Darwis

Darwis

Darwis atau nan dikana jo Atuak Duih Gerai adolah saorang pandeka Silek Pariangan nan takana salapeh Abdul Manan.

Biografi

Darwis basuku Dalimo Panjang, asa jorong Pariangan. Istrinyo banamo Limah, suku Piliang jo punyo 4 anak, namonyo Sana, Nirmala, Ancang, jo Ijan. Darwis lahia pado tahun 1900 jo wafat pado 1986 pado usio 86 tahun. Dimakamkan di Pariangan. Katiko hiduik, inyo karajo sabagai petani jo guru silek. Darwis baraja silek pado guru silek nan takana, Katik Busai. Sepanjang hiduiknyo, Darwis aktif maaja silek di Pariangan. Ratusan muridnyo alah manjadi pandeka nan takana jo acok manjuarai kejuaraan jo festival silek.

Darwis jo Abdul Manan

Darwis jo Abdul Manan maaja silek di surau tarekat, samentaro Darwis maaja silek di halaman rumah gadang pado malam hari. Inyo dikana sabagai ahli Silek Harimau di Pariangan

Silek Harimau

Silek Harimau takana karano seseorang harus basilek jo harimau katiko akan manyalasaian ilmu silek jo Atuak Duih. Harimau jelmaan nan dipaliharo dek Atuak Duih hadir d tangah halaman rumah gadang untuak manyerang para pandeka nan alah siap menghadapinyo jo babagai jurus nan alah diajaan dek guru. Jiko masih ado nan tagores dek serangan harimau itu, inyo harus baraja liak, aratinyo inyo alun pandai manjadi pandeka nan sempurna.

Keemasan Darwis

Pado waktu tu banyak guru silek nan mambukak sasaran untuak maajaan silek di Pariangan, sarupo Kari Malano, Duih Talano, Buyuang Kasiak, dll.Tapi indah takana bana. Nan paliang takana pado waktu tu memang Darwis atau Atuak Duih Gerai tasabuik.

Kalabihan Darwis

Kalabihan Darwis surang menguasai langkah panjang nan diajaan dek gurunyo, sementaro Angku Ampek nan juo saorang pandeka ndak mampu menguasai teknik tasabuik, tapi pandai dalam langkah nan lain. Manuruik muridnyo bahwa langkah panjang iko indak diajaan kapado sadolah urang, tapi hanyo kapado urang-urang tatentu.

Rujuakan

Adi, Osman (2019). Ensiklopedia Silek Minangkabau. Sumatera Barat: Dinas Kebudayaan Provinsi Sumatera Barat. pp. 128-129.