Formula Satu

Formula Satu nan dinamoan juo jo Formula 1', F1 (baso Inggirih: FIA Formula One World Championship iolah sarangkaian tandiang oto bakurisi tungga jo kelas paliang tinggi nan diatua dek Federasi Otomotif Internasional sarato dipunyoi dek Formula One Group. Ciek tandiang oto dalam rangkaian ko disabuik Grand Prix. Tandiang oto ko disalanggarakan dalam sirkuit atau labuah gadang dalam kota nan ditutuik khusus untuak tandiang oto. Partamo kali dipatandiangkan di Eropa. Samanjak itu, mulai dibangun banyak sirkuit di lua Eropa untuak panyalanggaraan pacu oto ko.

Sijarah

Tandiang oto Formula 1 iko baraka dari grand prix oto di Eropa antaro taun 1920 inggo 1930. Sudah itu, babarapo sarikaik atau organisasi tandiang grand prix marumusan babarapo aturan baru untuak kajuaraan dunia sabalun Parang Dunie Duo. Dek parang, Formula Satu iko tabarantian inggo taun 1947 sarato tabantuak lai pado taun 1950. Kudian kajuaraan dunia untuak konstruktor muncua pado taun 1958. Tandiang oto Formula Satu jo indak adonyo gala tasalanggara tiok taun, tapi dek pandanaan untuak tandiang oto iko nan taruih manggadang, mangko tandiang oto ko panah barakia pado mulo taun 1980-an.

Mulo batandiang

Juan Manuel Fangio

Juan Manuel Fangio manggarik-an oto Alfa-Romeo 159 nangko untuak mandapekan juaro tandiang oto Formula Ciek taun 1951.

Gala juaro dunia Formula Satu partamo kali dimanangkan dek pambalap Italia, Giuseppe Farina jo otonyo Alfa Romeo taun 1950, nan mangalahkan kawan satimnyo jo salisiah saketek, yaitu pambalap dari Argentina, Juan Manuel Fangio. Tapi pado taun barikuiknyo, Fangio mandapekan gala juaro dunia pado taun 1951 sarato ampek kali dalam anam taun barikuiknyo. Dek itu, Fangio manjadi lagenda dalam maso awa Formula Satu.

Juaro dunie dari Britania Rayo nan paliang jolong iolah Mike Hawthorn nan manggarik-an oto Ferrari mandapekan juaro bakeh 1958. Kudian Colin Chapman masuak ka Formula Ciek untuak marancano-an pambuekan oto sarato kudian baranjak ka saurang panagak Lotus, British racing green tibo untuak mangungkuang tandiang oto nangko bakeh kabara puluah-puluah taun barikuiknyo. Jim Clark, Jackie Stewart, Jack Brabham, Graham Hill, jo Denny Hulme iolah salirik namo-namo panggarik oto tim Inggirih.