Fadril Aziz Isnaini
Fadril Aziz Isnaini adolah saurang wartawan senior yang tacataik sabagai salah satu pandiri Balai Wartawan Rohana Kudus Bukittinggi pado awal 1980-an, jo parnah manjabaik sabagai ketua. Dalam organisasi PWI tarakhir inyo manjabaik sabagai Ketua Dewan Kehormatan Daerah (DKD) PWI Sumatera Barat. Fadril Aziz Isnaini labiah dikana jo namo Infai. Inyo lahia di Maninjau, Kabupaten Agam, pado 3 September 1958 dan maningga di Padang pado 2 September 2014. inyo maningga sahari manjalang ulang tahunnyo yang ka-58.
| Biografi | |
|---|---|
| Lahia | 3 September 1958  |
| Kamatian | 2 September 2014 (55 tahun (id)  ) |
| Kalompok etnis | Urang Minangkabau |
| Kagiatan | |
| Karajo | Wartawan |
Fadril Aziz Isnaini adolah wartawan yang istikomah jo profesinyo, punyo idealisme yang tinggi, bawatak kareh, tapi suko bagarah. Salamo manjalani maso kanak-kanak hinggo remaja di Bukittinggi, Fadril Aziz Isnaini alah mulai jadi wartawan sajok usia mudo pado tahun 1977, waktu inyo masih manjadi pelajar di STM Muhammadiyah Bukittinggi. Mulonyo inyo bakarajo untuak surek kaba mingguan/harian Singgalang dan Haluan. Tahun 1981 inyo pindah manjadi koordinator wartawan Harian Semangat untuak wilayah Sumatera Barat bagian utara bakaduduakan di Bukittinggi. Infai jugo dikatokan sabagai wartawan otodidak yang multitalenta. Inyo jugo dikana sabagai panulih novel (carbung), carito pendek, cargam (carito bagambar) jo ilustrator.
Pado awal tahun 1980-an, basamo sajumlah wartawan senior di Bukittinggi, antaro lain Yalvema Miaz, Adly Etek, Armidas Moenir, Nusjirwan Damhoeri, dan Kapten Inf. Musta'in, Infai ikuik mandirikan Balai Wartawan Rohana Kudus yang marupokan Balai Wartawan tatuo di Sumatera Barat satelah Balai Wartawan Adinegoro di Padang. Inyo manjabaik sabagai sekretaris sudah itu naiak sabagai Ketua Balai Wartawan Rohana Kudus. Balai Wartawan Rohana Kudus sangaik terkenal aktivitasnyo pado maso itu, karano marupokan yang patamo di Sumatera Barat manyelenggarokan kursus wartawan didukuang oleh Korem 032/Wirabraja jo Pemda Bukittinggi. [1]
Rujuakan
suntiang- ↑ Chaniago, Hasril (2018). 121 Wartawan Hebat Dari Ranah Minang dan Sejumlah Jubir Rumah Bagonjong. Padang: Panitia Pelaksana Daerah Hari Pers Nasional 2018 Biro Humas Setda Provinsi Sumatera Barat.