Gusfen Khairul
Gusfen Khairul marupokan saurang wartawan TV patamo di Sumatra Barat. Inyo lahia di Pariaman, 28 Agustus 1965. Gusfen Khairul mamulai pajalanan karajonyo manjadi saurang wartawan samanjak mudo, 18 taun. Dalam manjalanan karajonyo, inyo melahiakan kader wartawan jo panulih. Urang tu yang kamudian malang malintang dalam dunia jurnalistik Sumatra Barat di era tahun 2000-an sampai kini. Carito iko bamulo pado taun 1985, katiko Harian Umum Singgalang manabikan Edisi Khusus Koran Masuk Sekolah (KMS). Salang duo tahun bajalan, inyo dipacayo manjadi Redaktur Pelaksana Edisi Khusus KMS. Pado katiko itu Gusfen Khairul basamo tim malakukan palatihan jurnalistik ka sakolah-sakolah nan ado di saluruah Sumatra Barat.
| Biografi | |
|---|---|
| Lahia | 28 Agustus 1965  (59 tahun (id)  )Koto Pariaman |
| Kalompok etnis | Urang Minangkabau |
Kagiatan palatihan jurnalistik manumpang sabagai kagiatan ekstrakulikuler di sakolah jo digabuangkan kagiatan palatihan pangurus OSIS. Takadang kagiatan palatihan jurnalistik dijadian sabagai pangisi dalam pakamahan Pramuka Sabtu-Minggu. Ndak jarang, ado jo sakolah yang mangirim pangurus OSIS samo siswanyo untuak bakunjuang ka Redaksi Edisi Khusus KMS di Padang. Satiok patamuan salalu maagiah palatihan teori dasar jurnalistik samo teknik wawancara, nan tarakhir dengan praktik manuliah berita samo evaluasi. Intinyo, sahabih patamuan pelajar mampu malaporkan kagiatan di masiang-masiang sakolahnyo, bisa dengan manuliah berita dan laporan atau feature, yang nio diterbikan di Edisi Khusus KMS. Tidak lupo, pelajar dimotivasi untuak manyaluran bakat manuliah, baik puisi maupun carito pendek dan carito bagambar serta karikatur.
Pado era itulah pelajar yang mamakai saragam putiah abua-abua dengan bangga manyabuik dirinyo sabagai wartawan KMS. Mereka memiliki nyali jurnalistik mawawancarai kepalo sakolah, guru, dan profil kawan-kawannyo yang berprestasi, dan dimuek setiok minggu. Mereka juga aktif mamasarkan Edisi Khusus KMS di sakolah malalui Koperasi OSIS. Salain mereka manamakan diri dengan wartawan KMS, penulis puisi dan carito pendek tumbuah bak jamur di musim hujan. Bakaik mereka tasaluaan malalui Edisi Khusus KMS. Paling indak pado pariode 1985-1995 muncua saratuih namo siswa SMP dan SMA di Sumbar yang aktif berkiprah jurnalistik pado Edisi Khusus KMS Harian Singgalang. [1]
Rujuakan
suntiang- ↑ Chaniago, Hasril (2018). 121 Wartawan Hebat Dari Ranah Minang dan Sejumlah Jubir Rumah Bagonjong. Padang: Panitia Pelaksana Daerah Hari Pers Nasional 2018 Biro Humas Setda Provinsi Sumatera Barat.