Gulai kurma

Gulai kurma, marupokan masakan khas Sumatera Barat yang bahan utamonyo dagiang jawi. Walaupun namonyo Gulai Kurma, indak bararti ado buah kurma di dalam resep masakannyo. Gulai Kurma ko biasonyo mudah disobokan di rumah makan Padang karano banyak peminatnyo. Caro mambuek Gulai Kurma ko indak talampau payah, caro nan partamo tumih bumbu sampai harum baunnyo, masuak an dagiang ka bumbu yang alah ditumih sampai dagiang barubah warna, salanjuiknyo masuak an santan, kantang, garam, gula, kalau alah mandidiah dan kantang alah ampuak, masuak an larutan asam jawa dan masak jo api sadang sampai kurma mangental, kalau alah masak hidangan kadalam piriang cambuang dan siap disajian.

Gulai Kurma adalah masakan khas Sumatera Barat yang tidak kalah enak dari Rendang

Biasonyo Gulai Kurma acok dibuek urang minang untuak acara-acara atau hari-hari gadang, misalnyo hari rayo.,Maskipun indak sapapuler randang, sajian Gulai Kurma ko punyo kaistimewaan tasandiri. dengan namonyo yang unik, parpaduan rempah-rempah yang maresap kadalam dagiannyo dan ditambah warna kuah kentalnyo yang bawarna ka ijau-ijauan mambuek lidah ndak saba untuak mancicipinyo.

Bahan

Untuak bahan mambuek Gulai Kurma adolah dagiang, kantang, kayu manih, 5 buah cangkeh, 1 buah kapulaga, 2 lembar daun salam, 2 lembar daun jeruk , 1 batang sarai, 2 sdm perasan asam jawa, 800ml santan, gulo, ayia sacukuiknyo, minyak goreng, garam sacukuiknyo. Untuak bumbu aluihnyo iolah katumba, marica, buah palo, jinten, bawang merah, bawang putiah.

Caro Mamasak

Langkah pertamo untuak mambuek Gulai Kurma adolah tumih bumbu yang alah disadio-an,diaduak sampai marato dan tunggu sampai bumbu yang ditumih mangalu-an aroma yang harum, salanjuiknyo masuak-an dagiang dan tunggu sampai dagiang jadi saparoh matang atau barubah warna. Kalau alah barubah warna baru masuak-an santan dan tunggu sampai mandidiah, sasudah tu masuak-an kantang , garam jo gulo sacukuiknyo. Tunggu sampai kantangnyo ampuak, sasudah itu masuak-an perasan asam jawa dan jan lupo masak jo api sadang, tunggu sampai kuah kurmanyo kental dan dagiangnyo yo sabana ampuak. Kalau lah ampuak, pindahan ka piriang dan agiah bawang goreng untuak pamanihnyo.