Daftar Ketua Umum Partai Komunis Indonesia

Ketua Umum Partai Komunis Indonesia
	Bakeh jabatan politik
	D.N. Aidit, Ketua Umum/Sekretaris Jendral Partai Komunis Indonesia tarakhia
Pendahulu	Ketua Umum ISDV
Pejabat pertama	Semaun
Pejabat terakhir	D.N. Aidit
Jabatan dimulai	23 Mei 1920
Jabatan berakhir	22 November 1965

Ketua Umum, biaso disabuik juo Sekretaris Jendral Partai Komunis Indonesia, adolah jabatan tertinggi dalam hierarki kapamimpinan Partai Komunis Indonesia.

Pado maso kolonial Balando, jabatan paliang tinggi dalam struktur kaaemimpinan Partai Komunis Indonesia masih mamakai bahaso Balando, yaitu hoofdbestuur. Sasudah proklamasi kemerdekaan, jabatan iko baganti namo manjadi Ketua Umum/Sekretaris Jendral Komite Sentral Partai Komunis Indonesia.

Periodisasi Partai Komunis Indonesia

Partai Komunis Indonesia nan aktif pado maso kolonial Hindia Balando samulo banamo Perserikatan Kommunist Hindia (PKH), nan ditagakan pado tahun 1920. Namo Partai Komunis Indonesia akhianyo dipakai pado tahun 1924. PKI nan aktif pado maso kolonial Balando manjadi organisasi ilegal pado awal tahun 1926, dan dilumpuahkan total pado tahun 1927 sasudah pamberontakan nan tajadi di Jawa jo Sumatra tahun 1926-1927.^[1]^[2]

Musso baliak ka Indonesia sacaro mandok-mandok pado tahun 1935, tapeknyo di Surabaya. Di sinan, inyo managakan PKI Bawah Tanah dan mancari baliak jaringan-jaringan kumunih nan masih ado. Namun sayang pergerakan iko diketahui dan tokoh-tokohnyo berhasil ditangkok dek pamareintah, salah satunya adaloh Pamudji.^[3]

Sausdah proklamasi kemerdekaan, PKI dihiduikan baliak dek Moh. Jusuf. Namun, akibat pacahnyo Pemberontakan PKI Cirebon 1946, inyo dicopot dari jabatan ketua umum dan digantikan dek Sardjono nan dahulu pernah manjadi ketua. PKI pimpinan Sardjono iduik hinggo pambarasiahan elemen kida di Jawa pasca-Pemberontakan PKI 1948. Pado awal Juli 1950, Alimin diangkek manjadi Ketua Umum sasudah duo tahun kosongnyo kapamimpinan. PKI nan dipimpin Alimin adolah benih dari PKI nan iduik hinggo dibubarkan pado tahun 1966 dek Suharto.^[4]

Hubungan PKI legal jo PKI ilegal

Sasudah Pamudji dieksekusi pado tahun 1944, tokoh-tokoh PKI mamiliah untuak manggariak ka bawah tanah baliak jo mamiliah untuak indak manampakan diri pado maso-maso awal sasudah proklamasi. Pado wakatu iko ado pamimpin nan cukuik manonjol sabagai wakil pimpinan pergerakan PKI, yaitu Widarta jo Wikana. Namun, kapamimpinan mareka dilando pulo jo banyak rintangan, mulai dari suliknyo komunikasi sampai masih taseraknyo tokoh-tokoh kuminih di banyak tampek. Kapamimpinan PKI di bawah Widarta akhianyo hancua dek kagagalan Gabungan Badan Perjuangan Tigo Daerah (GBP3D) di Karesidenan Pekalongan sasudah TKR manyarang jo marabuik baliak karesidenan tasabuik.

Kapamimpinan di ateh tanah baru baru nampak pado tanggal 21 Oktober 1945 di bawah Mr. Muhammad Yusuf. Namun, kapamimpinannyo indak dianggap sabagai panaruih nan sah dari PKI ilegal. Dek itu, Sardjono sabagai tokoh PKI 1926 maanjakan Djoesoef sasudah pambarontakan di Cirebon. Babarapo tokoh PKI Illegal bagabuang jo PKI legal nan dipimpin Sardjono. Namun, ado sabagian nan dianggap indak sasuai jo haluan partai legal, sarupo Widarta. Inyo "diadili" dek kalompok PKI legal karano dianggap alah mamacah balah partai dan bakarajo samo jo kalompok Murba, lawan politik PKI wakatu itu. Widarta, sabagai pamimpin tarakhia nan tasiso dari PKI ilegal, akhianyo ditangkok dek kalompok PKI legal di Yogya dan dieksekusi pado akhia tahun 1947.

Sudisman mamimpin siso-siso PKI

Sudisman indak pernah diangkek sabagai Ketua Umum/Sekretaris Jendral nan sah untuak malanjuikan kapamimpinan partai. Kaba mangenai eksekusi D.N. Aidit sangkek itu nan marupoan Sekretaris Jendral nan sah, mambuek inyo mamutuihan untuak malanjuikan kapamimpinan partai sacaro sapihak, hinggo akhirnya inyo ditangkok pado Desember 1966. Panangkapannyo manandai berakhirnyo kapamimpinan partai dan kahancuran total atas PKI.

Daftar Ketua Umum

No	Foto	Ketua	Mulai jabatan	Akhia jabatan
1	Berkas:Semaoen.jpg	Semaun	23 Mei 1920	25 Desember 1921
2		Tan Malaka	25 Desember 1921	13 Februari 1922
3	Berkas:Semaoen.jpg	Semaun	13 Februari 1922	10 Juni 1924
4		Alibasah Winanta	10 Juni 1924	Juli 1924
5		Aliarcham	Juli 1924	20 Desember 1924
6		Sardjono	20 Desember 1924	10 November 1926
7		Suprodjo	10 November 1926	17 November 1926
Pergerakan Ilegal PKI-Moeda (1935-1945)
8		Musso	Juli 1935	1936
9		Pamudji	1936	22 Februari 1944
10		Subandi Widarta	Februari 1944	23 Desember 1945
PKI Legal (1945-1948)
11		Moh. Jusuf	21 Oktober 1945	29 Maret 1946
12		Sardjono	29 Maret 1946	19 Desember 1948
Kakosongan kapamimpinan (1948-1950)
13		Alimin	Juli 1950	Januari 1951
14		D.N. Aidit	Januari 1951	22 November 1965
Manggariak di bawah tanah (1965-1966)
-		Sudisman (Tidak dilantik secara sah)	22 November 1965	Desember 1966

Rujuakan

↑ McVey, Ruth (2006). The Rise of Indonesian Communism. Jakarta: Equinox Publishing. pp. 46. ISBN 979-3780-36-3.
↑ J.T. Petrus Blumberger (2018). Gerakan Komunis di Hindia Belanda (terjemahan De Communistische Beweging In Nederlandsch-Indie). ISBN: 978-602-513-04-7.
↑ Poeze, Harry. A (2011). Madiun 1948: PKI Bergerak. Jakarta: Yayasan Obor Indonesia. pp. 3-4. ISBN 978-602-433-834-3.
↑ Poeze, Harry.A (2009). Tan Malaka, Gerakan Kiri, dan Revolusi Indonesia Jilid 2: Maret 1946 - Maret 1947. Jakarta: Yayasan Obor Indonesia. pp. 44-46. ISBN 978-979-461-730-4.

[1] McVey, Ruth (2006). The Rise of Indonesian Communism. Jakarta: Equinox Publishing. pp. 46. ISBN 979-3780-36-3.

[2] J.T. Petrus Blumberger (2018). Gerakan Komunis di Hindia Belanda (terjemahan De Communistische Beweging In Nederlandsch-Indie). ISBN: 978-602-513-04-7.

[3] Poeze, Harry. A (2011). Madiun 1948: PKI Bergerak. Jakarta: Yayasan Obor Indonesia. pp. 3-4. ISBN 978-602-433-834-3.

[4] Poeze, Harry.A (2009). Tan Malaka, Gerakan Kiri, dan Revolusi Indonesia Jilid 2: Maret 1946 - Maret 1947. Jakarta: Yayasan Obor Indonesia. pp. 44-46. ISBN 978-979-461-730-4.

[1]

[2]

[3]

[4]