Cerobong Asok Campago
Cerobong Asok Campago marupokan salah satu bangunan cagar budaya nan ado di Kota Bukittinggi, Sumatra Barat. Cerobong Asok ko pado mulonyo digunokan sabagai tampek pambakaran sarok, kalau kini alah manjadi monumen jo miniaturnyo jam gadang karano bantuaknya nan manyarupoi jam gadang.
| Cerobong Asap | |
|---|---|
| Namo sasuai jo Sistem Registrasi Nasional Cagar Budaya | |
 | |
 Cagar budaya Indonesia | |
| Paringkek | Nasional |
| Kategori | Bangunan |
| Lokasi | Jalan H. Miskin No 101, Kelurahan Campago Ipuah, Kecamatan Mandiangin Koto Selayan, Kota Bukittinggi |
| Taun panatapan | 2007 |
| Pamiliak | Dinas Kebudayaan dan Pariwisata Kota Bukittinggi Indonesia |
| Pangalola | Pemerintahan Kota Bukittinggi |
| Koordinat geografi | 0°17′32″S 100°22′15″E / 0.292113°S 100.370905°E |
Pamilik Cerobong Asok ko adolah Kelurahan Campago Ipuh, dan dikalola dek urang Kelurahan karano bangunan ko kini masuak ka dalam pakarangan kantua Kelurahan Campago Ipuh.[1]
Lokasi
suntiangLokasi Cerobong Asok Campago barado di Jalan H.Miskin No.101, Kelurahan Campago Ipuh, Kecamatan Mandiangin Koto Selayan.
Untuak pai ka lokasi sangaiklah murah karano barado tapek di tapi jalan jo bangunan nan manjulang agak tinggi akan nampak dari kejauahan, selain itu Cerobong Asok ko barado pulo dalam pakarangan kantua kelurahan.[2]
Sijarah
suntiangBangunan iko dibangun pado taun 1928 nan bafungsi sabagai tampek pambakaran sarok. Kutiko pamarentahan kolonial Japang yaitunyo Takekoshi, Cerobong Asok ko digunoan untuak pambakaran bata.
Cerobong Asok ko punyo 4 bagian atau tingkek sarupo jo Jam Gadang dan di bagian atehnyo tadapek cerobong nan bafungsi untuak mangaluan asok katiko tajadi proses pambakaran sarok.
Pado bagian paliang bawah tadapek lubang malangkuang tapeknyo di tangah nan bafungsi untuak tampek pambakaran jo ukuran panjang 60 cm jo tinggi 50 cm. Proses pambakaran dipakiroan mangunoan kayu, hal iko dapek diliek dari bekas asok di sakitaran dindiang nan manghitam.[3]
Galeri Poto-poto
suntiang-
Cerobong asok dakek kantua Kelurahan -
Cerobong asok miniatur jam gadang -
Nampak manjulang ka ateh
Rujuakan
suntiang- ↑ "Daftar Cagar Budaya Provinsi Sumatera Barat, Riau, dan Kepulauan Riau" (PDF). Diakses tanggal di akses tanggal 27-11-2022
- ↑ redaksi (2018-02-14). "Ini Daftar 42 Cagar Budaya di Bukittinggi". KlikPositif.com - Media Generasi Positif (dalam bahasa Indonesia). Diakses tanggal 2022-11-27.
- ↑ "Dokumen Pokok Pikiran Kebudayaan Daerah (PPKD) Kota Bukittinggi[pranala nonaktif permanen]" Tim Penyusun PPKD Kota Bukittinggi. 2018