Dürer's Rhinoceros
Dürer Rhinoceros atau Badak Dürer adolah namo ukiran dari potongan kayu nan dibuek dek palukih Jerman Albrecht Dürer pado taun 1515. Asia karyanyo tu tainspirasi dari sketsa badak jo panjalehan singkek nan dibuek dek seniman badak India nan tibo di Lisbon pado taun 1515.[1] Dalam ukiran kayu tu, Dürer manggambaran badak nan badannyo ditutuik dek lempenan kareh sarupo baju basi jo groget sabagai panutuik dado di lihianyo. Dürer manambahan tanduak ketek di ateh pungguang abdak jo maagiah kakinyo basisiak jo barigi bagian balakang takah gergaji. Ukiran kayu Dürer tu populer di Eropa jo disalin barulang di tigo abaik barikuiknyo. Ukiran tu dianggok sabagai representasi sabananyo dari badak nan ado di akhia abaik ka-18.[2]
| Badak | |
|---|---|
_enhanced.png) | |
| Palukih | Albrecht Dürer |
| Tahun | 1515 |
| Tipe | Ukiran kayu |
| Dimensi | 23.5 cm × 29.8 cm × (93 in × 117 in) |
| Lokasi | National Gallery of Art, Washington |
Sijarah
suntiangValentim Fernandes, saurang panggaleh jo pancetak Moravie manacaliak badak di Lisbon wakatu badak tu tibo patamo kali. Sasudah tu baliau manggambarannyo dalam surek kaba ka komunitas panggaleh Nuremberg pado Juni 1515. Dokumen usali dari surek kaba dalam baso Jerman indak lamo batahan, tapi transkrip dalam baso Italia basuo di Biblioteca Nazionale Centrale di Florence.[3] Surek kaduo nan ditarimo komunitas Nuremberg barasa dari panulih nan indak dikatahui namonyo.[4] Surek tu dikirim dari Lisbon nan malampiran sabuah sketsa badak. Dürer nan kenal jo komunitas Portugis di Antwerp mancaliak surek jo sketsa tu.[5] Sasudah tu Dürer mambuek gambar badak jo pena sarato tinta. Balnjuik jo mambuek ukiran bantuak badak dari potongan kayu.
Potongan kayu Dürer bukanlah representasi badak nan akurat. Baliau manggambaran badak nan badannyo ditutuik jo lempengan kareh sarupo lembaran baju basi jo groget sabagai panutuik dado di lihianyo. Dürer manambahan tanduak ketek di ateh pungguangnyo, manjadian kakinyo basisiak, sarato bagian balakang bagarigi sarupo gargaji.[6] Pangamaik mampakiroan baasonyo baju zirah nan dipakai badak di ukiran kayu Dürer tu dulunyo dipakai badak untuak malawan gajah di Portugal.[7] Baju dari basi tu manggambaran kulik badak nan taba balipek di India.[8] Kulik badak nan dibuek basisiak manggambaran kulik badak India nan kasa ampia indak barambuik nan punyo tonolan sarupo kutia nan manutuik kaki jo pundaknyo. Di sisi lain, panggambaran tekstru kulik basisiak tu manggambaran dermatitis pado badak katiko dikuruang salamo ampek bulan pajalanan dari kapa India ka Portugal.[9]
Ukiran kayu badak kaduo dibuek dek Hans Burgkmair di Augsburg di wakatau nan ampia samo katiko Dürer mambuek ukiran kayunyo di Nuemberg. Manuruik catatan sijarah, Burgkmair bakarajo samo jo panggaleh di Lisbon jo Nuremberg, tapi indak jaleh kok Burgkmair mandapek akses ka surek jo sketsa badak sarupo Dürer atau mancaliak langusang badaknyo untuak mambuek ukiran kayu tu.[3] Gambaran badak nan dibuek dek Burgkmair labiah mirip jo badak usali. Tapi ukiran kayu nan dibuek Dürer labiah populer dibandiang punyo Burgkmair. Salinan gambar dari ukiran badak Burgkmair hanyo ciek nan batahan, sadangkan salinan gambar dari ukiran badak Dürer masih banyak nan batahan. Salinan patamo dari ukiran badak Dürer dibuek pado taun 1515. Salinan salanjuiknyo dibuek sasudah kamatian Dürer pado taun 1540-an, duo lai dibuek pado akhia abaik ka-16.[10]
Pambaruan
suntiangUkiran badak dari potongan kayu nan dibuek Dürer jatuah ka tangan pancetak jo kartografer Amsterdam, Willem Janssen(namo lainnyo Willem Blaeu). Karya Dürer mangalami karusakan dibagian palinduang luanyo. Garih pambatehnto takalupak, tadapek banyak lubang caciang kayu di bagian kaki badak.[8] Dek karano itu lah Jansenn mamutusan untuak mamelokan ukiran tu jo rono-rono nan baru sarupo ijau zaitun, ijau galok, jo biru kaabu-abuan.[11]Ukiran kayu nan alah dipelokan tu tadapek di British Museum.[12]
Karya salanjuiknyo
suntiang
Dürer mamiliah media kayu pado karyanyo dek labiah murah untuak disalin baliak jo diproduksi.[8] Salinan gambar dari ukiran tu alah banyak mandampingi tulisan-tulisan dari tokoh-tokoh sarupo Sebastian Münster's Cosmographiae (1544), Historiae Animalium dari Conrad Gessner (1551), Histoire of Foure-footed Beastes (1607) Edward Topsell (1607) jo lain sabaigainyo. Sabuah patuang badak nan tainspirasi dari karya Dürer dibuek dek Jean Goujon nan dilatakan di muko Gereja Saint-Denis, Paris pado taun 1549. Patuang tu dibuek untuak manyambuik kadatangan Rajo Parancih nan baru, Henry II. Patuang sarupo tadapek pulo di panel pintu parunggu Katedral Pisa. Wakatu itu gambar badak populer dijadian lukisan, patuang inggo porselen.[13]
Katiko labiah banyak badak iduik nan diangkuik ka Eropa, banyak palukih nan manggambar potret badak tu. Jean-Baptiste Oudry malukih potret badak pado taun 1749, jo Stubbs malukih potret badak gadang di London sakitar taun 1790. Kaduo lukisan tu labiah akurat dibandiangan ukiran kayu nan dibuek Dürer dek konsepsinyo nan labiah realistis.[14]Sampai akhia 1930-an, gambar Dürer muncua di buku teks sakolah di Jerman taruih-manaruih jo manjadian karya Dürer punyo nilai artistik nan kuek.[15]
Panjualan
suntiangWalaupun populer, salinan jo cetakan nan patamo sangaik sulit di dapekan. Namun ado nan manjuanyo di Christie's New York pado taun 2013 jo harago $ 866.500 dari hasia palelangan.[16]
Galeri
suntiang-
Gambar badak nan dibuek jo pena sarato tinta -
Cosmographia Sebastian Münster -
Badak porselen modern di Museum Porselen di Meissen
_757.jpg)
Rujuakan
suntiang- Catatan Kaki
- ↑ Kuntz:1515, the year of the rhino.
- ↑ Clark, hlm. 20.
- ↑ a b Bedini, hlm. 120.
- ↑ Tirapicos:Dürer's Rhino.
- ↑ Donald Frederick, hlm. 16.
- ↑ Kallisti Digital Publishing:Dürer's Rhinoceros.
- ↑ Glynis.
- ↑ a b c David, hlm. 206.
- ↑ Humanities Media Interaction Project:Rhinoceros.
- ↑ Projecto Lambe-Lambe:História do famoso rhinocerus de Albrecht Dürer.
- ↑ Goldman, hlm. 6.
- ↑ The British Museum:Rhinocerus (Rhinoceros).
- ↑ Clarke.
- ↑ David, hlm. 204.
- ↑ Bonhams:Salvador Dalí (Spanish, 1904–1989) Chair de poule rhinocérontique, ou Rhinocéros cosmique.
- ↑ Christie's:Albrecht Dürer, The Rhinoceros.
- Daftar Pustaka
- Kuntz (2015). "1515, the year of the rhino". Le Temos. Diakses tanggal 26 Maret 2020.
- Clarke, T. H (1515–1799). The Rhinoceros from Dürer to Stubbs. London: Sotheby's Publications. ISBN 0-85667-322-6.
- Silvano A, Bedini (1997). The Pope's Elephant. Manchester: Carcanet Press. ISBN 1-85754-277-0.
- Tirapicos. "Dürer's Rhino". CVC Instituto Camoes. Diarsipkan dari versi asli tanggal 2013-10-05. Diakses tanggal 26 Maret 2020.
- Lach, Donald Frederick (1997). Asia in the making of Europe: A century of wonder. The literary arts. The scholarly disciplines. Chicago: University of Chicago Press. ISBN 0-226-46733-3.
- "Dürer's Rhinoceros". Kallisti Digital Publishing. 2006. Diarsipkan dari versi asli tanggal 2012-02-29. Diakses tanggal 26 Maret 2020.
- Glynis, Ridle (2004). Clara's Grand Tour: Travels with a Rhinoceros in Eighteenth-century Europe. Atlantic Monthly Press. ISBN 1-84354-010-X.
- Quammen, David (2000). The Boilerplate Rhino: Nature in the Eye of the Beholder. Outside magazine. ISBN 0-684-83728-5.
- Humanities Media Interaction Project (2006). "Rhinoceros". Keio University, Japan. Diarsipkan dari versi asli tanggal 2006-10-10. Diakses tanggal 26 Maret 2020.
- "História do famoso rhinocerus de Albrecht Dürer". Projecto Lambe-Lambe. 2009. Diarsipkan dari versi asli tanggal 2009-02-18. Diakses tanggal 26 Maret 2020.
- Goldman, Paul (2012). Master Prints: Close-Up. British Museum. ISBN 978-0714126791.
- "Rhinocerus (Rhinoceros)". The British Museum. 1913. Diakses tanggal 26 Maret 2020.
- Bonhams. "Albrecht Dürer, The Rhinoceros". Christie's. Diakses tanggal 26 Maret 2020.