Chevrolet Cobalt SS
Chevrolet Cobalt SS adolah salah ciek jinih oto nan di buek dek parusahaan General Motor Amerika Sarikat.[1] Oto ko diproduksi atau di rakik di kantua nyo nan barado di Lordstown, negara bagian Ohio, Amerika Sarikat. Oto Chevrolet Cobalt SS ko marupoan oto nan dikategorian ka dalam oto sport. Oto nan batipe oto sport ko mautamoan desain oto nan rancak jo kecepatan oto nan kancang dari oto nan lainyo. Pado umumnyo oto Chevrolet Cobalt ko punyo duo pintu, walaupun baiitu ado pulo oto ko nan punyo ampek pintu atau sarupo oto sedan.[2]
| Chevrolet Cobalt SS | |
|---|---|
| Panjalehan | |
| Pabrikan | Chevrolet (General Motors) |
| Kaluaran terbaru | 2005-2010 |
| Kantua cabang | Lordstown, Ohio, United States |
| Badan jo karangko | |
| Tipe oto | Sport compact |
| Bantuak oto | 2-pintu coupe 4-pintu sedan |
| Masin oto | FF layout |
| Parusahaan induak | GM Delta platform |
| Samo jo | |
| Tanago oto | |
| Masin | |
| Tipe papindahan gigi | 5-speed Saab F35 manual 5-speed Getrag F23 manual 4-speed 4T45 automatic |
| Ukuran bagian oto | |
| Barek oto | 2,815 lb–3,001 lb (1,277 kg–1,361 kg) |
Kondisi oto suntiang
Oto Chevrolet Cobalt SS ko marupoan pambaruan dari generasi sabalumnyo yaitunyo oto Chevrolet Cobalt nan di luncuakan ka pasaran di tahun 2004, sadangkan Chevrolet Cobalt SS ko di luncuan satahun sasudahnyo tapeknyo ditahun 2005. Oto nan di produksi dek parusahaan General Motor Amerika serikat ko tasadio dalam duo batuak, ado nan duo pintu dan ado pulo nan ampek pintu. Oto nan di produksi hanyo oto nan babantuak oto sedan. Oto Chevrolet Cobalt SS ko dapek dikatoan samo atau mirip juo bantuaknyo jo oto Chevrolet HHR SS, Pontiac G5 GT, Saturn ION3 2.4, Saturn ION3 2.4, Saturn Ion Red Line. Untuak masin oto Chevrolet Cobalt ko sacaro umum, oto ko manggunoan bahan bakar bensin. Untuak gigi oto, oto ko tasadio dalam duo bantuak gigi, ado oto nan punyo gigi manual dan ado pulo oto nan gigi otomatis. Untuak oto nan gigi manual punyo limo gigi dan oto nan gigi otomatis punyo ampek gigi. Sacaro umum barek oto Chevroelt Cobalt Ss ko adolah 1.277 kg atau 1.361 kg.[3]
Model oto suntiang
Oto Chevrolet Cobalt SS ko punyo tugo model. Partamo banamo Chevrolet Cobalt SS Supercharged. Model kaduo banamo Chevrolet Cobalt SS Turbocharged. Model nan katigo yaitunyo Chevrolet Cobalt Naturally Aspirated. Katigo model oto Cobalt SS ko punyo rem cakram di bagian rodanyo dilengkapi jo sistem panguncian ban nan rancak. Salain itu tampilan bemper atau bagian mungko oto jo bagian balakang oto taliek agak randah nan mambuek tampilannyo nampak sarupo oto balap.[4]
Chevrolet Cobalt SS Supercharged suntiang
Oto ko tasadio hanyo nan punyo duo pintu. SS Supercharged tampil jo masin salinder 2,0 L. Oto ko punyo jinih masin Ecotec nan banamo masin supercharger Eaton M62. Masin jinih ko marupoan masin nan indak capek paneh. Kakuatan masinnyo kiro-kiro samo jo 205 hp atau duo ratiuh limo tanago kudo atau (153 kW) pada 5600 rpm dan 200 hp katiko paputaran masin sabanyak 4400 rpm. Lueh pelek roda jo ban radonyo iolah P215/45R18. Untuak merek ban rodanyo, oto Chevrolet Cobalat ko manggunoan ban jo merek Pirelli. Ban nan digunoan marupoan ban nan standar sajo. Untuak pilihan nan lainyo ado pulo oto ko nan punyo komponen tambahan sarupo ado tambahan saku-saku di kursi sarato jo kompones LSD yaitunyo komponen nan baguno untuak manggarikan gardan oto tasabuik. Pado tahun 2005 LSD ko marupoan sabuah komponen pilihan, aratinyo ado oto ko nan indak baiitu mamantiangan komponen ko, namun pado 2007 komponen LSD ko alah manjadi standar dari oto SS Supercharged ko. Sabalumnyo oto ko alah tanamao atau alah manjadi pambicaroan pacinto otomotif sabalum oto ko di lapeh ka pasaran karano info-info tentang oto ko alah beredar di masyarakai pacinto otomotif. Namun kamudian di tahun 2008 informasi tentang kaluaran baru oto ko indak tasebar ka masyarakaik nan mambuek oto ko manjadi spesial katiko di luncuakan ka pasaran. Oto nan di lapeh ka pasaran tasabuik hanyo oto batipe sport nan hanyo punyo duo pintu, ciek di subalah suak dan ciek lai disabalah kida.[5][6] Chevrolet Cobalt SS Supercharged ko punyo kecepatan hinggo 60 mph hanyo dalam 5,9 datiak sajo. Salain tu kecepatan oto ko dapek mancapai saparampek mil dalam wakatu 14,4 datiak nan kecepatannyo 100 mph. Kecepatan nan tatinggi untuak versi atau model oto nan iko ado pado 158 mph. Chevrolet Cobalt SS Supercharged ko punyo panjang sakitar 180,5 inci dan Cobalt SS Supercharged punyo leba 68,4 inci. Salanjuiknyo oto ko punyo barek sakitar 2.806 pon atau kiro-kiro 1.277 kilogram.[7]
Chevrolet Cobalt SS Turbocharged suntiang
Chevrolet Cobalt SS Turbocharged ko mulai dijua ka pasaran pado patangahan sampai akhia tahun 2008. Chevrolet mangumumkan tipe baru iko di kagiatan-kagiatan show pado tahun 2007. Di bagian eksterior, Cobalt SS Turbocharged ko punyo babarapo bagian nan alah dimodifikasi tarutamo di bagian mungko sarato jo spoiler nan barado di bagian balakang. Spoiler ko baguno katiko manstabilkan laju oto katiko oto ko di pacu sakancang-kancangnyo. Salaintu spoiler ko dapek pulo di rombak atau di ganti jo mode sayok untuak mambuek tampilan oto ko manjadi tampilan oto balap. Bagian balakang oto ko dilengkapi jo knalpot khusus atau knalpot racing nan mambuek tampilan oto ko manjadi babeda jo oto nan lainyo.[8] Chevrolet Cobalt SS turbocharged punyo masin bajinih injeksi nan dapek maningkekan tanago oto hinggo 260 tanago kudo. Karano tanago nan sagitu oto ko dapek mancapai 60 mph dalam wakatu 5.5 datiak dan dapek mancapai saparampek mil dalam wakatu 13,9 datiak dengan kecepatan 103 mph. Oto ko dapek mancapai kecepatan tatinggi di kecepatan 155 mph. Untuak oto Chevrolet Cobalt SS Turbocharged ko alah tasadio oto nan punyo ampek pintu di tahun 2009.[9][10][11]
Chevrolet Cobalt SS Naturally Aspirated suntiang
Chevrolet mangaluan tipe oto nan banamo Chevrolet Cobalt SS Naturally Aspirated di tahun 2006. Oto ko tasadio dalam bantuak duo pintu jo ampek pintu. Model oto nan iko dilengkapi jo masin LE5-nya nan marupoan jinih masin Ecotec generasi tabaru. Salain itu masin oto ko dapek mahasiakan kakuatan oto sataro jo 173 tanago kudo. Sistem suspensi oto ko saketek agak labiah randah dari model oto SS supercharged nan punyo pintu duo. Sacaro panampilan atau model oto ko labiah ka modoel sport dibandiang jo mdoel Cobalt biasa. Oto SS Naturally Aspirated punyoki sistem presneling manual jo otomatis. Model oto ko dapek dikatoan panggabuangan dari model supercharged jo model turbocharged. Cobalt SS Naturally aspirated dapek mancapai kecepatan 60 mph dalam wakatu 7,1 datiak. Oto ko dapek mancapai saparampek mil dalam wakatu 15,6 datiak dengan kecepatan 90 mph. Dan dapek mancapai kecepatan tatinggi pado 129 mph.[12][13][14]
Rujuakan suntiang
- ↑ "Our Brands | General Motors". www.gm.com. Diakses tanggal 2020-02-16.
- ↑ Liputan6.com ([publishdate]). "Berita Mobil Sport Hari Ini - Kabar Terbaru Terkini | Liputan6.com". www.liputan6.com (dalam bahasa Indonesia). Diakses tanggal 2020-02-16.
- ↑ "Chevrolet Cobalt SS Technical Specs, Dimensions". www.ultimatespecs.com (dalam bahasa Inggris). Diakses tanggal 2020-02-16.
- ↑ "Road Test: 2005 Chevrolet Cobalt SS Supercharged vs. 2005 Dodge SRT4". Diakses tanggal 16 Februari 2020.
- ↑ Kiino, Ron (2005-08-01). "Chevrolet Cobalt SS Supercharged". Car and Driver (dalam bahasa Inggris). Diakses tanggal 2020-02-16.
- ↑ Johnson, Erik (2008-03-07). "2008 Chevrolet Cobalt SS". Car and Driver (dalam bahasa Inggris). Diakses tanggal 2020-02-16.
- ↑ "2005 Chevrolet Cobalt SS Supercharged". web.archive.org. 2009-04-26. Archived from the original on 2009-04-26. Diakses tanggal 2020-02-16.
- ↑ "Youngstown news, Local GM plant begins work on new Cobalt SS". web.archive.org. 2016-03-04. Archived from the original on 2016-03-04. Diakses tanggal 2020-02-16.
- ↑ "Youngstown news, Local GM plant begins work on new Cobalt SS". web.archive.org. 2016-03-04. Archived from the original on 2016-03-04. Diakses tanggal 2020-02-16.
- ↑ Gall, Jared (2009-05-08). "Chevrolet Impala SS, Cobalt SS, and HHR SS Models Dead". Car and Driver (dalam bahasa Inggris). Diakses tanggal 2020-02-16.
- ↑ "GM's Reconfigurable Performance Display an option for '09 Cobalt SS and HHR SS". web.archive.org. 2016-04-06. Archived from the original on 2016-04-06. Diakses tanggal 2020-02-16.
- ↑ April 15, Jason Cook on; 2015 (2015-04-15). "Why We Love the Chevy Cobalt SS". AutoInfluence (dalam bahasa Inggris). Diakses tanggal 2020-02-16.
- ↑ Siler, Steve (2007-06-01). "Chevrolet Cobalt SS Supercharged Killed". Car and Driver (dalam bahasa Inggris). Diakses tanggal 2020-02-16.
- ↑ Jun 22, Staff Writer; article, 2017 | Chevrolet | Posted in Buyer's Guides | From the Oct 2013 issue | Never miss an. "Buyer's Guide: Chevy Cobalt SS | Articles". Grassroots Motorsports. Diakses tanggal 2020-02-16.