Gado-gado
Gado-gado marupokan makanan buekan Cino nan maniru masakan Balando. Saus kacang manjadi ciri khas gado-gado. Tadapek babagai macam mode dari gado-gado. Tapi, rato-rato mampunyoi raso nan samo yaitu raso segar dari sayua nan diabuih dan gurih dari saus kacang.
 | |
| Asa | |
|---|---|
| Nagara asa | Indonesia  |
| Rincian | |
| Jinih | hidangan (id)  jo salad (id) |
| Bahan utamo | sayua, bumbu kacang (id) , telur (id) , kerupuk (id) , Bawang goreng (id) , Nasi jo lontong (id) |
Gado-gado tadiri dari sayua-sayua nan di abuih sarato dicampui jadi ciek jo bumbu kacang nan alah dialuihkan. Dilengkapi jo irihan talua abuih, timun, tahu, jo bawang gorang dapek manambah lamaknyo. Biasonyo sayua nan digunokan adolah toge, lobak, bayam, sarato sayua nan lainnyo. Gado-gado biasonyo disajikan samo irisan lontong.
Raso gurih dari bumbu kacangnyo cukuik tanamo, sahinggo disukai satiok lapisan masyarakaik. Wajar sajo, jiko hidangan ko manyebar ka banyak daerah di Indonesia. Bahkan dek tanamonyo, banyak urang asiang manyabuiknyo sabagai salah satu daftar kuliner nan wajib dicubo katiko bakunjuang ka Indonesia.
Kini ko gado-gado alah marupokan makanan nan mudah ditamui, karano panjuanyo taseba di banyak tampek. Tapi, daripado mambalo ndak ado salahnyo sakali-kali mambueknyo surang. Salain labiah hemat, jo mambuek gado-gado surang awak dapek manyasuaikannyo samo salero surang-surang. Supayo labiah tau, barikuik caro mambuek gado-gado sederhana.
Caro membuek gado gado sederhana:
Sasuai jo namonyo, gado-gado ko cukuik mura di buek. Awakpun dapek mangganti bahannyo sasuai jo salero nan diinginkan.
Bahan-bahan
50 gram toge (buang akanyo, basua jo ayia angek, langsuang kariangkan)
150 gram sayua lobak (potong-potong, abuih, langsuang kariangkan)
150 gram sayua bayam (ambiak dauonnyo sajo, abuih, langsuang kariangkan)
1 bua tahu (barasiakan, langsuang goreng)
1 potong tempe (barasiakan, langsuang goreng)
1-2 sendok makan bawang goreng
3 bua talua abuih (buang kuliknyo)
Karupuak goreng
Caro mambuek saus samba gado-gado
200 gram kacang tanah nan alah di goreng
2 bua lado mera
5 bua lado kaciak
1 sendok teh garam
½ sendok teh terasi
1 sendok makan gulo mera/gulo saka
200 cc ayia angek
Caro mambuek gado-gadonyo
1. Buang kulik kacang, siap tu goreng. Kalau lah masak aluihkan
2. Lalu abuih kacang samo santan, lado mera jo lado kaciak nan alah digoreng, terasi, gulo mera sarato garam. Campua sado bahan untuk samba sausnyo, siap tu masak sampai mandidih, tu angkek jo diamkan.
3. Abuih bahan-bahan sayua sarato talua
4. Goreng tahu dan tempenyo
5. Latakkan elok-elok di piriang, sayua-sayua jo tambahan potongan talua. Lalu tambahkan bawang goreng dan ramehan karupuak di atehnyo. Siram jo samba saus kacang. Gado-gado siap di hidangkan.