Gandang tigo
Gandang tigo iyolah alaik musik nan ditokok untuak mamaikannyo sarupo canang. Biasonyo gandang itu babantuak alaik musik nan tabuek dari batang pohon jo kulik binatang, namun gandang tigo iko babeda namo jo bantuaknyo.[1] Alaik musik iko tadapek di kanagarian Tabek Panjang,Kecamatan Baso, Kabupaten Agam. Alaik iko dinamokan gandang tigo karano alaik iko tasusun tigo jo ukurannyo nan babeda-beda yaitu:[2]
- Gandang gadang (baukuran diameter 24 cm, banada F)
- Gandang manangah (diameter 21,5 cm, banada G)
- Gandang ketek. (diameter 21 cm, banada A)
Sijarah
suntiangNamo gandang tigo iko barasal dek biasonyo masyarakaik satampek manyabuik bamain musik jo bagandang. Kalau ado nan maajak bamain musik, urang manyabuik; "bagandang wak nah". Sadangkan kato tigo barasal dek jumlah pamainnyo ado tigo urang. Dek itulah namonyo gandang tigo. Musik gandang tigo iko bakambang di kanagarian Tabek Panjang sajak labiah dari 300 taun nan lalu. Satiok suku di kanagarian Tabek Panjang punyo alaik musik iko. Sajak pagolakan taun 1958, alaik musik iko alah mulai hilang.[3]
Rujuakan
suntiang- ↑ Chandra, Roma (2011). Gandang tigo sudah hampir punah. Haluan.
- ↑ Alat Musik Tradisional Minangkabau. Proyek Pengembangan Permuseuman Sumatera Barat. 23 Nopember 1983.
- ↑ "Gandang tigo". oxford music online.