Gemala Hatta
Dr. Dra. Gemala Rabi'ah Hatta, MRA., M.Kes (biaso dipanggia Gemala Hatta), lahia 2 Maret 1952. Adolah putri kaduo dari mantan Wakia Presiden RI yang partamo, Mohammad Hatta dan Rahmi Hatta.[1][2]
| Biografi | |
|---|---|
| Lahia | 2 Maret 1952  (72 tahun (id)  )Daerah Kusuih Ibukota Jakarta |
| Kalompok etnis | Urang Minangkabau |
| Kagiatan | |
| Karajo | Dotor jo pagawai negeri sipil |
| Pagawai | Universitas Indonesia |
| Kaluarga | |
| Pasangan hiduik | Mohammad Chalil Baridjambek (id) |
| Anak | Mohamad Athar Baridjambek (en) Sri Juwita Hanum Swasono (en) |
Pandidikan
suntiangGemala manamaikan padidikan Sakolah Manangah Ateh (SMA) di SMA Santa Ursula Jakarta pado taun 1970. Taun 1976, Gemala mandapekan gala MRA dari School of Medical Record Administration, Sydney, Australia; beasiswa Colombo Plan.[2][3] Universitas itu fokusnyo pado pambalajaran sains. Pado taun 1881 majadi universitar partamo di dunia yang manarimo anak didiak parampuan.[4]
Gemala malanjuikan pandidikan di Sekolah Tinggi Ilmu Administrasi Lembaga Administrasi Negara RI. Gelama luluih taun 1983 dan mandapekan gala strata satu (S-1).[2][5]
Pandidikan magister (S-2) dilanjuikan Gemala di Pascasarjana Fakultas Kesehatan Masyarakat Universitas Indonesia dan luluih taun 1994. Salanjuiknyo, Gemala mandapekan gala doktor taun 2002 satalah luluih Cum Laude di Fakultas Kesehatan Masyarakat Universitas Indonesia jurusan Biostatistik.[2][5]
Karia
suntiangNasional
suntiangSajak 1976 sampai 2017, Gemala bakarajo sabagai Pagawai Negeri Sipia (PNS) Kementerian Kesehatan RI. Pangkek jo golongan ruang Pambina Mudo/IV C-Lektor, eselon II A. Gemala pansiun saat pangkek jo golongan ruang Pambina Utamo Madya/IV D-Lektor Kapalo-Associate Professor. Gemala punyo NIDK (Nomor Induak Dosen Khusus).
Internasional
suntiangSajak taun 2001 sampai kini, Gemala adolah Honorary Member dari American Health Information Management (AHIMA) Chicago, Amerika Serikat. Sajak badiri taun 1928, organisasi ko hanyo saketek urang asiang yang alah manarimo Honorary Membership. Untuak Indonesia hanyo Gemala surang.[6]
Dari taun 2007 sampai 2010, Gemala manjadi Regional Director untuak International Federation on Health Records Organization (IFHRO) kawasan Asia Tenggara (11 negara). Sejak 2010 IFHRO ko baganti namo manjadi International Federation on Health Information Management Associations (IFHIMA). Gemala punyo paran pantiang di organisasi tu. Sajak taun 1968, IFHRO SEAR ditagakan jo Gemala sabagai Regional Director yang pertamo. Kini Gemala manjabaik sabagai Presiden Alumni APEC Women Information Community untuk 16 negara.[6]
Dalam pamilihan Regional Director IFHIMA untuk SEAR pariode 2019-2022 pado kongres 19 bulan November 2019 dulu yang diadoan di Dubai, Gemala tapiliah baliak satalah mandapekan suaro tabanyak dalam voting yang diikuikan 23 negara.[6]
Kagiatan
suntiangGemala Hatta acok menjadi pambicara di banyak kongres jo saminar, baiak nasional atau internasional. Paliang acok, sajak taun 1976 sampai kini Gemala maagiah palatihan tentang manajemen rekam medis atai manajemen informasi kasehatan.[7][8]
Prastasi
suntiangGemala adolah pakar rekam medis Indonesia.[7] Konsep Hatta Method yang dibuek Gemala takaik paningkekan analisiah rekam medis jo dengan manamuan caro panganalisian kualitatis rekam medis katingkek aspek dengan manggunoan babagai indikator profesi medis. Gemala manggabuangkan itu ka dalam multi variete-rotasi batingkek faktor analisis sahinggo manghasilkan formulir rekam medis yang diandalkan.
Konsep yang dibuek Gemala itu alah ditayangan jo dipresentasikan di Amerika Serikat (2004), Cape Town (2015), Tokyo (2016), dan Dubai (2019). Konsep itu tabukti dapek digunoan untuk kasado jenis morbiditas jo kagiatan fiskal terapi tamasuak Orthotik Prostetik.
Gemala juo merintis pangembangan pandidikan manajemen rekam medis di Indonesia. Bamulo jo mandirian sakolah D-3 Medical Record (Rekam Medis) taun 1989. Kini alah ado 57 total program D-3, D4, jo S-1 di babagai provinsi di Indonesia.[8]
Pado taun 1978-1986, Gemala mandirikan babagai bagian rekam medis dan informasi kesehatan di Rumah Sakik Kusta, Harapan Kita, Islam Cempaka Putih, dan Dr. Sardjito Yogyakarta. Sistem itu kini dipakai banyak rumah sakik jo puskesmas (pusat kesehatan masyarakat) di Indonesia.
Gemala juo sabagai pandiri Perhimpunan Profesional Perekam Medis dan Informasi Kesehatan Indonesia. Pado tahun 1989 tapiliha manjadi katua umum partamo sampai 1999.[8]
Pado taun 1970-an, Gemala mampaelokan organogram struktua rumah sakik di Indonesia pado Kementerian Kesehatan sahubungan jo masuaknyo unit karajo rekam medis (MIK) di rumah sakik di Indonesia. Saaik itu, Gemala mambantu proses tabiknyo jabatan fungsional Perekam Medis di Departemen Kesehatan yang disahan dek Kementerian Penertiban dan Aparatur Negara untuak saluruah praktisi rekam medis (manajemen informasi kesehatan) di Indonesia.[8]
Gemala juo manciptakan lapangan karajo baru tanago kesehatan Perekam Medis dan Informasi Kesehatan Indonesia. manabikan buku padoma untuak bidang kailmuan itu. Antaro lain "Pedoman Manajemen Informasi Kesehatan di Sarana Pelayanan Kesehatan" yang dijadian buku referensi dek Badan PPSDM, Kementerian Kesehatan untuk pandidikan rekam medis/MIK di Indonesia.[8]
Gemala sampai kini tetap manjadi disen tamu di Fakultas Kesehatan Masyarakat (FKM) UI dari akhia taun 1980-an. Gemala maaja mato kulia MIK, tarutamo klasifikasi penyakit (ICD) dan sajak 2018 sabagai dosen mata kuliah MARS di URINDO Bambu Apus, Jakarta Timur.[5]
Panghargaan
suntiang- Merit Award International Federation on Health Records Organization (IFHRO), Dallas, AS (1989).
- Co-writer untuak duo modul sirkulasi dunia.
- WHO: "Development of simple record systs.
- For Primary Health Care"-pedoman untuk negara berkembang (joint project WHO-IFHRO code V 30/1982) (1982-1987).
- Mambuet tigo dari sambila modul package program palatihan rekam medis untuak negara bakambang (joint project WHO-IFHRO) (1982-1986), yang kini dinamoan Medical Records Manual - A Guide for Developing Countries .[9]
Rujuakan
suntiang- ↑ Noer, Deliar (2018). Biografi politik Mohammad Hatta. Jakarta. ISBN 978-602-412-277-5. OCLC 1048256552. https://www.worldcat.org/oclc/1048256552.
- ↑ a b c d Swasono, Meutia F.; Hatta, Gemala Rabi'ah; Hatta, Halida Nuriah (2015). Bung Hatta di mata tiga putrinya. Jakarta. ISBN 978-979-709-988-6. OCLC 930072135. https://www.worldcat.org/oclc/930072135.
- ↑ "Profil Singkat Tiga Putri Bung Hatta, Ada yang Pernah Jadi Menteri". SINDOnews.com (dalam bahasa Indonesia). Diakses tanggal 2021-11-08.
- ↑ "Cerita surat menyurat Mohammad Hatta dengan sang putri saat belajar di Australia". merdeka.com (dalam bahasa Inggris). 2018-11-17. Diakses tanggal 2021-11-08.
- ↑ a b c "PDDikti - Pangkalan Data Pendidikan Tinggi". pddikti.kemdikbud.go.id. Diakses tanggal 2021-11-08.
- ↑ a b c "Presentasi Dr. Gemala Hatta di 18th IFHIMA International Congress Tokyo 2016". Poltekkes Kemenkes Jakarta I (dalam bahasa Indonesia). 2016-10-20. Diakses tanggal 2021-11-08.
- ↑ a b Arifin, Syifaul; Percetakan PT Gramedia (2014). Inovator pendobrak perubahan : raup uang lebih banyak dengan inovasi. Jakarta. ISBN 978-602-02-4857-8. OCLC 893476999. https://www.worldcat.org/oclc/893476999.
- ↑ a b c d e Ahmad, Artie (2019-02-22). "Gemala Hatta". SATUPENA (dalam bahasa Inggris). Diarsipkan dari versi asli tanggal 2021-11-08. Diakses tanggal 2021-11-08.
- ↑ "Mengenal Lebih Dekat Putri Bung Hatta - GEMALA RABI'AH HATTA | Bearita.com". bearita.com. Diarsipkan dari versi asli tanggal 2021-11-08. Diakses tanggal 2021-11-08.