Gajah sumata

Gajah Sumatra (bahaso Latin: Elephas maximus sumatranus) adolah gajah asia nan tampek tingganyo hanyo di Pulau Sumatra. Postur badan Gajah sumatra labiah ketek dari subspesies gajah India. Kiniko populasinyo semakin manurun dan manjadi spesies yang sangat tarancam. Manuruik hasia panalitian taun 2000 jumlah gajah sumatra nan tasiso di alam lia sebanyak 2000 sampai 2700 ikua. Sabanyak 65% gajah sumatra mati dek dibunuah manusia dan 30% lainnyo dibunuah jo racun dek manusia. Sabanyak 83% tampek tingga gajah sumatra alah jadi lahan kabun sawit.

Gajah sumatra marupokan mamalia tabanyak di Indonesia, bareknyo mancapai 6 ton dan tumbuah satinggi 3,5 meter di bahu. Kehamilan gajah sumatra baumua 22 bulan, umua rato-rato sampai 70 taun. Herbivora gadang iko sangaik cadiak dan punyo otak yang labiah gadang dibandiangkan jo mamalia darek lain. Talingo nyo lumayan gadang sahinggo manolong gajah mandanga dengan janiah dan manolong mangurangi raso angek di badan. Belalai gajah digunokan untuak mandapekkan makanan jo minuman dengan caro dipacik atau diganggam bagian ujuangnyo sarupo jari tangan untuk mangauik. Caro malinduangi gajah adolah marawatnyo di kebun binatang atau taman konservasi Pamarintah.

Morfologi

Gajah Sumatra marupokan salah ciek subspesies dari species Gajah Asia nan kabaradoannyo hampia punah. Gajah sumatra diagiah namo Elephas maximus dengan subspecies sumatranus. Manuruik Garsetiasih et al. (2017), Gajah marupokan mamalia gadang yang punyo bobot 1000 kg. Samantaro gajah Sumatra punyo bobot 2-3x lipek dari bobot gajah umumnyo yakni 2000-3000 kg. gajah Sumatra punyo morfologi nan indak babeda jauah jo gajah Asia. Manuruik Zein dan Sulandari (2016), Gajah Asia punyo morfologi barupo talingo nan labiah ketek dari gajah Afrika, punyo dahi rato, jo punyo bonggol di kapalo nan marupokan puncak tatinggi gajah, samantaro gajah afrika hanyo punyo ciek bonggol. Gajah Asia juo punyo ciek bibia di ujuang belalainyo, sadangkan gajah Afrika punyo duo bibia di ujuang belalainyo. Ciri khas nan ado di gajah Asia adolah hanyo gajah jantan nan punyo gadiang. Manuruik Garsetiasih et al. (2017) Gajah Sumatra punyo daya pakan hijauan kisaran 200 kh sampai 300 kg per individu. Tumbuahan pakan nan disuko gajah Sumatra asanyo dari suku Cyperaceae jo Poaceae dikaranokan tekstur morfologinyo nan lunak jo bantuaknyo sarupo rumpuik.

Gajah Sumatra marupokan salah ciek satwa nan tarancam punah. gajah Sumatra punyo manfaat nan sangat pantiang untuak lingkungan sakaliliangnyo. Manuruik Salsabila et al. (2017), gajah marupokan panjago ekosistem di rimbo Taman Way Kambas. Gajah juo bapangaruh dalam penyebar baniah tumbuah tanaman atau pepohonan di dalam rimbo, samantaro guno ekonomi gajah juo berperan sebagai objek wisata. Populasi gajah nan samakin saketek dan lambeknyo proses perkembangbiakan gajah menyebabkan gajah punyo banyak ancaman nan serius. Menurut Zein dan Sulandari (2016), banyak populasi gajah nan bakurang karano terjebak dalam kantung-kantung ketek nan indak sasuai untuak mandukuang kehidupan gajah. Hal itu mamicu bacakak manusia jo gajah nan tarancam punahnyo gajah Sumatra. Bakurangnyo populasi gajah Sumatra karano diburu manusia dek gadingnyo sangat tinggi nilai ekonominyo.

Habitat

Gajah sumatera (Elephas maximus sumatranus) marupokan satwa nan mambutuhkan tampek jelajah nan luas, karano gajah butuh raso aman dan nyaman, supayo aktivitas hriannyo indak tangganggu. saikua gajah butuh ruang jelajah saluas 680 ha. ado tigo hal nan manantukan panggunoan habitat jo sumber daya gajah Sumatra, yakni musim, aksessibilitas jo gangguan. Aktivitas gajah sangat dipengaruihi dek kondisi habitatnyo, habitat nan sasuai akan manjamin gajah dapek beraktivitas sacaro normal.

Ado babarapo faktor nan mempengaruhi gajah Sumatra dalam mamiliah habitat, yakni :

1. Kemiringan

Gajah Sumatra marupokan binatang herbivora nan ukurannyo gadang, kemiringan bapangaruh karano gajah cenderung mahindari kemiringan terjal. Hal itu dikaranokan ukuran badan gajah nan gadang akan mambuek gajah sulik bergerak di daratan nan terjal.

2. Sumber aia

Gajah Sumatra termasuk water dependent species atau binatang nan punyo ketergantungan jo aia, sahinggo gajah labiah mamiliah habitat nan ado sumber aia untuak makan jo bakubang.

3. Ketersediaan sumber mineral

Gajah Sumatra mambutuhkan garam mineral nan dipagunoan dalam proses metabolismen badan jo malancarkan proses pencernaan makanan. Garam mineral didapekkan jo caro mandatangi tampek nan manganduang banyak garam (salt licks).

4. Katinggian lahan

Gajah Sumatra tamasuak satwa megaherbivor, hal itu mambuek gajah labiah menghindari area pegunuangan, nan punyo kemiringan terjal.

5. Ketersediaan pakan

Gajah Sumatra umunyo punyo bobot sagadang 2000-3000 kg, sahinggo gajah mancari habitat nan dapek mamanuhi kebutuhan pakan hariannyo sabanyak 10% dari total bobot badannyo. Pakan gajah marupokan rumpuik mudo, herba, jo jenis pohon yang berserat halussarato kulik kayu mudo nan masih segar.

6. Palinduang

Gajah Sumtra untuak mamanuahi kebutuhannyo mangambara di habitatnyo dari ciek vegetasi ka vegetasi lainnyo untuak mancari makan, istirahat, lalok, jo manjalin hubuangan sosial. Hal itu karano satiok vegetasi nan bafungsi tersendiri dalam mamanuahi kebutuhan gajah.

7. Tipe hutan

Gajah Sumatra punyo habitat di sajumlah tipe rimbo, yakni rimbo rawa, rimbo gambut, rimbo hujan dataran randah, jo rimbo hujan pagunuangan randah.