Himpunan Penerjemah Indonesia

Himpunan Penerjemah Indonesia, disingkek HPI, adolah organisasi profesi untuak panarjamah dan juru bahaso di Indonesia. Organisasi nan ko ditagakan pado tanggal 5 Februari 1974 di Jakarta ateh prakarsa babarapo urang anggota Dewan Kesenian Jakarta, panguruih TIM, dan didukuang dek Direktorat Pendidikan Departemen Pendidikan dan Kebudayaan, sarato Perwakilan UNESCO di Jakarta. Ketua HPI nan partamo adolah Ali Audah.

HPI adolah anggota FIT (Fédération internationale des traducteurs, Federasi Penerjemah Internasional) dan pado taun 2007 alah malaksanakan Forum Penerjemah Asia ka-5 FIT di Bogor. HPI alah pulo manjadi anggota Badan Pertimbangan dan Pengembangan Buku Nasional (BPPBN). Dalam malaksanakan kagiatannyo, HPI bakarajo samo pulo jo babarapo limbago takaik, sarupo Pusat Penerjemahan Fakultas Ilmu Pengetahuan Budaya Universitas Indonesia, Pusat Bahasa, dan Pusat Penerjemahan Universitas Nasional sarato dalam tahap parancanaan karajo samo jo limbago asiang sarupo Centre Culturel Francais, Goethe Institut, Erasmus Huis, dan British Council.

Sijarah Singkek HPI

Himpunan Penerjemah Indonesia (HPI) didirian pado 5 Februari 1974 di Jakarta ates prakarsa babarapo urang anggota Dewan Kesenian Jakarta, panguruih TIM, dan didukuang dek Direktorat Pendidikan Departemen Pendidikan dan Kebudayaan, sarato Perwakilan UNESCO di Jakarta. Ali Audah manjadi ketua HPI partamo.

Pado taun-taun awal badirinyo, anggota HPI sabagian gadang tadiri dari panarjamah buku. Program karajo organisasi nan ko manakankan pancarian proyek panarjamahan untuak anggotanyo. Sasudah sempat ‘mati suri’ babarapo lamo, HPI diiduikkan baliak pado taun 2000 di bawah kapamimpinan Prof. Dr. Benny H. Hoed. Masa nan tu, HPI mampaleba cakupan kaanggotaannyo jo mamasuakan panarjamah dokumen dan juru bahaso. Dilakukan pulo pageseran program karajo nan indak lai mancarikan karajo bagi anggotanyo, tapi labiah manakankan paningkekan mutu panarjamah jo juru bahaso untuak mamajukan harkat profesi nan ko.

HPI adolah anggota FIT/IFT (International Federation of Translators) dan alah pernah mahadiri kongres FIT di Wina (1984), Beograd (1990), Brighton (1993), Melbourne (1996), jo di Beijing (2004). Di dalam nagari, HPI manjadi anggota Badan Pertimbangan dan Pengembangan Buku Nasional (BPPBN). Pado 11-12 April 2007, HPI ateh mandaik dari FIT manyalanggarokan kagiatan 3 taunan FIT, yakni Forum Penerjemah Asia ke-5 FIT di Bogor.

Dalam Kongres IX taun 2007, Hendarto Setiadi tapiliah sabagai Ketua HPI untuak pariode 2007-2010 manggantikan Prof. Dr. Benny H. Hoed. Salah ciek kaberhasilan tim panguruih nan ko adolah dipakenalkannyo Tes Sertifikasi Nasional nan untuak partamo kali disalanggarokan pado tanggal 17 Juli 2010 di Jakarta.

Pranala luar

• Situs resmi HPI
  • Sejarah HPI Archived 2013-02-01 di Wayback Machine.
• Situs resmi FIT Archived 2011-05-28 di Wayback Machine.