Caca gulali
Caca gulali marupoan pamainan tradisional anak-anak Betawi. Pamainan iko dapek dikategorikan sabagai tradisi jo ekspresi lisan nan manggunoan nyanyian sabagai sarana utamonyo. Lokasi pasebaran dari pamainan iko mancakuik wilayah DKI Jakarta dan sakitaranyo yaitunyo Bogor, Depok, Tangerang jo Bekasi (BODETABEK).[1] Sairiang pakambangan zaman, pamainan iko mulai jarang ditamui. Dalam laporan Penetapan Warisan Budaya Tak Benda Indonesia nan dikaluaan dek Kementerian Pendidikan dan Kebudayaan, Caca gulali masuak budaya nan bastatus tarancam punah.[1]
 Pamainan Caca gulali | |
| Jumlah pemain | minimal 4 urang |
|---|---|
| Waktu permainan | indak ado batehan |
| Keterampilan yang dibutuhkan | Banyanyi |
Pamain
suntiangPamain nan diparaluan dalam Caca gulali ko minimal bajumlah 4 urang.[2] Samakin banyak jumlah pamainnyo, pamainan Caca gulali akan balangsuang meriah. Sabalum pamainan dimulai, ditantuan talabiah dulu peran masiang-masiang pamain. Panantuan peran iko dilakuan malalui caro hompimpa, gamsit, atau caro lainnyo.[2] Salanjuiknyo pamain dibagi ka dalam duo peran utamo yakni pamain nan bajago dengan posisi mambungkuak atau basujuik dan manalungkuikan wajah ka lantai. Sadangkan peran kaduo, yakni pamain nan tasiso, akan duduak malingkari pamain nan mambungkuak. Para pamain dengan paran kaduo kamudian malatakkan tangan suoknyo di ateh pungguang pamain nan mambungkuak.[2] Pamain tasabuik manantuan pulo pamimpin dari pamainan.
Caro bamain
suntiangPamainan dimulai dengan pamimpin pamainan nan nio mamindahan batu ketek dari ciek tangan pamain ka tangan pamain lainnyo sambia manyanyian lagu caca gulali.[1] Pado katiko tibo di lirik anak rajo bapayuangan, mako pamimpin pamainan akan manyambunyian batu ketek tasabuik di salah satu tangan pamain.[1] Batu ketek tasabuik dapek pulo dilatakkan katiko manyanyian lagu caca gulali dengan tujuan mangicuah pamain nan bajago dalam manebak posisi batu. Sasudah itu, saluruah pamain banyanyi sacaro basamo-samo katiko tibo pado lirik guncir riwiw riwiw sambia manggarak-garakkan tangan nan dikepalkan ka lua atau ka muko dan ka dalam atau mandakati badan sacaro bagantian ka kida jo suok.[1] Garakan tasabuik manjadi panando bagi pamain nan bajago untuak manebak kabaradoan batu di salah satu tangan pamain. Jiko alum bahasi menebak dengan batua, pamain tasabuik akan balaik manjadi pamain nan bajago.[1] Jiko alah bahasia manebak dengan batua, mako posisi pamain nan bajago akan digantian dek nan manyambunyian batu.
Rujuakan
suntiang
- ↑ a b c d e f Kementerian Pendidikan dan Kebudayaan. Penetapan Warisan Tak Benda Indonesia 2018. Diakses melalui https://warisanbudaya.kemdikbud.go.id/dashboard/media/Buku%20Penetapan%20WBTb%202018.pdf?utm_source=Misi+1&utm_campaign=d3fcefc15d-EMAIL_CAMPAIGN_2019_02_16_02_34&utm_medium=email&utm_term=0_36dc46f689-d3fcefc15d-301506445 pada 6 Maret 2019.
- ↑ a b c "Permainan Caca Gulali". encyclopedia.jakarta-tourism.go.id. Diarsipkan dari versi asli tanggal 2019-03-06. Diakses tanggal 2019-03-06.[pautan nonaktif salamonyo]