Enggak Bahauddin

Enggak Bahauddin ( Lahir di Padang , pado tahun 1918. Wafat pado tahun 1972 , umua 59 tahun) marupoan saurang wartawan yang hebat pado masonyo. Tetapi generasi mudo sarupo kito kini indak mengenal namanyo. Inyo remaja yang manjalani janjang pandidikan dasa hinggo MULO ( setingkat SMP) di kota padang. Dengan bamodalkan ijazah SMP , inyo malamar sabagai korektor di surek kaba Sinar Soematra , yang terbit di Padang. Karano katakunannya ,mako redaksi Sinar Soematra menugehan mancari berito kota. Enggak berpikia, kalau tetap di kampuang halaman , mako inyo indak ado kasampatan untuak maju. Inyo pun marantau ka Jawa. Di Jakarta inyo basuo samo Mochtar Lubis dan akhirnyo manjadi wartawan surek kaba Indonesi Raya yang pado waktu itu alah mulai gala di kalangan pambaconyo.

Salamo 40 tahun inyo manjadi saurang wartawan , Enggak alah anam kali kalua masuak lubang bui, Pado zaman Belando masuk penjaro karano dituduah malakuan gerakan subversi. Sadangkan pado zaman Soekarno inyo masuak panjaro sabanyak empek kali karano persdelict. Samantaro pado era Soeharto, inyo harus masuak panjaro salamo sabaleh bulan, inyo di kaluaan dari panjaro karano panyakik yang inyo darito. Indak bagitu lamo kalua dari panjaro , inyo pun mahambuihan nafas tarakhirnyo pado tahun 1977 dalam umua 59 tahun.

Dalam wawancara samo wartawan Kompas pado saat itu Enggak mangamukokan pandapeknyo bahwa kebebasan pers di negara Indonesia bakambang masih taraso tabateh. Inyo mangamukokan tigo hal yang paralu dimiliki oleh pers negara bakambang , tamasuak Indonesia, yaitu idealisme , dedikasi , dan kabaranian maambiak rasiko. Yang tarakhir ikolah yang tampaknyo indak dimiliki oleh wartawan kini ko. Sabagai saurang wartawan harus mamiliki sipaik barani maambiak rasiko, karano dalam satiok malakuan sagalo sasuatu pasti ado rasiko , kalau nio maju harus barani maambiak rasiko tasabuik.