Fenitoin

sanyawa kimia

Fenitoin adolah jinih ubek untuak mancagah jo maridoan kajang pado pandarito panyakik ayan[1]. Fenitoin ko bisa digunokan untuak nan kajang parsial (kajang nan indak balangsuang lamo) atau kajang kompleks (atau kajang nan labiah lamo daripado parsial).[4] Ubek ko bisa pulo digunokan untuak manangani status epileptikus jo mancagah kajang sasudah prosedur kraniotomi.[5]

Fenitoin
Structural formula of phenytoin
Ball-and-stick model of the phenytoin molecule
Data klinis
Palafalan/fəˈnɪtn,_ˈfɛntɔɪn/
Namo dagangCurelepz, Decatona, Dilantin, Ikaphen, Kutoin, Phenitin, Phenytoin Sodium[1]
AHFS/Drugs.comMonograph
Rute
masuak ubek
jo muluik , lewat pambuluah darah
Kode ATC
Status legal
Status legal
Farmakokinetik data
Bioavailabilitas70–100% (muluik), 24.4% (dubua)
Ikatan protein95%[2]
MetabolismeLiver
Awitan aksi10–30 min (pambuluah darah)
Eliminasi wakatu paruah10–22 jam [2]
Durasi aksi24 jam
Ekskresikajamban (23–70%), ampadu[3]
Pangenal
Nomor CAS
PubChem CID
IUPHAR/BPS
DrugBank
ChemSpider
UNII
KEGG
ChEBI
ChEMBL
CompTox Dashboard (EPA)
ECHA InfoCard100.000.298 Sunting ini di Wikidata
Data kimia jo fisika
FormulaC15H12N2O2
Molar mass252.273 g·mol−1
3D model (JSmol)
 NYaY (what is this?)  (verify)

Formulasi kimia untuak fenitoin adolah : 5,5-diphenyl-2,4-imidazolidinedione.[5]

Sijarah panamuan suntiang

Pado taun 1908, Fenitoin partamo sakali disintesis dek ahli kimia dari Jerman, Heinrich Biltz. Biltz manjuanyo ka Parke-Davis. Pado taun 1938, ilmuwan-ilmuan lainnyo tamasuak H. Houston Merritt jo Tracy Putnam basomok guno fenitoin untuak maubek panyakik kajang-kajang, nan indak ado efek sedatif nan takaik jo fenobarbital.[6]

Jack Dreyfus, urang nan mandirian Dana Dreyfus, adolah urang nan manjadi pandukuang utamo manjadikan fenitoin sabagai ubek untuak mangandalian gugup jo depresi, katiko inyo mandapekan resep untuak Dilantin pado taun 1966. Inyo alah maambiak ubek ko dalam jumlah nan banyak kapado Richard Nixon sapanjang taun 1966 sampai taun 1970, walaupun hal itu dibantah dek mantan asisten Gaduang Putiah.[7]

Merek dagang suntiang

Merek dagang dari fenitoin ko adolah  : Curelepz, Decatona, Dilantin, Ikaphen, Kutoin, Phenitin, Phenytoin Sodium.[1]

Dosis suntiang

Aturan pamakaian fenitoin nan diagiahkan dotor babeda untuak anak ketek jo urang gadang, sarato babeda pulo antaro urang nan mandarito panyakik ayan jo epileptikus (kajang taruih manaruih).[1]

Panyakik ayan suntiang

  • Anak ketek : dosis partamo adolah 5 mg/kgBB per hari, bisa diagiahkannyo dibagi ka dalam 2 jadwal mamakan. Dosis untuak pamaliharoan adolah 4-8 mg/kgBB per hari, dapek dibagi untuak babarapo kali makan. Dosis maksimalnyo 300 mg per hari.
  • Urang gadang  : dosis partamo adolah 3–4 mg/kgBB atau 150–300 mg per hari. Dosis pamaliharoan adolah 200–500 mg per hari.

Epileptikus suntiang

  • Anak ketek : 15–20 mg/kgBB diagiahkan malalui infus IV jo kacepatan lambek.
  • Urang gadang : 10–15 mg/kgBB diagiahkan malalui suntikan pambuluah darah (intravena/IV) lambek. Dosis pamaliharoan adolah 100 mg 3–4 kali sahari.

Paringatan suntiang

Fenitoin indak bisa dimakan dek sumbarang urang sajo. Ado kondisi tubuah tatantu atau hal-hal lain nan harus diparatian sabalum mamakan ubek ko, misalnyo alergi ubek atau sabagainyo. Kamudian jan lupo di agiah tau ka dotor tampek konsultasi atau barubek.

Hal-hal nan paralu di kecek an kapado dotor adolah :[1][8]

  1. Pernah atau sadang mandarito panyakik aritmia.
  2. Mamiliki gangguan hati.
  3. Sadang manganduang atau manyusui.
  4. Sadang maminum ubek lainnyo.
  5. Punyo panyakik jantuang.
  6. Hormon tiroid randah.
  7. Kakurangan vitamin D atau kondisi lain nan manyababkan panipihan tulang.
  8. Mandarito panyakik gulo

Efek Sampiang suntiang

Ado babarapo efek sampiang nan bisa timbua dek karano mamakan fenitoin. Diantaronyo adolah:[4]

  • payah lalok lamak
  • sakik kapalo
  • mual
  • muntah
  • mangecek kurang jaleh
  • agak payah mangecek sarato makan jo minum
  • kondisi mental manurun
  • sembelit

Interaksi jo ubek lain suntiang

Ado babarapo interaksi nan timbua dek panggunoan fenitoin basamoan jo ubek lain.[1]

  • Bisa manyababkan maningkeknyo kadar fenitoin dalam darah jikok digunokan sarato jo amiodarone, ketoconazole, capecitabine, chloramphenicol, disulfiram, fluorouracil, fluoxetine, fluvoxamine, cimetidine, isoniazid, omeprazole, sertraline, ticlopidine, asam valproate, atau warfarin.
  • Bisa manurunnyo kadar fenitoin dalam darah jikok digunokan sarato jo bleomycin, carbamazepine, asam folat, phenobarbital, atau sukralfat.
  • Bisa manurunkan kadar albendazole, atorvastatin, ciclosporine, digoxin, efavirenz, quetiapine, apixaban, praziquantel, atau simvastatin di dalam darah.
  • Bisa manurunkan efektivitas ubek antijamua golongan azole, estrogen, pil KB, kortikosteroid, doxycycline, furosemide, irinotecan, paclitaxel, teofilin, atau vitamin D

Rujuakan suntiang

Daptar Pustaka suntiang

  • "Phenytoin". Alodokter. 2015-02-06. Diakses tanggal 2020-12-20. 
  • "Phenytoin". The American Society of Health-System Pharmacists. Diarsipkan dari versi asli tanggal 2015-09-08. Diakses tanggal 2020-12-21. 
  • Parker, Kenneth D.; Elliott, Henry W.; Wright, James A.; Nomof, Norman; Hine, Charles H. (1970). "Blood and Urine Concentrations of Subjects Receiving Barbiturates, Meprobamate, Glutethimide, or Diphenylhydantoin". Clinical Toxicology. Informa UK Limited. 3 (1): 131–145. doi:10.3109/15563657008990108. ISSN 0009-9309. PMID 5520387.