Darwis Loyang

Darwis Loyang adolah saurang pakar tari melayu nan lahie di Pulau Aie Padang pado tanggal 16 Februari 1936. Darwis marupoan seniman nan mangabdian ampia saluruah hiduiknyo sabagai guru seni tari minang jo tari melayu di Sumatera Barat. Baliau adolah saurang guru seni nan mambukak kasampatan untuak anak-anak nan babakaik di bidang tari, baliau bukak sabuah sanggar yang banamo Sanggar Sentana. Sentana nan bararti Seni Tari Nasional, nan didirian sajak tahun 1970. Namo sanggar ko barubah tahun 1972 manjadi Sanggar Alang Babega. Malalui sanggar ko Darwis mancetak banyak seniman tari di Kota Padang. Bahkan ado yang jadi tokoh panari minang, salain itu ado juo yang jadi koreografer Indonesia nan tanamo di manca negara, salah satunyo Eri Merfi.

Sajarah Karajo

Salain malatiah tari Minang jo tari Melayu, Darwis minang acok juo tampil sabagai pamusik jo panari pado acara-acara Balanse. Tari Balanse sariang juo disabuik " Balanse Madam" nan sangaik populer dinyayian khas Gamadini. Konon kisahnyo dibuek masyarakaik suku Nias pado awal abaik ka 16. Kalau di Sumatera Barat tari ko alah manjadi samacan Tari Pagauan nan disanangi jo acok mamariah an acara pakawinan nan diadoan di Kota Bingkuang.

Namo Darwis Loyang alah bakiba di tingkek nasional katiko karya tarinyo dicaliak an pado Pakan Tari Rakyaik nan diadoan di Gelora Bung Karno Jakarta. Pado tahun 1979 juo dipameran di muko tamu-tamu Istano Negara.