Gunuang Kilimanjaro
Kilimanjaro (bahasa Swahili: kilima, gunuang; njaro, bacahayo) atau dulu disabuik Kaiser-Wilhelm-Spitze adolah gunuang di timur lauik Tanzania. Gunuang iko adolah salah ciek gunuang tatinggi di dunia nan barado di benua Afrika,[6] tingginyo 4.600 m bilo diukua dari kaki gunuang.
| Gunuang Kilimanjaro | |
|---|---|
 Puncak Kibo dari Kilimanjaro | |
| Katinggian | 5,895 m (19,341 ft)[1] |
| Puncak | 5,885 m (19,308 ft)[2] Ranked 4th[3] |
| Daftar | |
| Lokasi | |
| Lokasi Gunung Kilimanjaro di Tanzania | |
| Latak | Kawasan Kilimanjaro, Tanzania |
| Jajaran | Pegunungan Retakan Timur |
| Koordinat | 03°04′33″S 37°21′12″E / 3.07583°S 37.35333°EKoordinat: 03°04′33″S 37°21′12″E / 3.07583°S 37.35333°E |
| Peta topo | Kilimanjaro map and guide oleh Wielochowski[4] |
| Geologi | |
| Jinih | Stratovolcano |
| Usia batuan | 3 juta tahun |
| Latuih taakia | Antaro 150,000 dan 200,000 tahun lalu |
| Pandakian | |
| Pandakian patamo | 6 Oktober 1889 oleh Hans Meyer dan Ludwig Purtscheller |
| Rute mudah | Pandakian |
Puncak Kilimanjaro iko marupoan puncak tatinggi di Afrika, nan punyo katinggian 5.895 meter di ateh pamukaan lauik. Gunuang iko disabuik juo Kilima Dscharo atau Oldoinyo Oibor nan bararti gunuang putiah dalam bahaso Masai.[7]
Kilimanjaro adolah gunuang api strato raksasa nan pado maso kiniko indak aktif, namun mampunyoi fumarol nan mangaluaan gas dari kawah nyo nan talatak di puncak utamo Kibo. Di Tanzania, puncak Kibo disabuik juo sabagai Puncak Uhuru.[8] Pada tahun 2003, vulkanolog Jerman bernama Volker Lorenz memperkirakan es cair terdapat di bawah permukaan kawah pada kedalaman 121,9 m (400 kaki).[9]
Deskripsi
suntiang
Titiak tatinggi adolah Puncak Uhuru nan tingginyo 5.895 meter, salain itu puncak ko marupoan sala ciek dari Tujuah Puncak Gunuang Tatinggi Dunia. Di atehnyo tadapek kawah nan lebanyo 2,4 kilometer. Johannes Kinyala Lauwo dari korps pangintai angkatan darat Marangu adolah urang partamo nan bahasia mancapai Puncak Uhuru, inyo juo bahasia mandaki gunuang ko baulang-ulang hinggo 9 kali. Urang asiang partama nan bahasia mancapai Puncak Uhuru adolah Hans Meyer, pandaki dari Jerman, jo Ludwig Purtscheller pandaki dari Austria. Kaduonyo dipandu Johannes Lauwo sampai ka Puncak Uhuru pado 6 Oktober 1889. Duo puncak Kilimanjaro nan lain adolah Puncak Mawenzi (5.149 m) jo Puncak Shira (3.962 m). Puncak Mawenzi adolah puncak ke-3 tatinggi di Afrika sasudah Gunuang Kenya. Pado tahun 1889, pamarintah Jerman maagia hadiah rumah untuak Johannes Lauwo di Ashira Marangu ateh jasonyo sabagai pamandu dalam ekspedisi nan dipimpin Hans Meyer. Karabaik Johannes Lauwo nan banamo Trilas Lauwo (1952-) manjadi padusi Tanzania partamo nan mancapai Puncak Uhuru lewat rute Mweka pado tahun 1972.
Pandakian Puncak Mawenzi harus punyo katarampilan panjek tabiang sakaligus panjek pabukitan es jo salju. Pandakian ka Puncak Uhuru tabilang indak payah, tapi paralu wakatu nan cukuik untuak malakuan aklimatisasi bia indak dapek panyakik katinggian. Tigo rute nan murah yaitunyo: Marangu, Rongai, jo Machame, bahkan dapek didaki siapo sajo nan babadan sehat jo indak paralu pangalaman mandaki gunuang. Pandaki dianjuan mambawo ubek-ubekan untuak mancagah panyakik katinggian nan diminum katiko sadang sakik kapalo akibaik katinggian. Pandaki nan malalui rute Marangu biasonyo paralu wakatu 4-5 hari untuak sampai di puncak.
Di sapanjang rute pandakian tasadio pondok-pondok jo fasilitas untuak mamasak jo mandi. Babarapo pondok di antaronyo bahkan punyo aliran listrik. Tahap tarakhir pandakian, dari pondok Kibo di katinggian 4.720 m hinggo sampai di puncak biasonyo dijalani di malam hari katiko batu-batu ketek manjadi bakalompok karano mambaku, sarato jalan labiah mudah dilewati. Pandaki biasonyo alah sampai di Titiak Gilman di pinggiaran kawah sakitar jam limo atau jam enam pagi. Dari sinan hanyo paralu 1½ jam lai untuak sampai di Puncak Uhuru. Pandaki nan masih kuek bajalan dapek malanjuikan pajalanan di bawah angeknyo sinar matohari. Satiok tahunnyo, Kilimanjaro dikunjuangi sakitar 15.000 pandaki, jo 40% di antaronyo bahasi sampai ka puncak.
Di puncak gunuang tadapek papan ucapan dalam bahaso Inggris dari pamarintah Tanzania: "Congratulations! You are now at Uhuru Peak, Tanzania, 5,895 m. AMSL. Africa's Highest Point. World's Highest Free-Standing Mountain. One of World's Largest Volcanos. Welcome." (Salamaik! alah sampai di Puncak Uhuru, Tanzania, 5.895 m dpl. Titiak tatinggi di Afrika. Gunuang nan tagak surang nan tatinggi di dunia. Salah ciek kawah nan gadang di dunia. Salamaik Datang)". Papan iko acok ditempel stiker dek para pandaki nan bahasia sampai di puncak. Di dakek papan tadapek sabuah kotak barisi buku tamu untuak diisi dek para pendaki.
Sawakatu manjalani tahap-tahap pandakian, pandaki dapek marasoan hampia kasado jinih iklim nan ado di bumi. Gunuang iko sangaik tinggi walaupun barado di ekuator, sahinggo puncaknyo salalu disalimuti dek salju abadi.
Kilimanjaro adolah titiak tatinggi di dunia nan dilayani jaringan talepon ganggam GSM.[10] Palanggan telepon ganggam Vodacom (anak parusahaan Vodafone) masih dapek manalepon dari ateh gunuang tasabuik.
Kaadaan pandakian
suntiang
Gunuang Kilimanjaro pado maso kiniko mulai kahilangan salju nan manyalimuti puncaknyo. Gletser nan manyalimuti puncak gunuang iko sajak 11.700 tahun nan lalu samakin manipih. Dibandingan jo sa abaik nan lalu, volume es di puncak Kilimanjaro alah bakurang labiah dari 80%,[11] dan penelitian yang dipimpin seorang paleoklimatologis dari Ohio State University bernama Lonnie Thompson[12] memperkirakan salju yang menyelimuti puncak gunung ini akan menghilang sekitar tahun 2015 hingga 2020.[13][14]
Mulai bulan Januari 2006, rute pandakian Western Breach ditutuik dek pamarintah Tanzania sasudah tajadinyo longsoran batu nan mangakibaikan tewasnyo 4 urang pandaki di kemah Arrow Glacier. Longsor ko dipakiroan tajadi akibaik pacahnyo batu-batuan di daerah tasabuik nan indak lai mambaku sacaro parmanen.
Rute-rute pandakian resmi:
- Machame
- Marangu
- Rongai
- Lemosho
- Umbwe
- Shira
- Mweka (hanya untuk turun)
Rujuakan
suntiang- ↑ "Kilimanjaro National Park". World Heritage List. UNESCO World Heritage Centre. Diakses tanggal 14 November 2020.
- ↑ "Kilimanjaro". Peakbagger.com. Diakses tanggal 14 November 2020.
- ↑ "World Peaks with 4000 meters of Prominence". Peakbagger.com. Diakses tanggal 14 November 2020.
- ↑ Kilimanjaro Map and tourist Guide (Peta) (edisi ke-4th). 1:75,000 with 1:20,000 and 1:30,000 insets. EWP Map Guides. Kartografi oleh EWP. EWP. 2009. ISBN 0-906227-66-6.
- ↑ The Zones of Kilimanjaro, NASA Earth Observatory, 2016
- ↑ "SRTM Tanzania Images (deskripsi Kilimanjaro atau Kilima Njaro)". Jet Propulsion Laboratory, California Institute of Technology.
- ↑ "Puncak Kilimanjaro". Universities Space Research Association (USRA) Earth System Science Education (ESSE) program.
- ↑ "Kilimanjaro Mungkin Kahilangan Saljunyo Tahun 2020". Kompas. Diarsipkan dari versi asli tanggal 2007-09-29. Diakses tanggal 2020-11-14.
- ↑ "Volcano Above the Clouds". PBS Online.
- ↑ "Vodacom's milestones of the last decade, 10 years of service excellence". vodacom. Diarsipkan dari versi asli tanggal 2007-05-13. Diakses tanggal 2020-11-14.
- ↑ "Melting snows of Kilimanjaro". NASA Goddard Space Flight Center.
- ↑ Krajick, Kevin. "Glaciology: Ice Man: Lonnie Thompson Scales the Peaks for Science". Science.
- ↑ "African Ice Core Analysis Reveals Catastrophic Droughts, Shrinking Ice Fields and Civilization Shifts". Ohio State University Research News. Diarsipkan dari versi asli tanggal 2004-03-13. Diakses tanggal 2020-11-14.
- ↑ Lonnie G. Thompson; et al. "Kilimanjaro Ice Core Records: Evidence of Holocene Climate Change in Tropical Africa". Ohio State University Research News. Diarsipkan dari versi asli tanggal 2004-03-13. Diakses tanggal 2020-11-14.