Hutan Harapan
Hutan Harapan sacaro administratif talatak di Kabupaten Batanghari jo Kabupaten Sarolangun di Provinsi Jambi sarato Kabupaten Musi Banyuasin, Provinsi Sumatera Selatan. Kawasan salaweh 98.555 hektare ko barado di jantuang Pulau Sumatera nan marupoan salah satu pulau tagadang di Indonesia.[1]
Hutan Harapan wilayah Sumatra Selatan masuak ka dalam kalompok hutan Sungai Meranti dan Sungai Kapas, sadangkan nan wilayah Jambi masuak ka dalam kalompok hutan hulu Sungai Meranti (Sarolangun) jo hulu Sungai Lalan. Dek karano tu, wilayah ko masuak ka dalam sub-daerah aliran sungai (sub-DAS) Meranti, Kapas, Lalan, jo DAS Musi sarato Kandang.[1]
Katinggian kawasan Hutan Harapan ko diidentifikasi barado pado 30-70 meter dpl untuak wilayah Sumatera Selatan jo 30-120 meter dpl untuak wilayah Jambi.[1]
Hutan ko marupoan sumber sarato areal resapan aia penting bagi masyarakaik Jambi jo Sumsel. Sungai Batang Kapas jo Sungai Meranti adolah hulu Sungai Musi nan mangalia malalui Sungai Batanghari Leko. Sungai ko adolah sumber kahidupan utamo masyarakaik Sumatera Selatan, baiak untuak aia barasiah, parikanan, partanian, parkabunan maupun sarana transportasi.[2]
Sungai lainnyo adolah Sungai Lalan nan marupoan sumber kahidupan masyarakaik Bayunglincir jo sakitanyo. Sungai Kandang nan bahulu pulo di Hutan Harapan marupoan sumber aia penting bagi masyarakaik di sakita Sungai Bahar, Kabupaten Muarojambi, Provinsi Jambi. Pado musim kamarau 2015 lalu, sungai-sungai nan bahulu di Hutan Harapan tetap mampu manangkak sarato manyuplai aia bagi masyarakaik Sumatera Selatan jo Jambi.[2]
Hutan Harapan dihuni labiah dari 307 jinih buruang, 64 jinih mamalia, 123 jinih ikan, 55 jinih amfibi, 71 jinih reptil, jo 728 jinih pohon. Sabagian flora jo fauna tu indak ditamuan di hutan lainnyo di Indonesia bahkan di dunia. Sabagian lai alah sangaik langka sarato tarancam punah, saperti harimau sumatera, gajah asia, baruang madu, ungko, bangau storm, rangkong, jelutung, bulian, tembesu, jo keruing.[2]
Di hutan ko ado pulo masyarakaik Batin Sembilan nan marupoan kalompok masyarakaik nan hiduik di alam bebas sarato mamiliki kaarifan tasandiri lo dalam mangalola hutan. Masyarakaik ko mamanfaat an Hutan Harapan dengan caro ma ambiak hasil hutan bukan kayu, saperti rotan, jerenang, madu sialang, getah jelutung, dama, sarato tanaman obat-obatan. Hutan Harapan manjadi kawasan hiduik jo jelajah sakita 300 kapalo kaluarga Batin Sembilan.[2]
Manuruik sajarahnyo, hutan ko awalnyo ditetapkan manjadi hutan restorasi ekosistem patamo di Indonesia pado 2005 lewat Kepmenhut SK. No. 83/Menhut–II/2005 nan manunjuak areal salaweh kurang labiah 101.355 hektare di Provinsi Jambi dan Provinsi Sumatera Selatan sabagai areal Restorasi Ekosistem di Hutan Produksi.[2]
Departemen Kahutanan maagiahan Izin Usaha Pemanfaatan Hasil Hutan Kayu (IUPHHK) kapado PT Reki untuak areal seluas 52.170 hektare melalui SK Menhut Nomor SK.293/Menhut- II/2007 tanggal 28 Agustus 2007 pado kalompok hutan Sungai Meranti jo Sungai Kapas, dalam wilayah Kabupaten Musi Banyuasin, Provinsi Sumatera Selatan. Sadangkan untuak wilayah Jambi, didapek izin pado 2010 untuak areal salaweh 46.385 hektare di Kabupaten Batanghari jo Sarolangun lewat SK Menhut No 327/Menhut-II/2010). Total laweh izin konsesinyo 98.555 hektare. Kawasan ko nan lalu diagiah namo Hutan Harapan.[2]
Sajak diparkanalkan pado 2007, Hutan Harapan ko kibi manjadi tujuan utama penelitian jo wisata lingkungan nasional sarato internasional di Sumatera. Kawasan ko kayo dengan kaanekaragaman hayati sarato marepresentasian 20 persen dari hutan dataran randah nan tasiso di Sumatera.[1]
Tapi sayang ko, Hutan Harapan tanyato manghadapi baragam ancaman. Perambahan jo konflik sosial jadi karajo rumah nan harus dibenahi sampai kini. Sabagai informasi, batas konsesi nan mamiliki banyak pintu masuak juo jadi rawan parambahan. Tahun 20009 se, saat paralihan, alah 13.988 hektare area perambahan. Samantaro, pado 2016, areal perambahan alah mancapai 22.866 hektare. Masalah perambahan kawasan hutan ko, adolah persoalan pemodal nan maateh namoan petani miskin untuak malakuan itu. Bahkan, ado pulo pejabat nan ikuik bainvestasi pulo.[3]
Masalah lainnyo nan dihadapi dek hutan ko adolah rancana pambukaan jalan tambang di restorasi Reki ko nan alah bagulia sajak 2012. Pembukaan jalan ko dapek mengancam ekologis jo kaberlanjutan ekosistem.[3] Masyarakaik satampek takuik pambukaan jalan tu, hutan akan mudah terakses tu perambah mudah masuak.[4]
Samantaro, konflik sosial di situ tajadi antaro panduduak satampek suku Batin Sembilan samo PT Reki. Masyarakaik satampek pun alah malakuan demo agar tanah adatnyo dibalik an. Pembukaan hutan masif dilakuan. Ancaman tambahan di Hutan Harapan yaitu kabakaran lahan. Hutan yang tabaka lalu jadi kabun sawit.[5]
Atas kondisi tu, tokoh-tokoh adaik masyarakaik satampek pun alah mamintak kalompok perambah manghentian perbuatannyo, saperti jua bali hutan, pambukaan lahan, maupun peambakaran. Warga adaik pun alah barupayo pulo mamulihan hutan balik, salah satunyo dengan caro mananam ribuan bibit tanaman hutan di hutan tu.[4]
Rujuakan
suntiang- ↑ a b c d "Lokasi - Hutan Harapan" (dalam bahasa Indonesia). 2016-08-26. Diakses tanggal 2022-05-30.
- ↑ a b c d e f "SEJARAH - Hutan Harapan" (dalam bahasa Indonesia). 2016-08-26. Diakses tanggal 2022-05-30.
- ↑ a b "Hutan Harapan Masih Hadapi Beragam Ancaman". Mongabay.co.id (dalam bahasa Inggris). 2018-09-30. Diakses tanggal 2022-05-30.
- ↑ a b "Upaya Mereka Jaga Hutan Harapan di Tengah Berbagai Ancaman". Mongabay.co.id (dalam bahasa Inggris). 2020-04-02. Diakses tanggal 2022-05-30.
- ↑ "Berebut Lahan di Hutan Harapan, Nasib Restorasi?". Mongabay.co.id (dalam bahasa Inggris). 2019-02-11. Diakses tanggal 2022-05-30.