Ibenzani Usman
Ibenzani Usman adolah saurang tukang gambar, mambuek lagu jo santiang maukia, nan tanamo dari Padang, Sumatera Barat. Baliau ko lahia di Padang tanggal 15 April 1937, anak partamo almarhum Bapak Usman Kagami yaitu tukang gambar yang tanamo di Balando. Untuak maabadian kapandaiannyo, apak usman ko manambahan dinamonyo jo namo anak-anaknyo nan lain “Kagami” (nan makasuidnyo Kantua Gambar Indonesia). Tapi, Iben indak manambahan “Kagami” dalam namonyo walaupun inyo tanamo manggambar. [1]
Iben manyalasaian kuliah sarjana seni rupa jo doktor seni ukia tradisional di ITB. Tapi inyo indak mandalami seni gambar walaupun alah mambuek pameran seni lukis jo tukang gambar lainnyo nan sasamo dari Padang. Pameran iko diadokan di Padang. Dek karano itulah iben indak mamasuakkan ‘Kagami” dalam namonyo.
Iben tanamo juo sabagai panulih lagu, mulonyo hanyo manjadi “hobby”, tapi tanyato inyo tasabuik pandai maubah lagu nan alah direkam baulang-ulang, contohnyo lagu minang “lintuah”. Inyo alah tanamo juo mambuek babarapo lagu seriosa nan alah dijadikan sabagai palombaan di radio, contohnyo “ajakan suci (1964), “Bahana Revolusi” tahun 1964, “Bahana Revolusi” tahun 1965 jo “Desaku” ditahun 1975. Sabagai tokoh nan bajaso jo kampus ITB, Iben alah mambuek lagu “selamat datang tunas Warga ITB” jo ‘Selamat Jalan Sarjana ITB” nan dilagukan dek mahasiswa ITB di ari wisuda.
Iben indak sajo santiang manjadi tukang gambar, jo mambuek lagu, tapi baliau santiang pulo manjadi mambuek “seni lukis reklame”. Sabagai buktinyo, Iben alah mamanangan Lambang kodya Padang, lambang Hotel Indonesia jo Lambang gebu minang. Sabagai tokoh tanamo dari Padang, Sumatera Barat, paralu awak jadikan apak Iben ioko sabagai panutan.