Gendang guro-guro aron
Gendang Guro-guro Aron adolah pesta hiburan nan diadoan dek para pamuda jo pamudi dalam masyarakaik Karo.[1] Patunjukannyo manggunoan sarune, gendang jo gong.[2] Patunjuakan Gendang Guro-guro Aron batujuan guno mampaarek hubuangan kakaluargaan sarato jo manyalasaikan pasaliasiahan nan tajadi di dalam masyarakaik Karo.[3]
Sijarah suntiang
Guro-guro aron barasa dari duo kato dalam bahaso Karo yaitunyo guro-guro jo aron. Guro-guro bararti pesta hiburan, sadangkan aron bararti pamuda. Aron jugo marupoan istilah untuak kalompok petani nan bajumlah dalapan sampai duo baleh urang nan bakarajo di ciek lahan nan samo. Anggotanyo dibagi duo, yaitunyo anggota baumua mudo nan disabuik aron singuda-nguda jo anggota nan baumua tuo nan disabuik aron pangke. Aron singuda-nguda dibimbiang dek aron pangke. Kalompok iko kamudian diterapkan juo ka dalam kahidupan sosial pado bidang pendidikan, adaik istiadaik, jo sopan santun dalam masyarakaik Karo. Akhianyo, tabantuaklah suatu acara hiburan jo saling bicaro nan disabuik guro-guro aron. Acara iko dilakuan dek para aron sasudah hasil panen alah diambiak.[1]
Palengkapan suntiang
Patunjuakan Gendang Guro-guro Aron awanyo manggunoan alaik musik tiup yaitunyo sarune. Salain itu, gendang gadang, gendang ketek, gong gadang, jo gong ketek digunoan pulo. Pado maso kini, kasado alaik musik iko digantian dek Keyboard.[2]
Manfaaik suntiang
Palaksanaan Gendang Guro-guro Aron sapanuahnyo diatur dek para pemuda jo pemudi dalam masyarakaik Karo. Hal iko baguno untuak malatiah para pamuda untuak manjadi pamimpin di maso nan kadatang. Salain itu, mereka manjadi tabiaso jo etika sarato pagaulan nan balaku dalam adaik Karo. Bagi para pamudi, Gendang Guro-guro Aron manjadi tempek untuak malatiah katarampilan tata rias.[4] Patunjuakan Gendang Guro-guro Aron juo dijadian sabagai salah satu caro untuak mampaarek hubuangan kakaluargaan di dalam masyarakaik Karo. Urang tuo dalam suatu kaluarga dapek saliang mampakenalkan anak mereka samo anak dari kaluarga lain. Salain itu, acara iko dapek juo manjadi tampek untuak mandamaikan anggota-anggota kaluarga nan sadang basalisiah karano sasuatu hal.[3]
Rujuakan suntiang
- ↑ a b Rahmah, Sitti (2011). "Keberadaan Keyboard pada Gendang Guro-guro Aron dan Pengaruhnya terhadap Karakter Muda-Mudi Karo". Harmonia: Jurnal Pengetahuan dan Pemikiran Seni. 11 (2): 138. ISSN 2355-3820.
- ↑ a b Ginting, S.U.B., dan Barus, E. (2017). Bentuk Kesantunan dalam Tindak Tutur Perkawinan Adat Karo. Tangerang: Mahara Publishing. pp. 72. doi:. ISBN 978-602-6745-41-5. https://osf.io/preprints/inarxiv/mz6kh/download.
- ↑ a b Ginting, Junita Setiana (2014). ""Kerja Tahunan", Pesta Tradisi Masyarakat Karo". Criksetra: Jurnal Pendidikan Sejarah. 3 (2): 88.
- ↑ Ginting, Lisa Septiana Dewi (2016). "Kajian Semiotika: Makna Gerak dalam Tarian Karo". Jurnal Penelitian Pendidikan Bahasa dan Sastra. 1 (1): 3.