Daruraik maliter
Daruraik maliter (bahaso Indonesia: Darurat militer, bahaso Inggirih: Martial law) adolah saparangkek aturan nan efektif diterapkan (biasonyo satalah ado pangumuman rasmi) sasudah otorita maliter maambiak alih kakuasoan dari pamarentah nan rasmi.
Daruraik maliter acok diterapkan katiko aktivitas maliter sangaik diparaluan, biasonyo untuak sagalo sasuatu nan basipaik mandasak, di ma pamarentah nan bakuaso indak dapek manjalanan fungsi samustinyo, atau diraso lamban, ataupun talampau lamah untuak maadokan situasi-situasi tasabuik; misanyo akibaik parang, bancano alam, kakacauan sipil dalam wilayah kakuasoan, atau satalah tajadinyo kudeta. Mambaliakan kapicayoaan rakyaik salamo maso daruraik adolah tujuan nan utamo dari daruraik maliter ko, walaupun daruraik maliter kadang-kadang dipakai jo rezim diktator, utamonyo kadiktatoran maliter, untuak mampakuek kakuasoannyo.
Umumnyo daruraik maliter mengurangi sabagian hak individu nan dipunyoi dek satiok warga nagara, mambatasi lamonyo proses paradilan, dan mamvonis para narapidana jo ukuman nan labiah barek dibandiangkan ukuman nan biasonyo balaku. Di banyak nagara, daruraik maliter mamvonis ukuman mati taadok kasus kajahatan tatantu, sungguahpun dalam sistem ukum biaso indak mancantuman kajahatan maupun ukuman tasabuik.
Pautan lua
suntiang| Wikimedia Commons mampunyoi media nan bahubuangan jo Martial law |