Filsafat politik

Istilah filsafat barasa dari bahaso Yunani nan tabantuak dari duo kato yaitu philo dan sophia. Duo kato ko mampunyoi arti masiang-masiang. Philo nan bararti “cinto” dalam arti nan labiah laweh atau umum yaitu kainginan, kahandak. Sadangkan Sophia mampunyoi makna “hikmah, kabijaksanaan, dan kabanaran”. Jadi, sacaro etimologis, filsafat bisa diartikan sabagai cinto akan kabijaksanaan.

Politik adalah proses pambantuakan dan pambagian kuaso dalam masyarakaik nan antaro lain bawujud pado proses pambuekan kaputusan, khususnyo dalam nagara. Politik juo acok dikaik'an jo hal-hal panyelenggaraan pamarentahan dan nagara.

Jadi, pengertian filsafat politik adolah suatu upaya untuak mambahas hal-hal nan bakaik'an jo politik sacaro sistematis, logis, bebas, mandalam, sarato manyaluruah. Filsafat Politik bararti pamikiran-pamikiran nan takaik jo politik. Bidang politik marupokan tampek manerapan ide filsafat. Ado bamacam-macam ide-ide filsafat nan turuik mandorong perkembangan politik modern yaitu liberalisme, komunisme, pancasila, dan lain sabagainyo. Filsafat politik marupokan refleksi filosofis mengenai masalah-masalah sosial politik nan dapek kito bedakan jadi duo bagian pambahasan yang bakaik arek, nan partamo iyolah mampasoalan hakikaik, dan nan karuo iyolah mampasoalan fungsi jo tujuan.

Tapi dalam kanyataannyo, filsafat politik indak hanyo mampasoalan hakikaik, fungsi jo tujuan nagara, malainkan juo mambahas soal keluarga dalam nagara, pendidikan, agamo, hak dan kawajiban individual, kekayaan jo harato punyo pamarentah dan sabagainyo. Filsafat politik babeda jo ilmu politik, karano ilmu politik tu sifaiknyo deskriptif dan basangkuik-pauik jo fakta-fakta, sadangkan filsafat politik ko labiah basifaik normatif dan basangkuik-pauik jo yang namonyo nilai-nilai.