Daihatsu Mira
Daihatsu Mira adolah salah ciek dari jinih oto nan di produksi dek produsen oto nan banamo Daihatsu.[1] Produsen oto nan banamo Daihatsu ko barado di negara Japang. Oto iko marupoan oto keluarga atau dapek juo disabuik oto nan babadan ketek karano kapasitas atau isi panumpangnyo indak bisa banyak-banyak, hanyo bisa mambawok panumpang labiah kurang ampek urang sajo. Oto nan di buek dek parusahaan Daihatsu ko punyo ampek macam jinih nan banamo diantaronyo Mira, Mira AVY, Mira Gino jo Mira VAN. Dinamoan Mira karano kato Mira tu barasa dari bahaso latin nan aratinyo tujuan. Aratinyo bana oto ko di buek untuak mambuek urang nan mamakai dapek sampai ka tampek tujuan nan inyo tuju.[2]
| Oto Daihatsu Mira | |
|---|---|
 | |
| Panjalehan | |
| Pabrikan | Daihatsu |
| Namo lainyo | Daihatsu Cuore Daihatsu Charade Daihatsu Domino Daihatsu Handivan Subaru Pleo (generasi ka duo) |
| Tahun dibuek | Juni 1980 – Maret 2018 |
| Badan jo karangko | |
| Tipe oto | Oto ketek atau Kandaraan ketek |
| Masin oto | Masin di mungko, oto bapanggarak duo roda dimungko / Masin dimungko, oto bapanggarak ampek roda |
| Samo jo | Daihatsu Leeza Daihatsu Move Daihatsu Opti Daihatsu Ceria Perodua Kancil Perodua Kelisa Perodua Viva |
| Pajalanan produksi | |
| Pandahulu | Daihatsu Max Cuore |
| Panaruih | Daihatsu Mira e:S (oto bapanumpang) Daihatsu Hijet Caddie (oto ba bak) Daihatsu Ayla (oto minibus, oto ketek) |
Sijarah
suntiangOto Daihatsu Mira ko marupoan generasi panaruih atau oto nan di buek baru nan labiah samparano dari oto Daihatsu nan sabalumnyo. Tapeknyo pado tahun 1980 oto Daihatsu Mira ko manggantian oto Daihatsu.[3] Kamudian di tahun 1985 kalua pulo jinih Daihatsu Mira nan tabaru nan manggantian jinih Daihatsu mira nan sabalumnyo. Babagai pakambangan produksi tajadi pado oto Daihatsu Mira ko, Mulai dari bantuak badan, karangko, salinder masin, jo kapasitas kakuatan masin.[3]
Seri oto Daihatsu Mira
suntiangBarikuik ko tipe atau jinih dari Daihatsu Mira nan di produksi dalam babarapo tahun:
Seri oto L55/L60
suntiang_rear.jpg)
Seri L55/60 ko disabuik juo jo namo Mira Cuore karano manggantian seri oto sabalumnyo nan banamo Max Cuore. L55/L60 ko di buek pado tahun 1980. Oto Mira Cuore ko marupoan seri partamo dari jinih oto Daihatsu Mira.[4] Mira Cuore ko mulai banyak di pasarkan pado tahun 1982. Sacaro bantuak oto jinih ko di buek duo macam ado nan tigo pintu ado nan limo pintu. Oto ko mamakai ban radial. Untuak presneling gigi oto ko, oto ko punyo limo gigi nan di pindahan sacaro manual. Satahun sasudah nyo di buek pulo oto ko nan punyo gardan duo atau oto bapanggarak ampek roda. Oto seri L55/L60 ko di jua nan tabagi dalam duo kapasitas salinder masin, nan ciek punyo kapasitas masin 547 cc dan nan ciek lai punyo kapasitas masin 617. Untuak seri L60 nan kapasitas salinder masinnyo gadang dari L50 diparuntuakan untuak di ekspor atau di jua kalua Japang.[5] Oto nan iko cocok untuak di bawok di dalam kota sarato kacepatan maksimal oto ko iolah 120 km/jam.[5]
Seri oto L70/L80
suntiang
Oto Daihatsu Mira jinih nan iko di buek pado tahun 1985. Mode oto iko marupoan generasi ka duo dari Daihatsu Mira. Tadapek babarapo pakambangan dari jinih oto ko sarupo ban nan alah agak gadang dari sabalumnyo jo masin nyo nan punyo tigo salinder. Untuak dalam nagari khusuinyo di Japang oto tipe iko di buek jo kapasitas masin 547 cc (EB). Samintaro itu untuak pasa ekspor kalua Japang oto iko di produksi mamakai masin 847cc (ED10). Oto ko mulai di jua kalua Japang pado tahun 1986 atau sataun sasudah di jua di Japang.[6]
Seri oto L200
suntiang
Oto Daihatsu Mira Seri L200 ko di kaluan pado tahun 1990. Seri L200 ko marupoan seri oto atau generasi nan katigo nan diproduksi dek Daihatsu. Oto ko manggunoan duo roda mungko sabagai panggarak. Seri L200 ko di buek dalam duo bantuak. Partamo seri untuak digunoan sacaro pribadi nan kaduo seri oto nan di gunoan untuak manggaleh jadi otonyo agak gadang bantuakknyo. Babarapo pambaruan bantuak oto tajadi babarpo kali sarupo adonyo oto tipe kandaraan rekreasi nan agak gadang. Kandaraan rekreasi ko populer di Japang katiko itu di tahun 1990.[7]
Seri oto L500
suntiang_rear.JPG)
Pado tahun 1994, seri oto L500 ko mulai di produksi. Seri oto ko indak jauh barubah jo seri sabalumnyo nan di produksi di tahun 1990. Oto nan di produksi tahun ko tadapek pambaruan masin untuak oto nan ka diekspor kalua Japang. Pado tahun 1998 parusahaan oto bakarajo samo jo parusahaan Sanrio mamproduksi oto ko nan di tambah jo edisi Hello Kitty sarupo warna-warna oto ko manggunoan warna-warna Hello kity, salain itu kunci kontak oto ko babantuak mainan Hello kitty pulo. Oto seri ko marupoan oto nan di produksi dek Daihatsu nan punyo masin ampek salinder.[8] Kapasitas masin untuak di pakai di dalam nagari yaitunyo 659 cc sadangkan untuak nan ka di ekspor ka lua nagari manggunoan masin 847 cc. Untuak lua nagari, oto ko di pasa an diantaro nyo ka Australia jo ka Pakistan. Di Australia, oto ko jinih L500 ko banamo Daihatsu Charade Centro. Salain tu di Pakistan di oto ko di pasar kan dek parusahan Toyota Indus Motor Company.[9]
.jpg)
Seri oto L700
suntiangL700 ko marupoan oto Daihatsu Mira generasi nan ka limo. Oto ko diproduksi pado tahun 1998. Oto ko alah manggunoan ampek roda panggarak. Oto ko marupoan juo oto model nan tabaru nan di produksi di parusahaan. Untuak pamakaian di dalam negeri, di Japang, oto ko di produksi mamakai masin nan bakapsitas 660 cc sadangkan untuak di jua ka lua Japan oto ko di produksi jo manggunoan masin bakapasitas 989 cc.[10] Seri L700 ko di ekspor juo ka negara Malaysia. Di Malaysia seri oto ko dinamoan jo namo Kancil. Salin tu, seri oto ko di produksi juo versi nan nan jadul nyo tapi tetap rancak tampilannyo. Versi ko dinamoan jo oto Daihatsu Mira gino. Untuak Mira gino ko mampunyoi kapsitas masin sagadang 659 cc.[10]
Seri oto L250
suntiang.jpg)
Seri L250 ko marupoan generasi ka anam dari Daihatsu Mira. Oto ko di produksi pado tahun 2002. Untuak seri ko di Inggris jo di Afrika selatan banamo Daihatsu Charade. Untuak pamakaian di dalam negeri, Japang, oto ko alah mangguno ampek roda bapanggarak. Salain itu, di Japang di produksi juo tipe nan bagaya labiah rancak atau sporty. Oto ko ko dinamoan Mira Avy. Mira Avy ko oto nan punyo gigi otomatis. Oto ko dapek pulo di gunoaan dek urang cacat nan bisa dibawok dek urang nan mamakai kursi roda. Oto nan punyo sistem otomatis ko di produksi dari tahun 2006 sampai tahun 2009.[11]
Seri oto L275
suntiangOto seri ko marupoan oto generasi ka tujuan dari Daihatsu Mira. Oto seri ko di mulai produksi pado tahun 2006. Oto ko manggunoan ampek roda bapanggarak sarato mamakai masin nan punyo kapasitas sagadang 658 cc. Untuak gigi oto ko tasadio duo macam, ado gigi nan manual, ado gigi nan otomatis. Untuak nan manual ado sabanyak limo gigi dan untuak nan otomatis ado tadapek tigo atau ampek gigi. Oto sero ko mulai di jua ka lua dari japang pado tahun 2007. Iko marupoan seri oto dari Daihatsu Mira nan di produksi. Pado bulan Maret 2018 oto Daihatsu Mira alah baranti untuak di produksi.[12]
Rujuakan
suntiang- ↑ "Daihatsu Luncurkan Mobil Imut Mira Generasi Terbaru". Tempo (dalam bahasa Inggris). 2017-05-10. Diakses tanggal 2020-02-04.
- ↑ "Daihatsu Mira / Handi / Handivan - Microcar Forum - Just another WordPress site" (dalam bahasa Inggris). Diakses tanggal 2020-02-05.
- ↑ a b "History｜Company｜DAIHATSU". DAIHATSU Global Website (dalam bahasa Inggris). Diakses tanggal 2020-02-05.
- ↑ "Daihatsu Hi-Jet, Daihatsu Fellow". mjs.home.xs4all.nl. Diakses tanggal 2020-02-05.
- ↑ a b Mastrostefano, Raffaele (1985). Quattroruote: Tutte le Auto del Mondo 1985 (in Italian). Milano: Editoriale Domus S.p.A. pp. 233–234. ISBN 88-7212-012-8.
- ↑ Büschi, Hans-Ulrich (1987). Automobil Revue 1987 (in German and French). Switzerland: Hallwag AG. pp. 240–241. ISBN 3-444-00458-3.
- ↑ Anderson, Donn (1993). "Newsline: Mira facelift". New Zealand Car. Auckland. New Zealand: Accent Publishing Cnr.
- ↑ Hachijūnendai no nihonshahen.. Tōkyō: Nigensha. 26 Nopember 2004. ISBN 4-544-91018-8. OCLC 169970223. https://www.worldcat.org/oclc/169970223.
- ↑ Mazur, Eligiusz (2002). Katalog Samochody Świata 2003 [World Car Catalogue 2003]. Warsaw, Poland: Print Shops Prego - Polska Sp. z o.o. pp. 220.
- ↑ a b Nötzli, Max (2002). Automobil Revue 2002 (in German and French). Switzerland: Büchler Grafino AG. pp. 247–248. ISBN 3-905386-02-X.
- ↑ "New Daihatsu Mira e:S launched in Japan, from RM32k". Paul Tan's Automotive News (dalam bahasa Inggris). 2017-05-09. Diakses tanggal 2020-02-05.
- ↑ "Motor1.com | Car News, Reviews and Analysis". Motor1.com (dalam bahasa Inggris). Diarsipkan dari versi asli tanggal 2012-04-22. Diakses tanggal 2020-02-05.