Es cindua
Cindua marupoan minuman tradisional khas Indonesia nan dahulunyo tabuek dari tapuang hunkwe, tapi kini cindua tabuek dari tapuang bareh, disajikan jo es katam sarato gula anau jo santan. Di daerah Sunda minuman ko dikenal jo namo cendol, sadangkan di Jawa Tengah namonyo es dawet. Bakambang kepacayoan di masyarakaik Indonesia basonyonyo istilah "cendol" barasa dari kato "jendol", nan ditamuan dalam bahaso Sunda jo Jawa, hal iko marujuak pado sensasi jendolan nan dirasoan katiko butiran cindua masuak malalui muluik katiko maminum es cindua.[1]
 | |
| Asa | |
|---|---|
| Nagara asa | Indonesia  |
| Kaâhlian mamasak | Masakan Jawa (id)  , Masakan Indonesia jo Minuman |
| Rincian | |
| Jinih | pancuci muluik jo minuman tak beralkohol (id) |
| Metode penyajian | direbus hingga mendidih (id) jo pembekuan (id) |
| Bahan utamo | santan jo gula merah (id) |
Katiko mambuek cindua, tapuang bareh diolah jo caro diagiah pawarna hijau kamudian dicetak malalui alat khusus, sahinggo babantuak buliran. Pawarna nan digunoan awalnyo pawarna alami dari daun pandan, tapi kini alah digunoan pawarna makanan buatan. Di penang, cindua dibuek jo caro mangayak kukuihan tapuang bareh nan diwarnai jo daun suji sahinggo didapek bantuak bulek lonjong nan lancip di ujuangnyo. Di penang, minum cindua disabuik 'nyendol'. Pado zaman dahulu cindua dinikmati katiko awal zaman Indonesia merdeka.[1]
Caro mambuek
suntiang
Minuman iko disajian jo banyak campuran. Nan patamo dimasuakan ampiang atau bareh puluik nan ditumbuak piih. Nan kaduo dimasuakan gulo anau atau saka nan alah dienceran. Nan katigo baru dimasuakan cindua nan alah dimasak jo santan. Sabagai tambahannyo, dimasuakan pulo lopih jo durian. Lopih jo durian ko ditambahan sasuai pasanan, ado pulo cindua nan indak ado lopoh jo durinnyo. Nan tarakhia ditambahan es katam ka campuran tadi.[1][2]
Pabedaan
suntiangEs cindua ado pulo nan barasa dari Penang, Malaysia, salain itu ado pulo Es dawet nan barasa dari Ipoh, perak. Pabedaan nan lainnyo adolah bahan dasar es cindua nan dulunyo tabuek dari tapuang hunkwe, sadangkan bahan dasar es dawet dulunyo tabuek dari tapuang bareh ataupun tapuang katan. Dawet Jepara manggunoan tapuang sagu aren, sadangkan Dawet salain nan barasa dari Jepara, manggunoan tapuang bareh atau bareh katan. Cendol minuman khas Jawa Barat itu tabuek dari tapuang hunkwe. Di wilayah Sumatra Barat, ado cindua nan tabuek dari tapuang sagu nan diolah dan ditambahkan jo santan.[1]
Rujuakan
suntiang- ↑ a b c d "Cicipi Kesegaran Rasa Cindua Langkok, Cendol Khas Ranah Minang". suara.com. 2017-12-26. Diakses tanggal 2021-05-27.
- ↑ "Cindua Langkok » Budaya Indonesia". budaya-indonesia.org. Diakses tanggal 2021-05-27.