Halusinasi hipnagogik adolah halusinasi nan tajadi katiko urang ka lalok. Kondisi tasabuik mambuek pandarito bisa mandanga suaro, bahkan bisa pulo maliek bayangan atau barasian katiko lalok. Hal iko bahubuangan jo narkolepsi yaitu sabagian dari tubuah tajago dan sabagian lai masih lalok. Pado babarapo urang nan maalami halusinasi ka maraso tajago tapi inyo indak bisa manggarikkan tubuah, sarato maraso ado nan sadang maawasinyo katiko tu. Kadang-kadang, bisa mandanga langkah kaki dan dasah angok. Sabuah panalitian manyabuikkan basonyo 40% manusia panah maalami halusinasi hipnagogik jo caro nan babeda-beda dan hanyo 5% manusia nan acok/rutin maalami halusinasi ko

Panyabab suntiang

Jikok urang dalam kondisi hipnagogik, manusia ka maraso tajago dan manyadari lingkungan di sakitarnyo, tapi utaknyo masih mamancarkan galombang REM (Rapid Eye Movement) yaitu galombang nan bakaitan jo lalok. Hasianyo urang tasabuik ka marasokan apo nan ado di alam nyato sakaligus apo nan ado dalam mimpi. Mungkin halusinasi ko disababkan dek karano tubuah masuak ka kondisi REM lalok nan talampau capek. Panalitian lain juo manunjuakkan baso urang nan irama laloknya indak saimbang dikaranokan karajo atau panyabab lainnyo dapek acok maalami hipnagogik

Pamuliahan suntiang

Hal partamo nan musti pandarito lakukan untuak maambiak kandali ateh tubuahnyo katiko halusianasi ko tajadi adolah bapikia basonyo itu indak nyato. Sasudah tu bakonsultasi ka dokter takaik untuak mandapek solusi. Kadang-kadang ubek lalok juo bisa manolong pandarito untuak lalok lamak sapanjang malam. Kadang juo ubek lalok atau samacamnyo indak bisa mambantu mailangkan halusinasi hipnagogik, tapi ubek tu saindaknyo bisa mambantu wak mangandalikan pikiran katiko gejala ko kambuah.