Ceumpala Kuneng
| Kucica Ekor Kuning | |
|---|---|
| |
| Conservation status | |
| Klasifikasi ilmiah | |
| Kingdom: | Animalia |
| Phylum: | Chordata |
| Class: | Aves |
| Order: | Passeriformes |
| Family: | Muscicapidae |
| Genus: | Trichixos Lesson, 1839 |
| Species: | T. pyrropygus Lesson, 1839 |
| Namo binomial | |
| Trichixos pyrropygus Lesson, 1839 | |
| Sinonim | |
|
Trichixos pyrropyga Lesson, 1839 [orth. error] | |
Ceumpala kuneng atau kucica ekor kuniang marupokan spesies buruang dalam famili Muscicapidae nan masih karabaik dakek jo buruang Kacer (Kucica Kampuang) dan Murai Batu (Kucica Hutan).[2][3]
Buruang nan banyak disabuik dalam hikayaik Aceh iko tagolong pangicau. Kicauannyo barupo rangkaian panjang nan tadiri dari siulan merdu, nada tungga dan ganda, "pi-uuu", maningkek dan manurun bagantian sacaro indak tetap. Berkat kicauan nan rancak itulah buruang iko disukoi panggemarnyo bahkan manjadi kasayangan pamimpin Aceh era 1607-1636, Sutan Iskandar Mudo. Ceumpala Kuneng acok juo disabuikan di satiok carito rakyat tempo dulu di Aceh. Karano kapopulerannyo, buruang iko ditatatapkan sabagai fauna identitas dari Aceh.[4][5]
Penyebaran
suntiangBuruang khas Provinsi Naggroe Aceh Darussalam iko tak hanyo taseba di Aceh sajo, tapi taseba juo di Semenanjung Thailand, Semenanjung Malaysia, Brunei Darussalam, Sabah, Serawak, dan Indonesia iolah Sumatra dan Kalimantan.[6][7]
Deskripsi
suntiangBuruang Ceumpala Kuneng (Trichixos pyrropygus) iko mamiliki panjang badan baukuran sadang, sakita 21 cm. Ikuanyo panjang, ujuang ikua bawaro itam dengan pinggia putiah pado bagian bawahnyo. Bulu pado kapalo, pungguang, dan sayoknyo bawarno coklat kaabuan tuo mangkilek sadangkan bagian dado dan paruik sampai pangka ikua sarato pungguang bawarno kuniang kamerahan.[2][4]
Selain itu, buruang jantan mamiliki ciri khas barupo alih bawarna putiah di ateh matonyo. Buruang jantan manyarupoi kucica hutan tetapi ikuanyo nan bawarna merah karek jauah labiah pendek, labiah banyak bawarno abu-abu galok daripado itam, alihnyo pendek putiah dan tunggir merah karek. Buruang batino labiah coklat sarato indak mampunyoi alih putiah. Buruang nan remaja labiah coklat babintiak-bintiak kuniang merah karek. Paruahnyo itam rampiang dan tajam.[6][7]
Dalam babarapo hal, panampilan buruang iko mirip jo murai batu (Copychus malabaricus). Pabeda utamonyo talatak pado bulu ikua nan bawarno merah kakuniang-kuniangan. Karena itulah buruang iko dinamoan Kucica Ekor Kuning.[7]
Tampek hiduik
suntiangBuruang Ceumpala Kuneng dapek ditamukan di rimbo hutan primer dan sekunder dataran randah hinggo ketinggian 1200 mdpl. Inyo labiah manyukoi hutan lambab rimbun tamasuak hutan rawa.[8]
Pakambangbiakan
suntiangBuruang iko bakambang biak dengan caro ovovivipar atau batalua dan baranak. Jadi embrio buruang Ceumpala Kuneng bakambang di dalam talua dan tetap barado di dalam tubuh induak sampai talua manateh. Satalah fase itu, individu baru tasabuik kalua dari tubuh induaknyo. Cadangan makanan nan diperoleh embrio barasa dari dalam talua, bukan dari tubuh si induak.[7]
Makanan
suntiangCeumpala Kuneng marupokan buruang nan mangonsumsi biji-bijian.
Populasi
suntiangDi Taman Nasional Gunung Leuser (TNGL), populasi Ceumpala Kuneng taruih manurun akibek maraknyo paburuan kareno buruang iko banilai ekonomi tinggi. Indak ado jumlah nan pasti bara banyak populasi buruang iko nan masih batahan di alam lia. Lembaga BirdLife International pado 2012 telah mamasuakan Ceumpala Kuneng dalam daftar buruang tarancam punah. Lalu disusul status Red List of Threatened Species nan dikaluakan oleh lembaga konservasi internasional, International Union Conservation of Nature (IUCN) pado 2012.
Menurut IUCN, buruang asa Aceh iko masuak daftar hewan dilindungi karano hampia tarancam punah atau near threatened (NT). Basamoan dengan itu , Pemerintah Provinsi Daerah Istimewa Aceh dan Pemerintah Kabupaten Aceh Selatan manabikkan paraturan daerah (qanun) pado 2013. Qanun tasabuik barisi larangan malakukan paburuan dan padagangan buruang Kucica Ekor Kuning. Bahkan, satiok urang nan barupayo mambawa kalua ikon fauna Serambi Mekah iko tarancam pidana kuruangan dan kanai dendo pitih. Pamarintah Kabupaten Aceh Selatan sangaik bagantuang kapado kahadiran Ceumpala Kuneng sabagai predator alami hama panggerek nan acok manyababkan banyak tanaman pala milik masyarakat manjadi mati.[7]
Rujuakan
suntiang- ↑ BirdLife International (2012). "Trichixos pyrropygus". IUCN Red List of Threatened Species. Version 2012.1. International Union for Conservation of Nature. Diakses tanggal 16 July 2012.
- ↑ a b Arida, Desi. "Cempala Kuneng | Biodiversity Warriors" (dalam bahasa Indonesia). Diakses tanggal 2022-05-28.
- ↑ "Burung Cempala Kuneng Satwa Identitas Daerah Istimewa Aceh | Daerah Kita - Sajian Artikel Ringan dan Informatif Nusantara". www.daerahkita.com (dalam bahasa Inggris). Diakses tanggal 2022-06-30.
- ↑ a b "Daftar Fauna Indonesia | Jenis Fauna Indonesia" (dalam bahasa Inggris). Diarsipkan dari versi asli tanggal 2022-05-20. Diakses tanggal 2022-05-28.
- ↑ Terkini, Redaksi Warta (2020-10-03). "Ceumpala Kuneng Kebanggaan Aceh". Warta Terkini News (dalam bahasa Indonesia). Diarsipkan dari versi asli tanggal 2021-05-16. Diakses tanggal 2022-05-29.
- ↑ a b “Ceumpala Kuneng (Trichixos Pyrropygus) Khas Nanggroe Aceh Darussalam”. www.scribd.com
- ↑ a b c d e https://indonesia.go.id/kategori/seni/2077/ceumpala-kuneng-kebanggaan-aceh
- ↑ "archive copy". Diarsipkan dari versi asli tanggal 2012-09-19. Diakses tanggal 2022-05-28.