pohon nan alah mati. Pohon tasabuik dijadikan tampek manempelkan talua pado kadalaman 1-2 meter di bawah pamukoaan aia. Siap talua manateh dan bakambang biak manjadi larva, utan rawa nna talinduangi dari kondisi alam nan ekstrem mode angin, ombak, dan gangguan lain sabagai tampek asuh karano manyadiokan makanan alami plankton dan saranggo aia nan malimpah untuak anak atau larva Belida.[5]
Manfaaik
suntiangIkan belida dimanfaaikan sabagai ikan konsumsi dan ikan hias. Karano rasonyo nan gurih, ikan iko diolah oleh masyarakaik manjadi pempek, karapuak, kemplang, dan baso Belida.
Rujuakan
suntiang- ↑ Ng, H.H. 2020. Chitala lopis. The IUCN Red List of Threatened Species 2020: e.T157719927A89815479. https://dx.doi.org/10.2305/IUCN.UK.2020-1.RLTS.T157719927A89815479.en. Downloaded on 08 June 2020.
- ↑ a b c d e f Sukendi, Sukendi; Thamrin, Thamrin; Ridwan, Mandra Putra; Ade, Yulindra (2019-11-01) (dalam bahaso other). TEKNOLOGI PEMBENIHAN DAN BUDIDAYA IKAN BELIDA. Penerbit Taman Karya Pekanbaru. ISBN 978-623-7512-98-1. https://repository.unri.ac.id/xmlui/handle/123456789/9825. Diakses pado 25 Mai 2022.
- ↑ Rahmah, Siti (2010). "Kebiasaan Makanan Ikan Belida (Chitala lopis Bleeker 1851) di Daerah Aliran Sungai Kampar, Provinsi Riau" (dalam bahasa Inggris).
- ↑ a b c d e Santoso, Limin (2012-11-22). "BIOLOGI REPRODUKSI IKAN BELIDA (Chitala lopis) DI SUNGAI TULANG BAWANG, LAMPUNG". Berkala Perikanan Terubuk (dalam bahasa Inggris). 37 (1). doi:10.31258/terubuk.37.1.%p. ISSN 2654-2714.[pranala nonaktif permanen]
- ↑ "Ikan Belida, Si Pipih Bahan Baku Kerupuk Ikan – Dinas Perikanan Kabupaten Kutai Barat" (dalam bahasa Inggris). Diarsipkan dari versi asli tanggal 2022-07-17. Diakses tanggal 2022-05-25.