Godok obuih

Godok Obuih marupokan makanan khas tradisional urang Minangkabau khususnyo di Jorong Lalan, Nagari Lalan, Kecamatan Lubuk Tarok, Kabupaten Sijunjung. Godok obuih biasonya ado dan dibuek hanyo katiko urang baralek. Godok Obuih tabuek dari tapuang bareh yang di aduak samo pisang batu. sasudah itu godok obuih dibulek-bulek an. Sasudah di bulek an di campua samo santan yang alah mandidiah di kuali. Godok Obuih dibuek dalam porsi banyak manggunoan kuali gadang yang biaso digunoan untuk mambuek galamai. Biasonyo godok obuih dihidangkan dalam sabuah piriang dan lidi sabagai sendoknyo.

Godok Obuih

Godok obuih indak pernah dijua mode makanan-makanan khas lainnyo. Godok obuih hanyo khusus dibuek katiko urang sadang baralek.

Bahan

Bahan mambuek godok obuih indak sulik untuak didapekan, bahannyo bisa didapekan dipasa atau di kadai-kadai. Bahan-bahannyo, pisang, tapuang bareh, santan, gulo, dan garam sacukuiknyo.

Caro Mamasak

Pambuatan godok obuih sangaik sederhana dan indak paralu mambutuahan keahlian khusus untuak mambueknyo.

Langkah-langkah untuk mambuek godok obuih yaitu :

1. Langkah partamo randam bareh kurang labiah sahari samalam salanjuiknyo ditumbuak bareh tu sampai halui untuk dijadian tapuang bareh.
2. Siapkan karambia untuak di ambiak santannyo.
3. Campuan tapuang bareh yang alah dirandam tadi samo pisang yang alah di sadioan (pambuatan godok obuih biasonyo manggunoan pisang kapok atau pisang batu, pisang iko acok digunoan karano mudah untuk didapekan dan rasonyo manih rancak untuak dijadian campuran godok obuih).
4. Tambahkan daun pandan sabagai pawarna dan pangharum alami (tagantuang salero surang-surang).
5. Mulaihlah mamasuakan adonan kadalam santan dan aduak sacaro parlahan.
6. Kalo santan alah mangental, lalu mangaluaan baun harum dan adonan alah manyatu. godok obuih alah siap untuak dihidangkan.

Sarancaknyo godok obuih dibuek di tampek yang laweh dan tabukak supayo labiah laluaso, karano godok obuih dimasak manggunoan kayu baka sahinggo mangakibaikkan asok nan banyak. jikok godok obuih dimasak manggunoan gas atau minyak tanah akan mangakibaikkan pamborosan.

Lamo Godok Obuih Batahan

Katahanan godok obuih bisa batahan salamo kurang labiah 2 hari jikok dimasuakan kadalam lamari es, walaupun rasonyo agak barubah tapi caro itulah yang acok dilakuan dek masyarakaik satampek untuak mangawetkan gp\odok obuih yang masih tasiso.