Diapik bangkai

Diapik bangkai adolah istilah nan balaku pado masyarakaik Minangkabau, bakaitan jo posisi saurang Minang nan sudaro kanduang diateh jo dibawahnyo langsuang alah maningga. Dek lah maingga sudaronyo mako inyo disabuik "diapik bangkai". Pengertian bangkai disiko adolah sudaronya nan maninggga atau alah jadi mayik. Mayik di Minangkabau lazim juo disamoan jo bangkai. sadangkan diapik adolah barado diantaro duo posisi atau kadudukan. Artinyo, urang nan diapik bangkai bararti diapik dek duo mayik atau bangkai.

Urang nan diapik bangkai, ado ditamui dalam kahidupam masyarakaik Minangkabau atau masyarakaik lainnya. Walaupun indak banyak tapi tantu ado, sahinggo di Minankabau ado istilah atau sabutam diapik bangkai nantun. Salah satunya tajadi pado dunsanak saniniak atau sanak ibu ambo di Limokaum, Batusangka. kaluarga tu tadiri dari salapan basudaro tapi nan hiduik hanyo ampek urang. Diantaro basudaro nan hiduik tu, hanyo anak nan tuo nan indak diapik bangkai, sadangkan nan nomor duo, tigo jo ampek tagolong diapik bangkai, nan maningga itu umumnyo pado wakatu ketek atau usia mudo. Anak nan maningga adolah anak nomor 2, 4, 6 jo 8 sadangkan nan hiduik anak nomor 1, 3, 5 jo 7 sampai gadang. Kini, diantaro nan hiduik itu hanyo tingga surang lai yakni nan nomor 7, sadang.nan lainnyo alah maningga pulo.

Maliek nan dialami dek kaluarga tu, mako dapek dikatokan 3 anak nan lai hiduik tu diapik bangkai atau diapik mayik..Walau diapik bangkai, dalam kahidupan sahari-hari ndak ado pangaruah samo sakali, hiduiknyo normal sajo..pado masyarakaik Matua di Agam, apabilo kanayataan itu manimpo sesorang, tautamo padusi, mako inyo akan tumbuah gadang dalam kecenderungan sikap nan kurang elok, misalnyo kareh hati, susah diatue, alah manarimo nadihat, bafikiran sampik dan sabagainyo. Walaupun, fakta nan ado pado sabuah kaluarga di Limo Kaum Batusangka indak damikian adonya. Suatu hal nan jaleh, urang nan diapik bangkai dalam kaluarga di Minangkabau dan masyarakaik lain sabananyo kandak Allah nan Maha Kuaso.