Darlis Syofyan

Darlis Syofyan laia di Tanjung Alai, Sungai Giringging, Pariaman, pado 23 Maret 1995 jo maningga di Padang 25 April 2014 dalam umu 59 taun katiko masih manjabat sabagai pemimpin Umum Harian Singgalang. Darlis iolah saurang wartawan nan mulomyo bakarajo sabagai lipek koran. Darlis mangabdian dirinyo sabagai karyawan Harian singgalang jo babagai jabatan. mulai dari malipek koran, loper, koordinator liputan, sekretaris redaksi, wakia pamimpin parusahaan, wakil pamimpin redaksi, pamimpin redaksi jo tarakhir manjadi wakia pamimpin umum. Darlis adolah urang nan pakarajo kareh jo ulet. Darlis marupokan wartawan singgalang dalam level paliang randah, walaupun sabagai karyawan level paliang randah Darlis bahasil mandapekan gala sarjana Hukum di universitas andalas, berkat katakunan jo uletnyo.

Karir

Samaso jadi reporter, Darlis adaloh wartawan nan sangaik produktif. urang nan talalu tinggi, tapi langkahnyo panjang. Dimano pun ado barita Darlis siap bapacu jo maliput barita jo sabaik-baiknyo, Darlis indak takana jo wakatu karno inyo akan salalu mamburu barita indak mangenal waktu. buah dari kagigihannyo, pado taun 1983, dalam HUT ke-15 Harian Singgalang, Darlis mamparoleh panghargaan sabagai panulis feature paliang produktif. kabiasoan darlis iolah Darlis selalu datang pagi-pagi jo bunyi sapatu nan badatak-datak,ciri khasnya. Kamudian Darlis mamariso hampia sadonyo satiok judul barita halaman surek kaba. Harian Singgalang. Kalau ado kasalahan dalam barita singgalang, Darlis sabagai pamimpin redaksi nan partamo tau.

sasudah manjadi pamimpin Redaksi , Darlis kamudian diangkek manjadi wakia Pamimpin Harian Singgalang. salamo Darlis manjadi wartawan hinggo Pimred Dasril aktif di paguruan PWI Sumbar, walaupun Dasril indak pernah manjadi ketua. sasudah Dasril aktif di organisasi Serikat Penerbit Surat Kabar ( SPS). Tarakhir Darlis manjabat sabagai Ketua SPS Sumatra Barat.