Gajah afrika

{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/{{taxonomy/Templat:Taxonomy/Loxodonta|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}} |machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}} |machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}|machine code=parent}}

Gajah afrika marupoan salah satu jinih gajah nan iduik di Afrika marupoan salah satu dari family Elephantidae nan masih ado. Gajah ko mamiliki duo jinih yoitu Gajah Sabana Afrika (loxodonta africana) jo Gajah Hutan Afrika (loxodonta cyclotis). Hewan iko mamiliki kulik bawarna abu-abu sarato mamiliki talingo jo gadiang. Bantuak gajah ko saparti gajah pado umumnyo. Hewan ko juo mamiliki utak nan gadang, yoitu labiah dari 5 kg sakaligus manjadi hewan nan paliang pintar. Gajah afrika marupoan hewan omnivora pamakan rumpuik, tumbuahan, buah, jo dadaunan pohon.

Gajah afrika
Gajah afrika di Daerah konservasi Ngorongoro
Gajah afrika jo anaknyo di Taman Nasional Nouabalé-Ndoki
Klasifikasi ilmiah
Unrecognized taxon (fix):	Loxodonta
Species
L. africana L. cyclotis L. adaurora L. a. adaurora L. a. kararae L. atlantica L. a. angammensis L. a. atlantica L. exoptata
Pasebaran tampek tingga Loxodonta (2007)

Karakteristik

Badan

Gajah afrika mamiliki rambuik aluih bawarna itam di badannyo nan manutupi kulik nyo. Hewan ko mamiliki kulik bawarna abu-abu sataba 30 mm. Gajah afrika mamiliki talingo nan gadang nan bafungsi maangurangi suhu angek di dalam tubuhnyo. Caro karajo nyo katiko gajah mangepakan talingo, aliran udaro mangalir dan pado bagian dalam talingo nyo maadok kalua sahinggo dapek manjago suhu badannyo dari angek nan balabiah. Gajah afrika mamiliki balalai nan digunoan untuak mancium, mamacik, maambiak makanan, manghasilkan suaro, sabagai alat untuak pertahan bahkan bisa untuak manyerang musuah. Belalainyo iko tadiri dari 40 - 60.000 panyusun otot sarato katiko Gajah afrika barado di aia bafungso sabagai pakakeh untuak pernapasan.

Gadiang jo gigi

Gajah afrika mamiliki gadiang saparti gajah pado umumnyo. Gadiang nan dimiliki jantan labiah gadang sarato runciang sadangkan batino ukuran gadiang nyo labiah ketek sarato tidak tampak tajam. Gadiang Gajah afrika mamiliki barek 23 – 45 kg sarato mamiliki panjang rato rato 1.5 - 2.4 meter. Gadiang digunoan dek gajah afrika untuak mangoyak aka pohon jo mangupeh kulik pohon untuak mancari makanan, gadiang digunoan dek nan jantan untuak bacakak antar sasamo inyo biaso nyo tajadi pado musim kawin. Gadiang iko bafungsi juo malinduangi diri dari pamangso. Gadiang batambah panjang tagantuang daripado umua si gajah surang.

Gajah afrika mamiliki limo gigi graham jo barek sakitar 5 kg jo panjang rato ratonyo sakitar 30 cm. Biasonyo tajadi 4 - 6 kali pagantian gigi salamo iduikyo, sasudah Gajah afrika kahilangan gigi tarakhia nyo akan mati surang disebabkan kalaparan.

Ukuaran

Kini ko Gajah afrika marupoan makhluk iduik darat nan paliang gadang. Gajah afrika nan paliang gadang pernah tacatat jo barek 10.400 kg sarato mamiliki tinggi 4.21 meter.

Parilaku jo lingkuangan

Gajah afrika marupoan hewan nan iduak bakalompok, nan tadiri dari kawanan sarato anak-anak nyo. kawanan gajah ko dipimpin dek gajah batino nan paliang tuo, nan dianggap alah mamiliki pangalaman jo kamampuan nan maarahan untuak mancari makanan sarato mancari sumber aia. Hewan iko bisa juo bakomunikasi dalam jarak nan jauah jo caro mangaluaan suaro dari belalai nyo. Gajah afrika indak salalu bakalompok, inyo akan bajalan surang katiko alah gadang. Gajah afrika ko kambali ka kalompok untuak mancari pasangan. Kauntuangan iduik sacaro bakalompok adolah tajaminnyo dalam mancari makanan jo aia.

Gajah afrika iko marupoan hewan darat nan paling pintar setara jo hewan kelas primata jo kelas cetaceans. Barek utak hewan iko marupoan nan paliang gadang diantaro hewan darat lainnyo nan mancapai 5 kg. Utak hewan iko juo mamiliki struktur jo jumlah neuron nan samo jo manusia.

Reproduksi

Gajah afrika dewasa biasonyo maalami maso pambuahan pado umua 25 sampai 45 tahun. Hewan (batino) iko mulai bisa bakambang biak pado umua 10 sampai 12 tahun sarato mamiliki usia kahamilan salamo 22 bulan dan hanyo bisa malahian anak satiok 3 sampai 6 tahun. Jiko umua Gajah afrika 50 tahun bararti inyo bisa malahian sabanyak 7 kali.

Katiko Gajah afrika jantan maalami musth, yoitu maningkeknyo kadar testosteron pado si jantan sahinggo inyo baparilaku agresif. Parilaku musth iko juo manunjuakan ka batino bahwasonyo si jantan mamiliki kualitas nan rancak. Baaitu pulo nan tajadi pado Gajah afrika batino, katiko inyo maalami maso etrus inyo akan mancari jantan untuak malinduangi nyo. Caronyo jo mangaluaan suaro untuak mancari perhatian pajantan dari jarak nan jauah. Gajah afrika nan jantan bisa mancium hormon batino nan alah siap dibuahi.