Fakultas Farmasi Universitas Gadjah Mada
Fakultas Farmasi UGM adolah salah satu fakultas di Universitas Gadjah Mada. Fakultas Farmasi UGM marupokan perguruan tinggi farmasi tatuo di Indonesia.
Sejarah suntiang
Fakultas Farmasi Universitas Gadjah Mada didirikan oleh Kementrian Kesehatan RI pado tanggal 27 September 1946 jo namo Perguruan Tinggi Ahli Obat (PTAO). Perguruan Tinggi iko bagabuang dalam gabuangan perguruan tinggi-perguruan tinggi nan tadiri dari Perguruan Tinggi Kedokteran, Perguruan Tinggi Kedokteran Gigi, Perguruan Tinggi Pertanian dan Perguruan Tinggi Kedokteran Hewan nan sadoalahnyo dikatuai dek Prof. Dr. M. Sardjito dan bakaduduakan di Kompleks RSU Tegalyoso, Klaten. Pado wakatu kajadian pambarontakan PKI Moeso sarato aksi militer dek tentara Balando ka-2 mako pado tanggal 19 Desember 1948 perguruan tinggi-perguruan tinggi tasabuik tapaso mahantikan kagiatan akademisnyo. Para dosen dan mahasiswa banyak nan bagabuang jo tentara untuak ikuik bagerilya atau bagabuang dalam tim Palang Merah.
Satalah pasatujuan Roem-Van Royen pado tanggal 7 Mei 1949 ado pamikiran bahwa sabaiaknyo Perguruan Tinggi diiduikkan baliak. Pado tanggal 20 Mei 1949 diadokan rapek Panitia Perguruan Tinggi di Pendopo Kepatihan. Prof. Dr. M. Sardjito sabagai Katua Perguruan Tinggi di Klaten manyanggupi untuak manyusun Perguruan Tinggi nan dirancanokan, beliau kamudian mamintak tampek di Yogyakarta. Ateh kamurahan hati Sri Sultan Hamengkubuwono IX, babarapo bangunan punyo Kraton Yogyakarta antaro lain Mangkubumen dapek dipakai sabagai tampek Perguruan Tinggi nan dibantuak.