Diftong
Diftong adolah duo vokal nan diucapan sakaligus. Gabuangan vokal disabuik diftong apobilo manghasilkan ciek bunyi se. Misalnyo, "ui" pado kato patuik; "ua" pado kato saluang. Samantaro tu gabuangan vokal "au" pado kato daun ndak tamasuak diftong dek nyo manghasilan duo bunyi, baconyo takah iko (/da.un/). [1]
Gabuangan vokal dapek dikatokan diftong bilonyo masih barado dalam ciek suku kato nan samo. Subaliaknya, jikok alah talatak dalam suku kato nan babedo mako gabuangan vokal tu ndak bisa lai disabuik sabagai diftong.[2]
Daftar diftong
suntiangBahaso Minang adolah salah satu diantaro bahaso di Indonesia nan mampunyoi banyak pamakaian diftong, Iko manjadi satu kakhasan tasandiri bagi baso Minang jikok dibandiangkan jo rumpun bahaso Austronesia lainnyo.
| kato | IPA | bunyi | contoh |
|---|---|---|---|
| ai | /ay/ | /aɪ/ | bansaik, kuaik, larai, kanai |
| ua | /wa/ | /ʊa/ | basuah, lambuang, karupuak |
| ui | /uy/ | /uɪ/ | sabuik, abuih, pupuik, takuik. |
| au | /aw/ | /aʊ/ | kabau, dangau, ranjau |
| oi | /oy/ | /oɪ/ | koboi, asoi, roih (ros-nama orang) |
| ia | /ya/ | /ɪa/ | ambiak, kuniang, anyia, dindiang |
| ea | /ya/ | /ea/ | lereang, beleang, teleang. |
| au | /aw/ | /aʊ/ | kabau, langau, dangau. |
| ei | /ey/ | /eɪ/ | survei, baei (lempar), padey (padi dalam aksen kuranji). |
| ou | /ow/ | /oʊ/ | saribuw, tantuw, ungguw, |
| ie | /ye/ | /ɪe/ | ayie, cayie, tasialie (aksen batu palano). |
| ue | /we/ | /ʊe/ | talue, sayue, pangkue |
| ao | /aw/ | /aʊ/ | angpao |
Babarapo deret vokal indak tamasuak ka dalam diftong misalnyo "ruang", tuah, buek, muak, daun, marasoi, mancintoi.
Rujuakan
suntiang- ↑ 1942-, Chaer, Abdul, (1994). Linguistik umum (edisi ke-Cet. 1). Jakarta: Rineka Cipta. ISBN 979518587X. OCLC 69141366. https://www.worldcat.org/oclc/69141366.
- ↑ 1938-, Dardjowidjojo, Soenjono,; Hasan., Alwi,; Hans., Lapoliwa,; M., Moeliono, Anton; Kebudayaan., Indonesia. Departemen Pendidikan dan (1998). Tata bahasa baku : bahasa Indonesia (edisi ke-Edisi ketiga). Jakarta: Department Pendidikan dan Kebudayaan. ISBN 9794599174. OCLC 223305343. https://www.worldcat.org/oclc/223305343.