Hussein Sutan Mohammad Noor

Hussein Sutan Mohammad Noor lahia di padang 14 october 1910. Salah satu urang minang kabau yang namanyo tercatat dalam buku Jagat wartawan indonesia. Dalam buku itu dijelaskan, urang yang selalu bergelimangan berita maka urang itu adolah Hussein Sutan Mohammad Noor. Dicatat Soebagjo, sajak 1 mei 1930 Hussein alah bakarajo pado Harian Bataviaasch Niewsblad, punyo belanda. Tugasnyo sebagai panarimo telepon baik yang barupo berita, lalu mangarajoan administrasi ketek lainnyo.

Tahun 1934 inyo manjadi panjual koran harian tersebut didepan Stasiun Gambir. namun, tahun 1936, inyo pindah manjadi juru ketik di Kantor Berita Aneta, Jakarta. lalu, Saeroen yang manjadi kapalo bagian kala itu mengundurkan diri. Hussein ditunjuak mamimpin bagian Indonesia Aneta. inyo manjabat hinggo waktu maso Jepang tibo menduduki Indonesia.

Satalah Jepang masuak 2 bulan. tugas Huseein indak jaleh, sahinggo inyo tapaso bajualan kaki limo lalu mambuka warung didepan rumahnyo. inyo juga bergabung di Perwabi [persatuan warung Bangsa Indonesia]. Nasibnyo terselamatkan, ketika inyo diajak Mochtar Lubis bakarajo di Kantor Rahasia Militer Jepang yang tugasnyo memonitor siaran luar negeri tentara Sekutu. Awal mulanyo kantor tersebut terletak di Jalan Kebon Sirih, kemudian pindah ke kamp Jalan Biliton. Awalnyo inyo bakarajo sabagai juru ketik biaso, akhirnyo inyo diangkat menjadi editor sampai Jepang manyarah.

Pado waktu zaman Jepang itu pulo, salah seorang anaknyo meninggal dunia. hari itu inyo tidak masuak Kantor dan digantikan temannyo. kajadian itu diketahui oleh Kapalo Kantor bernamo Nakayama-san yang segera memanggil dan memarahinyo. Namun, inyo memiliki ilmu batin, mako dengan ilmu batin itu inyo manatap mato si Jepang yang membuat nado bicaranyo yang tinggi tadi manjadi malunak. sahinggo indak tajadi apo-apo terhadapnyo.

Kajadian yang terkesan oleh Hussein adolah sewaktu inyo mandanga pidato Tenno Heika [manyerah] yang disalin dalam bahaso inggris dan disiarkan sekutu. Mako para pegawai yang ado di kantor rahasia itu indak dibenarkan pulang. jiko ado keperluan pado kelurga, mako pihak Jepang sendiri yang menyampaikannyo. Demikian ujar Kapalo Kantor. lebih kurang 1 minggu inyo ditahan basamo Mochtar, Tan Kiat Keng, dan Van dem Brink. Baru kemudian mareka dibebaskan setelah Jepang manyarah pado sekutu.