Daftar gurindam Minangkabau

Gurindam adolah salah satu bantuak puisi lamo nan terdiri atas duo larik. Gurindam mampunyoi irama akhia nan samo dan marupoan kasatuan nan utuah. Barikuik iko adolah babarapo daftar gurindam Minangkabau:

Anak nalayan mambaok cangkua, mananam ubi ditanah darek. Baban sakoyan dapek dipikua, budi saketek taraso barek.
Anak ikan dimakan ikan, gadang ditabek anak tenggiri. Ameh bukan perakpun bukan, budi saketek rang haragoi.
Anjalai tumbuah dimunggu, sugi sugi dirumpun padi. Supayo pandai rajin baguru, supayo tinggi naikan budi.
Alu tataruang patah tigo, samuik tapijak indak mati.
Tarandam randam indak basah, tarapuang apuang indak hanyuik.
Anyuik labu dek manyauak, hilang kabau dek kubalo.
Anguak anggak geleng amuah, unjuak nan tidak babarikan.
Alua samo dituruik, limbago samo dituang.
Alat baaluah jo bapatuik makanan banang siku-siku, kato nan bana tak baturuik ingiran bathin nan baliku.
Alat baaluah jo bapatuik makanan banang siku-siku, kato nan bana tak baturuik ingiran bathin nan baliku.
Alah bauriah bak sipasin, kok bakiek alah bajajak, habih tahun baganti musim sandi Adat jangan dianjak.
Adat biaso kito pakai, limbago nan samo dituang, nan elok samo dipakai nan buruak samo dibuang.
Anak-anak kato manggaduah, sabab manuruik sakandak hati, kabuik tarang hujanlah taduah, nan hilang patuik dicari.
Anggang nan datang dari lauik, tabang sarato jo mangkuto, dek baik budi nan manyam buik, pumpun kuku patah pauahnyo.
Anjalai pamaga koto, tumbuah sarumpun jo ligundi, kalau pandai bakato kato, umpamo santan jo tangguli.
Atah taserak dinan kalam, intan tasisiah dalam lunau, inyo tabang uleklah tingga, nak umpamo langgau hijau.
Aia diminum raso duri, nasi dimakan raso sakam.
Adaik rang mudo manangguang rindu, adaik tuo manahan ragam.
Alah limau dek mindalu, hilang pusako dek pancarian.
Adat dipakai baru, jikok kain dipakai usang.
Basuluah mato hari, bagalanggang mato rang banyak.
Baribu nan tidak lipuah, jajak nan indak hilang.
Bariak tando tak dalam, bakucak tando tak panuah.
Bajalan paliharolah kaki, bakato paliharolah lidah.
Barek samo dipikua, ringan samo dijinjiang.
Baguru kapadang data, dapek ruso baling kaki, baguru kapalang aja, nan bak bungo kambang tak jadi.
Bakato bak balalai gajah, babicaro bak katiak ula.
Bapikia kapalang aka, ba ulemu kapalang paham.
Bak kayu lungga panggabek, bak batang dikabek ciek.
Batolan mangko bajalan, mufakat mangko bakato.
Bak kancah laweh arang, bapaham tabuang saruweh.
Bak balam talampau jinak, gilo ma-angguak-anguak tabuang aia, gilo mancotok kili-kili.
Bakarih sikati muno, patah lai basimpai alun ratak sabuah jadi tuah, jikok dibukakpusako lamo, dibangkik tareh nan tarandam lah banyak ragi nan barubah.
Batang aua paantak tungku, pangkanyo sarang sisan, ligundi disawah ladang sariak indak babungolai. Mauleh jokok mambuku, mambuhua kalau manggasan, kalau budi kelihatan dek urang, hiduik nan indak baguno lai.
Basasok bajarami, bapandam pakuburan, soko pusako kalau tadalami, mambayang cahayo diinggiran.
Basasok bajarami, bapandam pakuburan.
Bapuntuang suluah sia, baka upeh racun sayak batabuang, paluak pangku Adat nan kaka, kalanggik tuah malambuang.
Bajalan batolan, bakato baiyo, baiak runding jo mufakat. Turuik panggaja urang tuo, supayo badan nak salamaik.
Barakyat dulu mangko barajo, jikok panghulu bakamanakan. Kalau duduak jo nan tuo pandai nan usah dipanggakkan.
Bakato bapikiri dulu, ingek-ingek sabalun kanai, samantang kito urang nan tahu, ulemu padi nan kadipakai.
Banyak diliek jauah bajalan, lamo hiduik banyak diraso. Kalau kito dalam parsidangan marah jo duko usah dipakai.
Biopari kato ibarat, bijaksano taratik sopan, pacik pitaruah buhua arek, itu nan ijan dilupokan.
Barieh balabiah limo puluah, nan warieh bajawek juo, kaganti camin gujalo tubuah, paukua baying-bayang maso.
Baitu barieh balabiahnyo, dari luhak maso dahulu, kok tidak disigi dipanyato, lipuah lah jajak nan dahulu.
Buruak muko camin dibalah.
Banggieh dimancik, rangkiang disaliangkan.
Barajo Buo Sumpu Kuduih tigo jo rajo Pagaruyuang, Ibu jo bapak pangkanyo manjadi anak rang bautang.
Bak cando caciang kapanehan, umpamo lipeh tapanggang.
Bak lonjak labu dibanam, umpamo kacang diabuih ciek.
Bak ayam manampak alang, umpamo kuciang dibaokkan lidieh.
Bak caro tontoang diladang, umpamo pahek ditokok juo barunyo makan, urang-urang ditanggah sawah digoyang dulu baru manggariek.
Bak sibisu barasian, takana lai takatokan indak.
Bak baruak dipataruahkan, bak cando kakuang dipapikekkan.
Bak manjamua ateh jarami, jariah abieh jaso tak ado.
Bak balaki tukang ameh, mananti laki pai maling.
Baulemu kapalang aja, bakapandaian sabatang rokok.
Bunyi kecek marandang kacang, bunyi muluik mambaka buluah.
Baguno lidah tak batulang, kato gadang timbangan kurang.
Bak bunyi aguang tatunkuik, samangaik layua kalinduangan.
Bak itiak tanggah galanggang, cando kabau takajuik diaguang.
Bungkuak saruweh tak takadang, sangik hiduang tagang kaluan.
Bumi sampik alam tak sunyi, dio manjadi upeh racun.
Bak umpamo gatah caia, bak cando pimpiang dilereng, iko elok etan katuju.
Basikelah anggan kanai, basisuruak jikok kanai, tasindoroang nyato kanai.
Budi nan tidak katinjauan, paham nan tidak kamaliangan.
Bak basanggai diabu dingin, bak batanak ditungku duo.
Bak taratik rang sembahyang, masuak sarato tahu, kalua sarato takuik.
Bak galagak gulai kincuang, bak honjak galanggang tingga.
Bak ayam lapeh malam, bak kambiang diparancahkan.
Bak balam talampau jinak, gilo maangguak tabuang aia, gilo mancotok kili kili.
Bagai kabau jalang kareh hiduang, parunnyuik pambulang tali, tak tantu dima kandangnyo.
Bak umpamo badak jantan, kuliek surieh jangek lah luko, namun lenggok baitu juo.
Bak ma eto kain saruang, bak etong kasiak dipantai.
Barundiang siang caliak-caliak, mangecek malam agak-agak.
Bak manungkuih tulang didaun taleh, bak manyuruakan durian masak.
Bilalang indak manjadi alang, picak-picak indak jadi kuro-kuro. Walau disapuah ameh lancuan, Kilek loyang kan tampak juo.
Bak mandapek durian runtuah, bak mandapek kijang patah.
Bagai sipontong dapek cicin, bak mancik jatuah kabareh.
Bak kabau dicucuak hiduang umpamo langgau di ikua gajah.
Bak mamaga karambia condong, bak ayam baranak itiak.
Bak mangantang anak ayam, umpamo basukek baluik hiduik.
Bak mahambek aia hilia, bak manahan gunuang runtuah.
Bak mancari jajak dalam aia, bak mancari pinjaik dalam lunau.
Bak manatiang minyak panuah, bak mahelo rambuik dalam tapuang.
Bak aia didaun kaladi, bak talua diujuang tanduak.
Bak manggadangkan anak ula, umpamo mamaliharo anak harimau.
Bak aia jatuah ka kasiak, bak batu jatuah ka lubuak.
Bak bagantuang di aka lapuak, bak bapijak didahan mati.
Bak ayam indak ba induak, umpamo siriah indak ba junjuang.
Bak malapehkan anjiang tasapik, bak mangadangkan anak harimau.
Bak api didalam sakam, aia tanang mahannyuikkan.
Bak tapijak dibaro angek, bak cando lipeh tapanggang.
Bak maungkik batu dibancah, bak manjujuang kabau sikua.
Baban barek singguluang batu, kayu tapikua dipangkanyo.
Bak kudo palajang bukik, umpamo gajah paangkuik lado.
Bak banang dilando ayam, bak bumi diguncang gampo.
Bak baluik di gutiak ikua, bak kambiang tamakan ulek.
Babana ka ampu kaki, ba utak ka pangka langan.
Baumpamo batuang tak bamiyang, bak bungo tak baduri.
Basilek dipangka padang, bagaluik diujuang karieh, kato salalu baumpamo, rundiang salalu bamisalan.
Jatuah mumbang jatuah kalapo, jatuah bairiang kaduonyo. Rusak adaik hancua pusako habih kabudayaan nan usali.
Jikok panghulu bakamanakan, maanjuang maninggikan. Pandai nan usah dilagakkan manjadi takabua kasudahannyo.
Jauah cinto mancinto, dakek jalang manjalang.
Jangek suriah kuliklah luko, namun lenggok baitu juo.
Jan disangko murah batimbakau, maracik maampai pulo, jan disangko murah pai marantau, basakik marasai pulo.
Jauah bajalan banyak diliek, lamo hiduik banyak diraso.
Kuaik rumah karano sandi, rusak sandi rumah binaso, kuaik bangso karano budi, rusak budi hancualah bangso.
Kilek baliuang lah ka kaki, kilek camin lah ka muko.
Kalau hari lah paneh lah lupo kacang jo kuliknyo.
Kalau karuah aia di hulu sampai ka muaro karuah juo.
Kalau kuriak induaknyo rintiak anaknyo.
Kasingka talalu ampang, kapitungguah talampau unjua.
Kato iduik banyawa iduik, kato mati bapambunuahan.
Kuaik katam karano tumpu, kuaik sapik karano takan.
Ka bukik samo mandaki kalurah samo manurun.
Kasuri tuladan kain, kacupak tuladan batuang.
Kacak langan lah bak langan, kacak batih lah bak batih.
Kalau tasungkuik pado nan tinggi, jikok basanda pado nan gadang.
Kato panghulu manyalasai, mandareh kato dubalang. Adaik kok kurang takurasai, dunia manjadi takupalang.
Kalau dek pandang sapinteh lalu, banyak pahamnyo tagaliciak, pandai tak rago dek ba guru, salam tak sampai pado kasiah.
Katiko taimpik nak diateh, katiko takuruang nak dilua, bajalan baduo nak ditangah bajalan surang nak dahulu.
Kahilia jalan ka Padang, ka mudiak jalan ka Ulakan, kok musuah indak dihadang, tasuo nan indak ba ilakkan.
Kahilia jalan ka Sumani, sasimpang jalan ka Singkarak, saukua mangko manjadi, sasuai mangko takanak.
Kaduo kato mufakat, sakato urang kasadonyo, elok sapahan sahakikat, santoso kito salamonyo.
Kaampek kato kamudian, patuik bana kato dicari, taruah naraco jo katian, paniliak langgam nan tadiri.
Kato rajo kato basahajo, kato titah kato balimpahan, dari duo capailah tigo, jangan sakali disudahi.
Kato panghulu manyalasai, kato alim kato hakikat, talamun patuik kito kakeh, lahia jo bathin nak saikek.
Kato bapak kato panggaja, kato kalipah dari mamak, mujua indak dapek kito kaja, malang tak dapek kito tulak.
Kato guru kato batuah, kato saudaro paringatan, kuncilah bathin jan taruah, budi nan jan sampai nampak.
Kato parampuan kato manuruik, mangambiak hati suami, labiahkan rusuah jo takuik, jarek sarupo jo jarami.
Kato adaik pahamnyo aman, malangkapi rukun dengan syarat, kalau elok pegang padoman, santoso dunia jo akhirat.
Koroang kampuang didalam jurai, baitu limbago sajak dahulu, dunialah lamo inyo pakai, raso pareso nyolah tahu.
Kalau adaik dalam nagari, bulek sagiliang picak satapiak, sabarek saringan kasadonyo Urang mulia dalam nagari, muluik manih basonyo baiak, sakati limo nilai haragonyo.
Karano indak mambao galah, mananti takadia kasamonyo, mudarat mufaat tak dikana, alamaik binaso kasudahannyo.
Kato manti kato bahubuang, kato dubalang kato mandareh. Jauhari pandai manyambuang, nan singkek buliah diuleh.
Kiniko coraklah barubah, alam mardeka lah tabantang, sadang manggali kasajarah usahokan galian dek basamo.
Kok alah sampai di hulu, balunlah pulo sacukuiknyo. Dek kokoh niniak nan dahulu kunci nan limo pambukaknyo.
Kito di alam Minangkabau lah patuik tasintak pulo, katiko balun talampau elok dirunuik sitambo lamo.
Kauak indak sahabih gauang, awai indak sahabih raso, paham pahamnyo nan tak lansuang, batuka tujuan mukasuiknyo.
Kalau pai tampak pungguang, jikok babaliak tampak muko.
Kalau indak pandai bakato-kato, bak alu pancukia duri, kalau pandai bakato-kato bak santan jo tangguli.
Kato papatah caro Minang, patitiah luhak nan tigo. Nan turun dari Parpatiah nan sabatang, manjadi kato pusako.
Kito nan bukan cadiak pandai, ulemu di Tuhan tasimpannyo. Kok senteang batolong bilai tandonyo kito samo sabanso.
Kito nan bukan cadiak pandai, hanyo manjawek pituah dari guru. Pituah guru nan dipakai, nak jadi paham jo ukuran.
Kalau ketek dibari namo, urang gadang dibari gala, nak tapek adaik jo limbago, faham adaik nak nyato bana.
Kaluah kasah papek nan ampek, sarato anggota katujuahnyo, panca indra manangguangkan, batang tubuah marasokan.
Kalau balaia banakodoh, jikok bajalan jo nan tuo.
Kuaik dari paga basi, kokoh nan dari paga tembok.
Kato sapatah dipikiri, bajalan salangkah madok suruik.
Karantau madang di hulu, babuah babungo balun, marantau bujang dahulu, dirumah baguno balun.
Kasiah sayang dapek dicari, tampek hati jarang basuo.
Kalauik riak maampeh, kapulau riak mamutuih, kalau mangauik iyo bana kameh, kalau mancancang iyo bana putuih.
Kalau tali kaia panjang sajangka, lauik dalam usah didugo.
Kulik maia ditimpo bathin, bathin ditimpo galo-galo, dalam lahia ado ba bathin, dalam bathin bahakikat pulo.
Kacimpuang pamenan mandi, rasian pamenan lalok.
Lain geleang panokok asiang kacundang sapik.
Lah samak jalan kapintu, lah tarang jalan kadapua.
Limpato batang sitawa, digulai cubadak mudo, lah biaso kito tasalah, karano pangana indak sakali tibo.
Lauik gadang kalau dihadang, sadiokan sampan jo pandayuang.
Limpapeh rumah nan gadang, umbun puruik pegangan kunci.
Lauik banyak nan sati, rantau banyak nan batuah.
Lah bacampua lamak jo galeme, indak babedo sadah jo tapuang.
Lahia jo bathin saukuran, isi kulik umpamo lahia.
Labuah luruih jalannyo pasa jan manyipang suok jo kida.
Mumbang jatuah kalapo jatuah, indak babedo kaduonyo.
Malabihi ancak-ancak, mangurangi sio-sio.
Mukasuik hati mamaluak gunuang, apo dayo tangan indak sampai.
Mancabiak baju didado, manapuak aia didulang.
Malakak kuciang didapua, manahan jarek dipintu.
Mancari dama ka bawah rumah, mamapeh dalam balanggo.
Mairikkan galah jo kaki, manjulaikan aka bakeh bagayuik, malabiahkan lantai bakeh bapinjak.
Mandapek samo balabo, kahilangan samo barugi.
Manyauak di ilia-ilia, bakato dibawah-bawah.
Mancaliak jo suduik mato, bajalan di rusuak labuah.
Mancaliak tuah ka nan manang, maliek contoh ka nan sudah, manuladan ka nan baik.
Mamakai hereang jo gendeang, mamakai raso jo pareso.
Muluik manih talempong kato, baso baiak gulo dibibia.
Maliang cilok taluang dinding, tikam bunuah padang badarah. Ibo di adat katagiliang turuikkan putaran roda.
Malu batanyo sasek dijalan, sagan bagalah hanyuik sarantau.
Minangkabau dahulunyo, adaiknyo tuah disakato, kalau dipandang kato-kato, dipahamkan makonyo nyato, didalami sungguh-sungguh.
Maniah nan jan lakeh di raguak, pahik nan jan lakeh di luahkan.
Mati harimau tingga balang, mati gajah tingga gadiang.
Mati samuik karano manisan, jatuah kabau dek lalang mudo.
Marangkuah tungua ka dado, maraiah suatu ka diri.
Mampahujankan tabuang garam, mampaliakkan rumah indak basasak.
Manjujuang balacan dikapalo, mangali-gali najih dilubang.
Managakkan banang basah, manaiakkan banda sundai.
Musang babulu ayam, musuah dalam salimuik.
Manusia manahan kieh, binatang Manahan palu.
Murah kato takatokan, sulik kato jo timbangan.
Marabah sadundun jo balam, sikok barulang pai mandi, sambah sadundun jo salam, kato harok dibinisi.
Nan kuriak iyolah kundi, nan merah iyolah sago, nan baiak iyo budi, nan indah iyo lah baso.
Nak urang koto hilalang, nak lalu kapakan baso, malu jo sopan kok nyo hilang, habih lah raso jo pareso.
Nan bungkuak dimakan saruang, nan bengkok dimakan tali.
Nan luruih katangkai sapu, nan bungkuak katangkai bajak, satampok kapapan tuai, nan ketek kapasak suntiang, panarahan kakayu api, abunyo kapupuak padi.
Nan buto pahambuih lasuang, nan pakak pamasang badia, nan lumpuah pahunyi rumah, nan patah pangajuik ayam, nan bingguang kadisuruah-suruah, nan cadiak bao baiyo, nan kayo bakeh batenggang.
Nan condoang makanan tungkek, nan lamah makanan tueh.
Nan landai batitih, nan condong baraiah, nan lamah baindiak.
Nak mulia tapek-i janji, nak taguah paham dikunci.
Nak tinggi naiak kan budi, nak haluih baso jo basi.
Nan salajang kudo balari, nan sahentak kuciang malompek.
Nan basasok bajarami, nan bapandan bapakuburan, soko pusako kalau tadalami, mambayang cahayo diinggiran.
Nan tuo dihormati, nan ketek di sayangi, samo gadang baok bakawan.
Nan suku babuah paruik, korong kampuang didalam jurai, dek urang tuo lah lamo hiduik, dunialah lamo inyo pakai.
Nagari bapaga undang, kampuang bapaga buek, tiokmlasuang ba ayam gadang, salah tampuah buliah diambok.
Niniak moyang di duo koto, mambuek barih jo balabeh, Bulek dek tuah lah sakato, nak tantu hinggo jo bateh.
Nan barek samo dipikua, nan ringan samo dijinjiang.
Nan sakik iyolah kato, nan padiah iyolah rundiang. Dek tajam nampak nan luko, dek kato hati taguntiang.
Nan sakik iyo lah kato, nan malu iyolah tampak.
Nan mudo biaso bimbang, manaruah rambang jo ragu, kalau batimbo ameh datang, lungga lah ganggam nan dahulu.
Nan dikatokan kato pusako, iyolah kato undang-undang. Dek lamo tak namuah lupo manjadi padoman pagi jo patang.
Nak elok lapangkan hati, nak haluih baso jo basi.
Nak luruih rantangkan tali, luruih bana dipacik sungguah.
Naiaklah dari janjang, turunlah dari tango.
Nanang saribu aka, haniang ulu bicaro, pikia palito hati, dek saba bana mandatang.
Nak tahu digadang kayu caliak ka pangkanyo, nak tahu di gadang ombak caliak ka pasianyo.
Nan bak mananti aia ilia, nan bak manutuik manggih langkeh.
Nan bak banang dilando ayam, nan bak bumi diguncang gampo.
Nan elok dek awak katuju dek urang, sakik dek awak sakik dek urang.
Nan mudo pambimbiang dunia, nan capek kaki ringan tangan, acang-acang dalam nagari.
Nak jan jauah panggang dari api, latakkan sasuatu ditampeknyo.
Nan tahu dikayu tinggi alang, nan tahu diposo-poso ayam, nan tahu dikili-kili banting.
Ombak barayun manuju pantai, riak nyato manuju tapi. Indak guno jadi rang pandai, kalau baulemu indak babudi.
Ombak ditantang manuju pulau, laia dikambang manantang angin.
Olok-olok mambao sansai, garah-garah jadi binaso.
Olak olai rang basiang, sorak sorai rang karimbo.
Pulau pandan jauah ditangah, dibaliak pulau angso duo, hancua badan dikanduang tanah, budi baiak dikana juo.
Pisang ameh baok balaia, masak sabuah didalam peti, hutang ameh dapek dibaia, hutang budi dibao mati.
Pucuak pauah sadang tajelo, panjuluak buah ligundi, nak jauah silang sangketo, pahaluih baso jo basi.
Pado pai suruik nan labiah, samuik tapijak indak mati, alu tataruang patah tigo.
Padi disisiak jo hilalang, tapuang dicampua jo sadah.
Padi ditanam padi tumbuah, lalang ditanam lalang tumbuah.
Padi dikabek jo daunnyo, batang ditungkek jo dahannyo.
Papek dilua runciang didalam, talunjuak luruih kalingkiang bakaiek.
Pikia palito hati, tanang hulu bicaro.
Pilin kacang nak mamanjek, pilin jariang nak barisi.
Panjeklah batang tinggi-tinggi, basuo pucuak silaronyo, kalilah urek dalam-dalam basuo urek tunggang jo isinyo.
Putiah manahan sasah, hitam manahan tapo.
Padang gantiang baranah-ranah, kahilia jalan kapianggu, sasimpang jalan kasikabu, duduak samo randah tagak samo tinggi dalam adat Minangkabau.
Pulai batingkek naiak, maninggakan ruweh jo buku, manusia batingkek turun, maninggakan barih jo balabeh
Partamo banamo Minang, Minangkabau namo kaduo, nan kayo mandi baranang, nan bansaik bandi batimbo.
Partamo cupak usali, kaduo cupak buatan. Kalau dulu disasali manjadi tuah pandapatan.
Patah de mamapek, maja de mangilia, dek harum talalu angik.
Pucuak dicinto ulam tibo, sumua dikali aia dapek.
Panakiak pisau sirauik, ambiak galah batang lintabuang, silodang ambiak ka niru, satitiak jadikan lauik, nan sakapa jadikan gunuang alam takambang jadi guru.
Partamo lareh nan tinggi, kaduo lareh nan bunta, kalau tak pandai kito mambimbiang indak katantu sah jo bata.
Pandai mangulai ambuang-ambuang, bak umpamo gulai kincuang, baunnyo maimbau-imbau, tapi rasonyo amba sajo.
Pangka kusuik ujuang bakaruik, ikua kupiak kapalo randah.
Pandai batanam tabu dibibia, pandai baminyak aia.
Pusek jalo kumpulan ikan, pucuak usah tarateh, urek ijan taganjak.
Pasa jalan dek batampuah, lanca kaji dek ba ulang.
Pandai karano batanyo, tahu karano baguru.
Panjang namuah dikarek senteng namuah dibilai, singkek namuah diuleh, kurang namuah ditukuak.
Rarak kalikih dek minalu, tumbuah sarumpun jo kayu kalek. Kok habih raso jo malu bak kayu lungga pangabek.
Ratak indak mambao caro, rannyuak nan indak mambao hilang.
Rumah tampak jalan indak tantu, angan lalu faham tatumbuak.
Raso aia kapamatang, raso minyak kakuali, nan bakabek rasan tali, nan babungkuih rasan daun.
Rumah indak batungganai, kappa nan indak banangkodoh.
Rumah gadang bari bapintu, nak tarang jalan kahalaman, kalau dikumpa saleba kuku jikok dikambang saleba alam.
Riwayaik jambi lah tasabuik, panjang tajelo disilukah, barih balabeh mangkonyo cukuik, sampai ka hulu baru sudah.
Rupo mangatokan harago, kurenah manunjuakan laku, walau nan lahia tampak dek mato, nan bathin tasimpan dalam itu.
Raso dibaok naiak, pareso dibaok turun.
Raso kabarek dilapehkan, raso kasulik dielakkan, bak cando mangganggam baro.
Surang makan cubadak, sadonyo kanai gatahnyo, saikua kabau bakubang sakandang kanai luluaknyo.
Sio-sio- nagari alah, kalau cilako utang tumbuah.
Sayang di anak dilacuti, sayang di kampuang ditinggakan.
Sadang manyalam minum aia, sadang badiang nasi masak.
Senteang bilai mambilai, panjang karek mangarek.
Satitiak jadikan lauik, sakapa jadikan gunuang.
Suri tagantuang ditanuni, luak taganang kito sauak.
Sakalam kalam hari sabuah bintang bacahayo juo.
Sabanta sakalang hulu, salapiak sakatiduran.
Sandi banamo alua adat, tonggak banamo kasandaran.
Sasiuak namuah ka api, salewai namuah ka aia.
Satali pambali kumayan, sakupang pambali katayo, sakali lancuang kaujian, salamo hiduik urang indak picayo.
Syarak banamo lazim, adat nan banamo kewi, habih tahun baganti musim, buatan nan usah diubahi.
Siang manjadi tungkek, malam manjadi kalang.
Sungguahlah kokoh adat Minang, mambuek adat jo limbago, malangnyo panjajah datang, rusaklah adat dibueknyo.
Satuntuang tabu dek ulek, satuntuang sajo kito buang.
Sirauik tajam batimba, tak ujuang pangka manganai, sudu-sudu batimba jalan, ditakiak kanai gatahnyo. Kalauik tuah takaba, bumi jo langik nan mananai. Duduak di kampuang jan umbilan, kandang buek tumpuan tanyo.
Siriahlah pulang kagagang, pinanglah suruik katampuaknyo. Karih baliak kasaruangnyo, baju tasaruang ka nan punyo, ameh pulang katambangnyo.
Sadang baguru kapalang aja, lai bak bungo kambang tak jadi. Kunun kok dapek dek mandangga, tidak didalam dihalusi.
Sabab karano dek baitu, tumbuahlah niaik dalam hati, nak manuruik tambo nan dahulu sajarah adat nan usali.
Sangajo guno diuraikan, kahadapan nan basamo, untuak nak samo dipikiakan, nak samo dirunuak nan tujuan.
Satinggi-tinggi malantiang, mambubuang ka awang-awang, suruiknyo katanah juo. Sahabih dahan jo rantiang, dikubak dikulik batang, tareh panguba barunyo nyato.
Santan babaleh jo tubo, nikmat babaleh jo sansaro.
Saumpamo aua jo tabiang, umpamo ikan jo aia.
Sikujua baladang kapeh, kambanglah bungo karawitan. Kok mujua mandeh malapeh bak ayam pulang kapautan.
Tak lakang dek paneh tak lapuak dek hujan, dianjak tak layua, dibubuik tak mati.
Tabujua lalu tabalintang patah.
Tarandam-randam indak basah, tarapuang-apuang indak hanyuik.
Tak ujuang pangka mangganai, saragi baliak batimba.
Tasingguang kanai miangnyo, tagisia kanai rabehnyo.
Tak siriah pinang mamalan, tak pasin anguakpun tibo.
Tak laju bandiang mamacah, tak lalu dandang di aia, digurun ditajakkan juo.
Tatungkuik samo makan tanah, tatilantang samo minum ambun, tarapuang samo hanyuik, tarandam samo basah.
Titiak buliah ditampuang, maleleh buliah dibaliak.
Tagak indak tasundak, malenggang indak tapampeh.
Talalok talalu mati, manyuruak talalu hilang.
Tinggi lonjak gadang galapuah, nan lago dibawah sajo.
Nagari bapaga undang, kampuang bapaga buek, tiokmlasuang ba ayam gadang, salah tampuah buliah diambok.
Niniak moyang di duo koto, mambuek barih jo balabeh, Bulek dek tuah lah sakato, nak tantu hinggo jo bateh.
Nan barek samo dipikua, nan ringan samo dijinjiang.
Nansakik iyolah kato, nan padiah iyolah rundiang. Dek tajam nampak nan luko, dek kato hati taguntiang.
Nansakik iyo lah kato, nan malu iyolah tampak.
Nan mudo biaso bimbang, manaruah rambang jo ragu, kalau batimbo ameh datang, lungga lah ganggam nan dahulu.
Nan dikatokan kato pusako, iyolah kato undang-undang. Dek lamo tak namuah lupo manjadi padoman pagi jo patang.
Nak elok lapangkan hati, nak haluih baso jo basi.
Nak luruih rantangkan tali, luruih bana dipacik sungguah.
Naiaklah dari janjang, turunlah dari tanggo.
Nanang saribu aka, haniang ulu bicaro, pikia palito hati, dek saba bana mandatang.
Nak tahu digadang kayu caliak kapangkanyo, nak tahu digadang ombak caliak kapasianyo.
Nan bak mananti aia ilia, nan bak manutuik manggih langkeh.
Nan bak banang dilando ayam, nan bak bumi diguncang gampo.
Nan elok dek awak katuju dek urang, sakik dek awak sakik dek urang.
Nan mudo pambimbiang dunia, nan capek kaki ringan tangan, acang-acang dalam nagari.
Nak jan jauah panggang dari api, latakkan sasuatu ditampeknyo.
Nan tahu dikayu tinggi alang, nan tahu diposo-poso ayam, nan tahu dikili-kili banting.
Ombak barayun manuju pantai, riak nyato manuju tapi. Indak guno jadi rang pandai, kalau baulemu indak babudi.
Ombak ditantang manuju pulau, laia dikambang manantang angin.
Olok-olok mambao sansai, garah-garah jadi binaso.
Olak olai rang basiang, sorak sorai rang karimbo.
Pulau pandan jauah ditangah, dibaliak pulau angso duo, hancua badan dikanduang tanah, budi baiak dikana juo.
Pisang ameh baok balaia, masak sabuah didalam peti, hutang ameh dapek dibaia, hutang budi dibao mati.
Pucuak pauah sadang tajelo, panjuluak buah ligundi, nak jauah silang sangketo, pahaluih baso jo basi.
Pado pai suruik nan labiah, samuik tapijak indak mati, alu tataruang patah tigo.
Padi disisiak jo hilalang, tapuang dicampua jo sadah.
Padi ditanam padi tumbuah, lalang ditanam lalang tumbuah.
Padi dikabek jo daunnyo, batang ditungkek jo dahannyo.
Papek dilua runciang didalam, talunjuak luruih kalingkiang bakaiek.
Pikia palito hati, tanang hulu bicaro.
Pilin kacang nak mamanjek, pilin jariang nak barisi.
Panjeklah batang tinggi-tinggi, basuo pucuak silaronyo, kalilah urek dalam-dalam basuo urek tunggang jo isinyo.
Putiah manahan sasah, hitam manahan tapo.
Padanggantiang baranah-ranah, kahilia jalan kapianggu, sasimpang jalan kasikabu Duduak samo randah tagak samo tinggi dalam adat Minangkabau.
Pulai batingkek naiak, maninggakan ruweh jo buku, manusia batingkek turun, maninggakan barih jo balabeh
Partamo banamo Minang, Minangkabau namo kaduo, nan kayo mandi baranang, nan bansaik bandi batimbo.
Partamo cupak usali, kaduo cupak buatan. Kalau dulu disasali manjadi tuah panda- patan.
Patah de mamapek, maja de mangilia, dek harum talalu angik.
Pucuak dicinto ulam tibo, sumua dikali aia dapek.
Panakiak pisau sirauik, ambiak galah batang lintabuang, silodang ambiak kaniru, satitiak jadikan lauik, nan sakapa jadikan gunuang alam takambang jadi guru.
Partamo lareh nan tinggi, kaduo lareh nan bunta, kalau tak pandai kito mambimbiang indak katantu sah jo bata.
Pandai mangulai ambuang-ambuang, bak umpamo gulai kincuang, baunnyo maimbau imbau, tapi rasonyo amba sajo.
Pangka kusuik ujuang bakaruik, ikua kupiak kapalo randah.
Pandai batanam tabu dibibia, pandai baminyak aia.
Pusek jalo kumpulan ikan, pucuak usah tarateh, urek ijan taganjak.
Pasa jalan dek batampuah, lanca kaji dek ba ulang.
Pandai karano batanyo, tahu karano baguru.
Panjang namuah dikarek senteng namuah dibilai, singkek namuah diuleh, kurang namuah ditukuak.
Rarak kalikih dek minalu, tumbuah sarumpun jo kayu kalek. Kok habih raso jo malu bak kayu lungga pangabek.
Ratak indak mambao caro, rannyuak nan indak mambao hilang.
Rumah tampak jalan indak tantu, angan lalu faham tatumbuak.
Raso aia kapamatang, raso minyak kakuali, nan bakabek rasan tali, nan babungkuih rasan daun.
Rumah indak batungganai, kappa nan indak banangkodoh.
Rumah gadangbaribapintu, nak tarang jalan kahalaman, kalau dikumpa saleba kuku jikok dikambang saleba alam.
Riwayaik jambi lah tasabuik, panjang tajelo disilukah, barih balabeh mangkonyo cukuik, sampai ka hulu baru sudah.
Rupo mangatokan harago, kurenah manunjuakan laku, walau nan lahia tampak dek mato, nan bathin tasimpan dalam itu.
Raso dibaok naiak, pareso dibaok turun.
Raso kabarek dilapehkan, raso kasulik dielakkan, bak cando mangganggam baro.
Surang makan cubadak, sadonyo kanai gatahnyo, saikua kabau bakubang sakandang kanai luluaknyo.
Sio-sio- nagari alah, kalau cilako utang tumbuah.
Sayang di anak dilacuti, sayang di kampuang ditinggakan.
Sadang manyalam minum aia, sadang badiang nasi masak.
Senteang bilai mambilai, panjang karek mangarek.
Satitiak jadikan lauik, sakapa jadikan gunuang.
Suri tagantuang ditanuni, luak taganang kito sauak.
Sakalam kalam hari sabuah bintang bacahayo juo.
Sabanta sakalang hulu, salapiak sakatiduran.
Sandi banamo alua adat, tonggak banamo kasandaran.
Sasiuak namuah ka api, salewai namuah ka aia.
Satali pambali kumayan, sakupang pambali katayo, sakali lancuang kaujian, salamo hiduik urang indak picayo.
Syarak banamo lazim, adat nan banamo kewi, habih tahun baganti musim, buatan nan usah diubahi.
Siang manjadi tungkek, malam manjadi kalang.
Sungguahlah kokoh adat Minang, mambuek adat jo limbago, malangnyo panjajah datang, rusaklah adat dibueknyo.
Satuntuang tabu dek ulek, satuntuang sajo kito buang.
Sirauik tajam batimba, tak ujuang pangka manganai, sudu-sudu batimba jalan, ditakiak kanai gatahnyo. Kalauik tuah takaba, bumi jo langik nan mananai. Duduak dikampuang jan umbilan, kandang buek tumpuan tanyo.
Siriahlah pulang kagagang, pinanglah suruik katampuaknyo. Karih baliak kasaruangnyo, baju tasaruang ka nan punyo, ameh pulang katambangnyo.
Sadang baguru kapalang aja, lai bak bungo kambang tak jadi. Kunun kok dapek dek mandangga, tidak didalam dihalusi.
Sabab karano dek baitu, tumbuahlah niaik dalam hati, nak manuruik tambo nan dahulu sajarah adat nan usali.
Sangajo guno diuraikan, kahadapan nan basamo, untuak nak samo dipikiakan, nak samo dirunuak nan tujuan.
Satinggi-tinggi malantiang, mambubuang ka awang-awang, suruiknyo katanah juo. Sahabih dahan jo rantiang, dikubak dikulik batang, tareh panguba barunyo nyato.
Santan babaleh jo tubo, nikmat babaleh jo sansaro.
Saumpamo aua jo tabiang, umpamo ikan jo aia.
Sikujua baladang kapeh, kambanglah bungo karawitan. Kok mujua mandeh malapeh bak ayam pulang kapautan.
Tak lakang dek paneh tak lapuak dek hujan, dianjak tak layua, dibubuik tak mati.
Tabujua lalu tabalintang patah.
Tarandam-randam indak basah, tarapuang-apuang indak hanyuik.
Tak ujuang pangka mangganai, saragi baliak batimba.
Tasingguang kanai miangnyo, tagisia kanai rabehnyo.
Tak siriah pinang mamalan, tak pasin anguakpun tibo.
Tak laju bandiang mamacah, tak lalu dandang di aia, digurun ditajakkan juo.
Tatungkuik samo makan tanah, tatilantang samo minum ambun, tarapuang samo hanyuik, tarandam samo basah.
Titiak buliah ditampuang, maleleh buliah dibaliak.
Tagak indak tasundak, malenggang indak tapampeh.
Talalok talalu mati, manyuruak talalu hilang.
Tinggi lonjak gadang galapuah, nan lago dibawah sajo.
Tampek bagantuang nan lah sakah, bakeh bapijak nan lah taban.
Talangkang carano kaco, badarai carano kendi, padi nan samo rang gantangkan. Bacanggang karano budi, bacarai karano baso, itu nan samo rang pantangkan.
Hiduik batungkek batang bodi, mati bapuntiang ditanah sirah. Jikok pandai bamain budi, dalam aia badan indak basah.

Daftar pustaka

D. Dt. Tumanggung & M. Z. St. Pamuncak. Gurindam adat Minangkabau (1996). Jakarta: Pustaka Indonesia