Cik mancik

Cik mancik adolah pamenan nan diilhami samo kalakuan mancik nan suko mayuruak dari intaian kuciang. Di pamenan iko, nan mancari adolah kuciang samantaro nan dicari adolah mancik. Pamenan iko biasonyo dimainkan padusi ataupun laki-laki, tagantuang jumlah nan ikuik. Anak-anak biasonyo main di muko laman rumah atau di tanah lapang. Kudian, disapakaikan lah ado tonggak nan manjadi tampek pancari kuciang. Untuak manantuan kuciang diadokanlah undian. Jikok lah dapek kuciang, kuciang manutuik mato sampai mancik alah manyuruak kasadonyo.

Kalau alah dapek kasado mancik, kuciang mulai manutuik mato baliak, samantaro mancik basusun di balakang kuciang. Kuciang manyabuik nomor mancik nan basusun di balakang. Mancik nan tasabuik nomornyo manjadi kuciang barikuiknyo.