Dargah Haji Ali
Koordinat: 18°59′06″N 72°48′36″E / 18.985°N 72.81°E
Dargah Haji Ali adaloh situs makam nan disucian jo musajik nan talatak di sabuah pulau ketek di lapeh pantai Worli, bagian salatan Kota Mumbai, India. Tampek iko tanamo sabagai tampek mandoa dek umaik Muslim di India. Di siko, bamakam Haji Ali Shah Bukhari, tokoh tarekat nan manyiarkan Islam di Mumbai. Lataknyo nan dakek dari pusek kota mambuek objek iko tanamo pulo sabagai tampek wisata di Mumbai.[1][2][3]
| Haji Ali Dargah | |
Pangunjuang Dargah Haji Ali | |
| Afiliasi agamo | Islam |
| Provinsi | Maharashtra |
| Distrik | Mumbai City district |
| Status kaagamoan | Tampek suci |
| Deskripsi arsitektur | |
|---|---|
| Arsitek | Sunni-Al-Jamaat |
| Jinih arsitektur | Musajik jo makam |
| Gaya arsitektur | Modern |
| Arah fasad | West |
| Tahun salasai | 1431 |
| Spesifikasi | |
| Gobah | 1 |
| Minaro | 1 |
Dargah Haji Ali dibangun pado tahun 1433. Bangunannyo dibuek mode tarapuang di ateh aia. Manuruik lagendanyo, Haji Ali maningga sangkek naik haji di Makkah, tapi mayiknyo tabaok atau hanyuik ka lauik inggo sampai ka pantai di Mumbai. Tampek bangunan iko barado dipacayo sabagai tampek tadampanyo mayik Haji Ali.[4]
Lagenda
suntiangDargah Haji Ali dibangun pado 1431[5] untuak mangana suara padagang Muslim nan kayo, Sayyed Pir Haji Ali Shah Bukhari. Barasa dari Bukhara di Uzbekistan kini, Bukhari malakuan parjalanan kaliliang dunia pado awal hinggo abaik ka-15, sabalun manatap di Mumbai kini iko. Inyo manyarahan sadoalah harato dunianyo, sabalun inyo barangkek ka Makah untuak naiak haji.[6]
Pamelokan
suntiangMusajik iko ditagakan pado 1431.[7] Sajak didirian, bangunan iko hanyo duo kali kanai pelokan sacaro besar-besaran, yaitu pado 1960 jo 1964.[4] Lataknyo nan tarapuang di tapi lauik mambuek fisik bangunan taruih-manaruih takikih dek angin garam.[8]
Pado Oktober 2008, dilakukan panambahan bangunan, yaitu pado makam. Makam diparancak jo marmer putiah nan didatangan dari Makrana, Rajasthan, tampek asa marmer nan samo pado Taj Mahal.[4]
Pangunjuang
suntiang
Kompleks Dargah Haji Ali manjadi tujuan ziarah dek pangunjuang Muslim maupun untuak wisata. Pangunjuang nan baziarah biasonyo mandoa di sakitar area makam jo baibadah di dalam area musajik. Saindaknyo, satiok ari ado 10.000 sampai 15.000 urang bakunjuang ka siko.[8] Jumlah iko maningkek hinggo 20.000 sampai 15.000 pado Kamih, Jumaik, jo Ahaik.[8]
Pangunjuang padusi sempat ditagahan masuak area musajik dek panjago Dargah Haji Ali atau disabuik wali. Aturan iko diberlakukan pado Juni 2012.[9] Haji Ali for all, garakan feminis nan ditabuah dek Bharatiya Muslim Mahila Andolan[10] jo Bhumata Brigade manantang larangan tasabuik dan maajuan gugatan ka pangadilan ateh dasar kasetaraan gender.[11] Pado 26 Agustus 2016, Pangadilan Tinggi Bombay mangabulan gugatan Haji Ali for all. Panjago Dargah Haji Ali akhianyo sacaro resmi mancabuik aturan nan managahan padusi masuak ka area musajik. Kaputusan iko balaku sajak 29 November 2016.[12]
Caliak pulo
suntiangRujuakan
suntiang- ↑ Thomas, Amelia (2012). Goa & Mumbai (edisi ke-second). Footscray, Victoria, Australia: Lonely Planet. pp. 87–88. ISBN 978-1-74179-778-7.
- ↑ Parab, Kanika; Poddar, Mansi (30 January 2010). "World's Greatest City: 50 reasons Mumbai is No.1: 43. The floating mosque". CNN. Diarsipkan dari versi asli tanggal 7 October 2009.
- ↑ Lewis, Clara (11 February 2011). "Dargah devotees against sea link landing". The Times of India. Diarsipkan dari versi asli tanggal 13 July 2013.
- ↑ a b c "Siapa Sangka India Punya Masjid Suci di Tengah Laut" (dalam bahasa Indonesia). Detiktravel Inside. 1 July 2015. Diarsipkan dari versi asli tanggal 20 September 2015.
- ↑ "Haji Ali dargah was built in 1431 » Haji Ali Dargah, Maryam Mosque in Mumbai". Hajiali.org. 10 December 2007. Diarsipkan dari versi asli tanggal 23 September 2012. Diakses tanggal 7 February 2012.
- ↑ "History of Pir Haji Ali Shah Bukhari (R.A.)". Haji Ali Dargah Trust. Diarsipkan dari versi asli tanggal 15 August 2015.
- ↑ Thomas, Shibu (25 July 2009). "Court dismisses plea challenging Haji Ali revamp". the Times of India. Diarsipkan dari versi asli tanggal 17 July 2013.
- ↑ a b c "About Mumbai: For the Tourist". Chhatrapati Shivaji International Airport. Diarsipkan dari versi asli tanggal 13 February 2011.
- ↑ "Women Re-Enter Mumbai's Haji Ali Dargah After 5 Years". Hindustan Times. 29 November 2016. Diakses tanggal 23 May 2017.
- ↑ http://www.hindustantimes.com/mumbai/scholars-divided-over-allowing-women-in-haji-ali-dargah/story-i4xqsED5CNXYznod3kafcI.html
- ↑ http://www.mid-day.com/articles/haji-ali-for-all-protests-force-trupti-desai-to-turn-away/17180179
- ↑ Sinha, Bhadra (24 October 2016). "Women will be allowed to enter Haji Ali in a month: Shrine board tells SC". The Hindu. Diakses tanggal 24 October 2016.
Pautan lua
suntiang| Wikimedia Commons mampunyoi media nan bahubuangan jo Dargah Haji Ali |