Darul Siska
Drs. H. Darul Siska (lahia di Padang, Sumatera Barat, 23 Februari 1954; umua 70 taun) adolah saurang politisi Indonesia. Inyo adolah anggota Partai Golkar nan manjadi Anggota DPR RI pado periode maso bakti taun 1997 sampai 2009[1] jo tapiliah baliak untuak periode 2019-2024.[2] Darul Siska juo aktif di babagai organisasi, di antarannyo di DPP KNPI sampai 1989, Sekretaris ICMI Pusat pado taun 1995, Wakia Sekretaris Jenderal DPP Partai Golkar pado taun 2011, jo nan terakhir Wakia Koordinator Bidang Partai DPP Partai Golkar.
Darul Siska | |
|---|---|
 | |
| Lahia | Darul Siska 23 Pebruari 1954 Padang, Sumatra Tengah, Indonesia |
| Alma mater | Universitas Jayabaya |
| Karojo | Politikus |
| Dikana dek | Anggota DPR RI |
| Kantua | Anggota Dewan Perwakilan Rakyat |
| Partai politik | Partai Golongan Karya |
| Pasangan | Hilma Widjaja Amiarsa |
| Anak | 1 |
| Urang tuo | H.M. Said Karim (ayah) Sarunah (ibu) |
Salain itu inyo masih aktif sabagai Dewan Penyantun Universitas Muhammadiyah Sumatera Barat, Panitia Pambangun Bangunan Dakwah Muhammadiyah Sumatra Barat, jo sabagai staf khusus kementerian industri.[3]
Kahidupan Pribadi
suntiangDarul Siska lahia di Padang, Sumatera Barat. Inyo marupoan anak katigo dari tigo badunsanak dari pasangan H.M. Said Karim jo Sarunah. Sebagai anak dari saurang guru, Darul Siska digadangkan dalam kondisi nan panuah katabatasan urang tuonyo di Talawi, Sawahlunto samo-samo jo duo dunsanaknyo. Sasudah maningga mandehnyo katiko inyo baumua limo taun, Darul jo dunsanak-dunsanaknyo diasuah dek neneknyo hinggo baumua 10 taun. Sasudah lulus SD, Darul marantau ka Jakarta. Inyo tingga jo kakaknyo nan labiah tuwo. Bakuliah di Universitas Jayabaya,[4] inyo mambangun karirnyo jo mauruik bamacam-macam organisasi kamahasiswaan. Sasudah luluih kuliah pado taun 1982, Darul bakarajo di departemen pakarajoan umum jo kamudian pindah manjadi pegawai BKKBN. Samantaro partamo karir politiknyo pado taun 1987 sabagai calon anggota DPR RI dari Golkar, inyo mundur sabagai pegawai BKKBN.
Karir
suntiangMulo karir politik
suntiangSajak taun 1981, Darul alah manjadi anggota Partai Golkar. Salain itu, dari taun 1981-1989, Darul juo aktif di DPP KNPI. Pado taun 1987 jo 1992, Darul alah mancalonan diri sabagai anggota DPR-RI dari Sumatera Barat tapi indak baguno.
Anggota DPR RI
suntiangPado taun 1997, Darul baliak mancaloan diri sabagai anggota DPR-RI dari Partai Golkar. Dalam pamilihan iko Darul berhasil dipilih sabagai anggota DPR RI nan kemudian dipilih baliak pado pamilihan umum 1999 jo pamilihan umum 2004.[5]
Komisi Patahanan & Lua Nagari (1997-1999)
suntiangPado awal pamilihannyo, Darul mandapek panempatan di Komisi I takaik pertahanan jo luar nagari nan sesuai jo latar Darul nan marupoan lulusan sosial politik jurusan Hubungan internasional.[5]
Komisi Perindustrian & Perdagangan (1999-2002)
suntiangSasudah pamilihan 1999, Darul mandapek panampatan sabagai Wakia Ketua Komisi IV nan mamimpin industri jo padagangan. Salah satu peran Darul nan manonjol pado periode iko adolah sabagai ketua tim penyelidik kasus BPPC nan malibaikan Tommy Soeharto.[5]
Komisi Pahubuangan (2002-2009)
suntiangPado taun 2002, Darul mandapek baliak tugas baru sabagai anggota Komisi Pahubungan. Salamo pariode iko Darul talibaik dalam panyusunan sampai pangesahan bamacam UU mulai dari UU lalu lintas, UU MD3, UU Panabangan, UU Kareta Api, hinggo UU Palayaran. Salain itu dalam periode iko juo Darul aktif manjadi anggota tim paningkatan kinerja DPR jo manjadi Ketua Tim Grand Design kompleks DPR RI. Di fraksi Partai Golkar, Darul juo manjabat sabagai Wakia Ketua Bidang Umum FPG.[6]
Kagiatan lainnyo
suntiang- Sekretaris Senat Mahasiswa Universitas Jayabaya (1976)
- Pajuangan dalam Latihan Pimpinan Pemuda nan Labih di Singapura
- Anggota Tim Panduan Haji Indonesia di Mekah (1983)
- Peserta Program Kamitraan Indonesia - Japang di Japang (1984)
- Ketua Perhimpunan Alumni Program Persahabatan Indonesia - Japang (1986-1988)
- Delegasi Indonesia pado AYC General Assembly di Kuala Lumpur (1987)
- Panutua Rapat Konsultan Inter Regional pado Kabijakan Pemuda di Beijing (1988)
- Panutua Seminar pado Pemuda jo Kasehatan di India (1989)
- Delegasi Pemuda Indonesia ka nagara-nagara ASEAN (1990)
- Delegasi Pemuda Indonesia ka Australia (1992)
Sijarah pamilihan
suntiangRujuakan
suntiang- ↑ "Profil Singkat Darul Siska". Merdeka.com (dalam bahasa Indonesia). Merdeka.com. Diakses tanggal 19 Januari 2024.
- ↑ "Anggota DPR dan DPD RI 2019-2024 Resmi Dilantik, Ini Wakil Sumbar di Senayan". Langgam.id. 1 Oktober 2019. Diakses tanggal 19 Januari 2024.
- ↑ "Kunjungan Kerja Komisi VI DPR RI dalam rangka pembentukan RUU Perindustrian" Archived 2014-03-01 di Wayback Machine. Kemenperin.go.id.
- ↑ "Salinan arsip". Diarsipkan dari versi asli tanggal 2020-04-28. Diakses tanggal 2020-05-18.
- ↑ a b c "merdeka.com". www.merdeka.com. Diakses tanggal 2024-01-19.
- ↑ Indonesia, Redaksi CNBC. "Utak-atik Calon Ketua MPR Hingga DPD, Siapa Saja Mereka?". CNBC Indonesia (dalam bahasa Indonesia). Diakses tanggal 2024-01-19.