Djanius Djamin
| Artikel ko sadang disiapkan dan sadang dikambangkan, dan mungkin akan tajadi parubahan-parubahan gadang. Sanak dapek mambantu dalam pangambangan laman ko. Laman ko taakhia disuntiang dek SutanKart (Kontrib • Log) 980 hari 622 menit nan lalu. Kok Sanak mancaliak artikel ko indak disuntiang dalam babarapo hari, mohon hapuih templat ko. |
Prof. Dr. Hj. Djanius Djamin, SH., MS. adolah saurang ahli hukum jo pengajar Indonesia. Inyo parnah manjabaik sabagai Rektor Universitas Negeri Medan (Unimed) periode 2003–2007 jo periode 1998–2003 (katiko masih banamo IKIP Medan).
Djanius Djamin | |
|---|---|
 | |
| Kabangsaan |  Indonesia |
| Alma mater | Universitas Sumatera Utara |
| Karojo | Pengajar, politisi, ahli hukum, aktivis |
| Pasangan | Syahbuddin Harahap |
| Anak | Haykal Rahman |
Lahia di Batusangkar sabagai anak saurang panggaleh, Djanius acok bana bapindah-pindah tampek dek manuruik ayahnyo nan bakarajo. Sasudah lulus dari Universitas Sumatera Utara pado tahun 1965, inyo maaja sabagai dosen di Institut Keguruan dan Ilmu Pendidikan Medan (IKIP Medan) jo sajumlah perguruan tinggi lainnyo. Inyo ditunjuak sabagai anggota Dewan Perwakilan Rakyat Daerah (DRPD) Kota Medan sabagai perwakilan golongan padusi pado tahun 1968 dan tapilih sabagai Ketua DPRD Kota Medan pado partangahan tahun 1969 hinggo tahun 1971. Inyo tapilih baliak untuak maso jabatan kaduo sabagai anggota DPRD Kota Medan dari Golongan Karya (Golkar) dan manjabaik hinggo tahun 1977. Salamo bakiprah di legislatif, inyo terlibat dalam panetapan hari jadi Kota Medan.
Aktivisme jo organisasi
suntiangSalamo bakuliah di USU, Djanius aktif dalam organisasi pargerakan mahasiswa Himpunan Mahasiswa Islam (HMI). Inyo awalnyo manjadi Pengurus HMI Komisariat Fakultas Hukum USU dari 1961 hinggo 1963.[1] Sasudah itu, inyo masuak dalam kapengurusan Departemen Keputrian HMI (kini Korps HMI-Wati) Medan dan manjadi ketua patamo departemen tersebut dari 1966 hinggo 1968.[2]
Katiko HMI Medan ikuik dalam aksi-aksi panolakan Gerakan 30 September (G30S)/Partai Komunis Indonesia (PKI), Djanius sarto turun ka jalan untuak berdemonstrasi malawan PKI. Dek sikapnyo nan kareh kapado PKI, Djanius manjadi salah satu sasaran utamo PKI. Manuruik Djanius, katiko inyo dan anggota HMI lainnyo sadang berdemonstrasi di Lapangan Merdeka, saurang anggota PKI bausaho untuak manikam paruiknyo, tapi gagal dek sabuah tali pinggang bakeh pangikek drum malakek di paruiknyo. Djanius pun dipindahan dari posisi muko barisan demonstrasi ka posisi balakang dek demonstran lainnyo untuak manjago kasalamatannyo.[2]
Pado November 2018, Djanius didapuak sabagai Ketua Dewan Pembina Yayasan Eka Medan, sabuah yayasan nan mangelola gedung kantor HMI jo Korps Alumni HMI.[3]
Maaja dan mangelola yayasan pendidikan
suntiangSasudah meraih gala sarjana hukum dari USU pado tahun 1965, inyo sempat melamar karajo ka sajumlah tampek, di antaronyo Pengadilan Negeri, Kejaksaan Negeri, Institut Keguruan dan Ilmu Pendidikan Medan (IKIP Medan), dan Bank Dagang Nasional Indonesia (BDNI). Katiko Djanius mandapek kaba bahaso sado lamarannyo diterimo, Djanius mamintak saran ka orang gaeknyo. Orang gaeknyo indak satuju Djanius bakarajo di Pengadilan Negeri atau Kejaksaan Negeri dan hanya marestuinyo bakarajo di IKIP Medan dan BDNI.[4]
Djanius mamulai kariernyo di bidang akademik sabagai asisten dosen di IKIP Medan pado tahun 1965, dengan pekerjaannyo di BDNI sabagai karajo sambilan. Salain di IKIP Medan, Djanius juo maaja di Akademi Asuransi dan Perbankan dari tahun 1968 hinggo 1972, Institut Teknologi Sumatera Utara dari tahun 1965 hinggo 1976, dan Institut Agama Islam Negeri (IAIN) Medan dari tahun 1970 hinggo 1974. Di IAIN Medan, inyo marupoan salah saurang dosen paling patamo.[5]
Karier politik
suntiangPado tahun 1968, tajadi parombakan anggota Dewan Perwakilan Rakyat Daerah Kota Medan (DPRD Medan). Djanius ditunjuak manjadi anggota DPRD Medan dalam parombakan tersebut, mawakili golongan padusi dari Golkar. Babarapo bulan sasudahnyo, pado partangahan tahun 1969, Djanius ditunjuak manjadi Ketua DPRD Medan, manggantian M. Alwi St. Sinaro nan alah manjabaik sajak 1966.[6] Panunjukannyo sabagai Ketua DPRD Kota Medan pado usia nan masih mudo, 25 tahun, manjadian dirinyo sabagai ketua DPRD padusi patamo sekaligus salah satu ketua DPRD paliang mudo di Indonesia pado maso itu.[4]
Salamo maso kapamimpinannyo, suku Minangkabau mandominasi DPRD Medan, kendati suku Minangkabau marupoan suku minoritas di kota tersebut. Djanius — nan basuku Minang — harus bakarajo samo jo Sjoerkani, Wali Kota Medan, nan juo basuku Minangkabau. Djanius mangakhiri maso jabatannyo sabagai Ketua DPRD pado tahun 1971 dan inyo digantian dek Nas Sebayang. Kandati baituo, inyo tetap mampartahankan kaanggotaannya di DPRD Medan hinggo tahun 1977.[7]
Pado awal maso jabatan kaduanyo di DPRD, Djanius ditunjuak sabagai anggota panitia khusus (pansus) panantuan hari jadi Kota Medan.[8][9] Panitia tersebut manaliti hasil karajo panitia parumus nan dibentuak dek pamarentah Kota Medan pado tahun 1971. Djanius basarato anggota pansus lainnyo manetapkan pado tanggal 15 Maret 1975 bahasonyo hari lahia Kota Medan adolah 1 Juli 1590, manggantian tanggal 1 April — tanggal pembentukan dewan kota Medan — dek pamarentah kolonial Hindia Belando.[10]
Rujuakan
suntiang- ↑ Djamin, Djanius (2007) (dalam bahaso id). Pengawasan dan Pelaksanaan Undang-undang Lingkungan Hidup. Yayasan Obor Indonesia. pp. 385. ISBN 978-979-461-641-3. https://books.google.co.id/books?id=EiFJG_g8XXYC&pg=PA385. Diakses pado 7 Agustus 2021.
- ↑ a b Nurmawati, Putri (2016). Korps Hmi-Wati (Kohati) Cabang Medan (1966 – 1998). Medan: Departemen Sejarah, Fakultas Ilmu Budaya, Universitas Sumatera Utara. pp. 47, 49. https://docplayer.info/65601876-Bab-ii-latar-belakang-terbentuknya-korps-hmi-wati-kohati-cabang-medan-2-1-pemikiran-dan-pergerakan-perempuan-indonesia.html. Diakses pado 7 Agustus 2021.
- ↑ Dinas Kominfo Kota Medan (13 November 2018). "Yayasan Eka Medan Perkenalkan Pengurus Kepada Wali Kota". Kota Medan. Diarsipkan dari versi asli tanggal 2021-08-02. Diakses tanggal 2 Agustus 2021.
- ↑ a b (dalam bahaso id) Profil Tokoh, Aktivis, dan Pemuka Masyarakat Minang. Permo Promotion. 26 Desember 1995. pp. 156-157. ISBN 978-979-8931-00-0. https://books.google.com/books?id=5IhwAAAAMAAJ&pg=PA156. Diakses pado 4 Juli 2024.
- ↑ http://malaycivilization.com.my/omeka/files/original/89976c8f3c5c81849e729a79adaafb8c.pdf
- ↑ (dalam bahaso id) Almanak Sumatera. Panitia Almanak Nasional Sumatera '69, Komando Antar Daerah Sumatera. 26 Desember 1969. pp. 394, 1094. https://books.google.co.id/books?id=dE8CAAAAMAAJ&pg=PA394. Diakses pado 17 Juli 2021.
- ↑ Pelly, Usman (1994) (dalam bahaso id). Urbanisasi dan adaptasi: peranan misi budaya Minangkabau dan Mandailing. LP3ES. pp. 123, 132, 166. ISBN 978-979-8391-16-3. https://books.google.co.id/books?id=6QXsAAAAMAAJ&newbks=1&newbks_redir=0&printsec=frontcover&dq=Djanius+Djamin&q=Djanius+Djamin&hl=en&redir_esc=y. Diakses pado 19 Juli 2021.
- ↑ Meuraxa, Dada (1975) (dalam bahaso id). Sejarah Hari Jadinya Kota Medan, 1 Juli 1590. Sasterawan. pp. 90. https://books.google.co.id/books?id=PrM9AAAAIAAJ. Diakses pado 19 Juli 2021.
- ↑ "Djanius : Dulu Perkampungan Kini Telah Jadi Kota". Medan Business Daily. 2 Juli 2014. Diakses tanggal 19 Juli 2021.
- ↑ "Kontroversi Asal Usul Kota Medan". Indonesia. 31 Desember 2019. Diarsipkan dari versi asli tanggal 2021-07-19. Diakses tanggal 19 Juli 2021.