Ed Zoelverdi
Ed Zoelverdi marupokan wartawan dan fotografer senior nan dilahiakan di Kutaraja Banda Aceh, 12 maret 1943. Baliau maningga di jakarta tanggal 4 januari 2012, di umua 69 tahun. Kaduo urang tuo baliau barasa dari nagari Kotogadang Kabupaten Agam. Tahun 1959 untuak partamo kali ed ba mukim dijakarta, samulo ed ba cito-cito untuak manjadi palukik. Sabagai bohemian inyo pernah ma numpang lalok di Balai Budayo Jakarta, karano nio baraja manggambar kapado palukih-palukih nan tanamo dimaso itu sarupo alrmahum Oesman Effendi dan Nashar.[1]
Ed Zoelverdi | |
|---|---|
| Lahia | 12 Maret 1943 |
| Kabangsaan |  Indonesia |
| Karojo | Wartawan Senior |
| Dikana dek | Wartawan Senior |
Karir kawartawanannyo bamulo dari harian KAMI pado tahun 1967 - 1971. salanjuiknyo salamo 25 tahun ed manjadi redaktur barita dan poto pado Majalah Tempo dan Gatra Jakarta. Dunia fotografi inyo kuasoi sacaro otodidak ata baraja surang. Basamo 40 fotografer asia, eropa dan amerika yang disabuik kalompok fotografer dunia inyo pernah ikuik mangarajokan foto-foto untuak buku " A salute to singapore " tahun 1984. Ed manarimo hadiah ateh jasonyo dibidang fotografi tahun 1987. Namonyo juo tacatat dalam dan tacantum dibuku " Who's who in australia & far east " nan tabik IBC Cambridge Inggris tahun 1991, dan buku " Ensiklopedia Indonesia " tahun 1986. Pado tahun 1993 basamo 7 urang wartawan dan fotografer ed mambuek buku foto " Minangkabau " nan dipitihnyo ditolong samo Gebu Minang. Basamo jo Nazif Basir sarato Yusaf Rahman, Ed mangaluakan sabuah buku nan ba judul " Siapa Mengapa Sejumlah Orang Minang "[1]