Gulai gajeboh adolah masakan khas Sumatera Barat yang bahan utamonyo dagiang jawi. Bagian dagiang yang dipakai adolah punuak, lemak taba yang manempel di bagian dagiang. Pabandingan lemak jo dagiang pado gulai gajeboh bisa 3:1. Gulai gajeboh biasonyo dihidangan jo kuah asam padeh nan indak pakai santan.[1] Ado pulo nan manyabuik gulai gajeboh ko jo gulai sandung lamur. Biasonyo gulai gajeboh banyak ditamui di rumah makan atau kadai nasi di Kota Padang. Salain itu di daerah Jakarta ado pulo rumah makan Padang nan manjuanyo. Namun bahan utamo gajeboh atau gajih ko indak salalu tasadio di rumah makan di lua kota Padang, tamasuak Jakarta dek suliknyo mandapekan gajeboh ko.[1]

Caro mambuek suntiang

Bahan untuak mambuek gulai gajeboh tadiri dari gajeboh, sarai, daun kunyik, asam kandih, bawang merah, lado, garam, langkueh, kunyik, jo katumba. Caronyo, masuakan bahan-bahan tadi ka 500 ml aia untuak diabuih. Kalau aianyo manyusuik katiko diabuih, tambahan aia angek sampai gajebohnyo ampuak. Aduak sampai kariang jo baminyak.[2]

Rujuakan suntiang

  1. a b Media, Kompas Cyber (2016-05-24). "Gulai Gajebo, "Makanan Surga" dari Ranah Minang Halaman all". KOMPAS.com (dalam bahasa Indonesia). Diakses tanggal 2021-10-30. 
  2. Media, Kompas Cyber (2020-07-31). "Resep Gulai Gajebo Khas Minang, Cocok buat yang Dapat Tetelan Sapi Kurban Halaman all". KOMPAS.com (dalam bahasa Indonesia). Diakses tanggal 2021-10-30.