Gaung NTB adolah harian umum nan manghadiakan informasi saputa kondisi takini di wilayah Sumbawa Provinsi Nusa Tenggara Barat. Barito-barito nan biasonyo dibahas sarupo kabijakan-kabijakan pamarintah daerah, korupsi nan acok tajadi di wilayah NTB, jo aspirasi warga itu surang. [1]

Surek kaba nan ditagakan dek Yayasan Bina Pemuda Kreatif Sumbawa pado 20 November 2000 ko mangusuang samboyan "Jangan Gentar Berkata Benar". Jo samboyan ko, Gaung NTB baniek mambaritokan paristiwa-paristiwa saakurek mungkin dan bapadoman pado kabanaran. Saolah samboyan ko nan nio disampaikan pado jurnalis jo pambaconyo untuak barani mangecekan kabanaran barito dami kaadilan jo kasajahteraan rakyat. Maksudnyo, media massa ndak masti mayarahkan pangaruhnyo untuak kapantiangan parusahaan gadang atau elite birokrasi, malainkan pado kapantiangan rakyat.

Sijarah suntiang

Angin parubahan nan manyartoi Orde Reformasi barimbeh ka salah ciek pipa kabebasan, yakni kabebasan pers. Bantuak kabebasan itu adolah barupo dibukaknyo surek kaba-surek kaba di saluruah Indonesia. Informasi indak lai bapusek di Jawa jo indak lai saputa Jawa sajo. Kondisi ikolah yang mambuek patumbuahan surek kaba samakin manjamua di panjuru daerah di Indonesia. Kahadiran media lokal maagiah kasampatan informasi lokal eksis di tangah aruih utamo informasi dari Jawa. Isu-isu lokal bamuncua manandiangi isu nasional. [1]

Angin kabebasan ikolah nan mamuncuan Gaun NTB. Awal mulonyo surek kaba nan babasis di Sumbawa ko mamakai namo Gaung Sumbawa, tapi di kamudian hari baganti manjadi Gaung NTB supayo pambaco malueh ka saluruah panduduak NTB. [1]

Rujuakan suntiang

  1. a b c Dwi Hartanto, dkk, Agung (2007). Seabad Pres Kebangsaan. I Boekoe. 

Pranala Lua suntiang