Eswatini
Eswatini atau sacaro rasmi Kerajaan Eswatini dan sabalumnyo Swaziland adolah sabuah nagara nan takuruang daratan di Afrika Selatan. Babatehan jo Mozambik di timur laut sarato Afrika Selatan di utara, barat, selatan, jo tenggara.[1] Jo jarak indak labiah dari 200 km (120 mil) dari utara ka selatan sarato 130 km (81 mil) dari timur ka barat, Eswatini marupokan salah ciek nagara taketek di Afrika. Namun bak itu, iklim jo topografinyo baragam, mulai dari dataran tinggi nan sajuak jo bagunuang-gunuang sampai dataran randah nan kariang sarato angek.[2]
Pamarentahannyo iolah monarki absolut, nan terakir di Afrika,[3] jo alah diparentah dek Rajo Mswati III sajak tahun 1986.[4][5] Pamilu diadokan satiok limo tahun untuak mamiliah anggota Dewan jo Senat, tapi partai politik dilarang mancalonan diri.[6] Pamungutan suaro dilakukan sacaro non-partisan. Kasadoan prosedur pamilu diawasi dek Komisi Pamilihan Umum jo Pabatasan.[7] Manuruik Konstitusi, Rajo adolah simbol persatuan jo keabadian banso Swazi.[8]
Nagara ko punyo panduduak 1,11 juta jiwa pakiroan tahun 2021 manuruik CIA World Factbook. Sadangkan manuruik sensus tahun 2007 panduduak bajumlah 912.229 jiwa. Jumlah ko labiah randah dari hasia sensus tahun 1997 nan bajumlah 929.718 jiwa. Hal iko diyakini disababkan dek papindahan urang Swazi ka Afrika Selatan mancari karajo.[9] Mayoritas panduduaknyo dari suku Swazi, bacampua jo saketek urang Zulu jo urang Afrika kulik putiah nan kabanyakan turunan urang Inggirih jo Afrikaner. Banyak urang Swazi nan karajo manambang di Afrika Selatan.[10]
Rujuakan suntiang
- ↑ "Eswatini". Britannica kids.
- ↑ "Eswatini". Britannica.
- ↑ Staff (2021-06-29). "Armed forces open fire in crackdown on anti-monarchy protests in Eswatini". The Guardian (dalam bahasa Inggris). ISSN 0261-3077. Diakses tanggal 2023-08-31.
- ↑ Tofa, Moses (16 May 2013). "Swaziland: Wither absolute monarchism?". Pambazuka News (630). Diarsipkan dari versi asli tanggal 19 October 2014. Diakses tanggal 19 October 2014.
- ↑ "Swaziland: Africa′s last absolute monarchy". Deutsche Welle. 14 July 2014. Diakses tanggal 19 October 2014.
- ↑ Eligon, John; Silva, Joao (2024-02-17). "The Father, the Son and the Fight Over Their King". The New York Times (dalam bahasa Inggris). ISSN 0362-4331.
- ↑ "Swaziland: Elections and Boundaries Commission". EISA. 8 March 2010. Diarsipkan dari versi asli tanggal 16 April 2015. Diakses tanggal 16 August 2014.
- ↑ The Constitution of The Kingdom of Swaziland Act, 2005, Chapter 1, Section 4(2)
- ↑ Nolen, Stephanie (2009-04-03). "Where have all the Swazis gone?". The Globe and Mail. Diarsipkan dari versi asli tanggal December 26, 2015. Diakses tanggal 2015-12-26.
- ↑ "The Search for Swaziland's TB-Infected Mine Workers – Eswatini". ReliefWeb (dalam bahasa Inggris). Diakses tanggal 2021-03-13.