Galembong

Galembong atau Sarawa Galembang marupoan sarawa jo potongan nan khas dipakai urang Minangkabau untuak alek-alek tatantu. Biasonyo dipakai pulo untuak balatiah silek. Pado dulunyo urang-urang manggunoan sarawa galembong untuak ka sawah jo ko ladang. Galembong umumnyo digunoan dalam latihan silek, namun acok disamoan juo jo sarawa nan dipakai dalam latihan randai. Latihan randai mamakai sarawa nan disabuik jo endong.

Galembong tabuek dari kain saten atau baludru. Rononyo itam, ukurannyo sangaik lapang jo gadang, pisaknyo ampia sampai ka batih, nan dibagian dipagalangan kaki manyampik. Galembong malambangan langkah nan awas untuak sagalo kamungkinan nan akan tajadi.