Bumi Manusia (film)
Bumi Manusia marupoan film drama biografi sejarah Indonesia taun 2019 nan disutradarai dek Hanung Bramantyo jo ditulih dek Salman Aristo. Film iko diadaptasi dari novel berjudul samo karya Pramoedya Ananta Toer. Film iko diparanan dek Iqbaal Ramadhan, Mawar Eva de Jongh, jo Sha Ine Febriyanti. Film iko mancaritoan dilema Minke antaro kamajuan Eropa jo pajuangan membela tanah aia sarato hubungannyo jo Annelies.[1]
| Bumi Manusia | |
|---|---|
| Sutradara | Hanung Bramantyo |
| Produser | Frederica |
| Panulih |
|
| Pamain | |
| Musik dek | Andhika Triyadi |
| Sinematografi | Ipung Rachmat Syaiful |
| Panyuntiang | Sentot Sahid Reynaldi Christanto |
Parusahaan produksiy | |
| Distributor | |
Tangga rilis | |
Durasi | 181 minik |
| Nagara |  Indonesia |
| Bahaso | Malayu Jawa Balando |
| Pandapekan kotor | Rp52,7 miliar |
Sinopsis
suntiangPada suato ari di Surabaya, Minke diajak Robert Suurhof (Jerome Kurniawan) bakunjuang ka rumah kaluarga Mellema, Boerderij Buitenzorg di Wonokromo. Kadatangan Minke disambuik jo panuah curiga dek Robert Mellema (Giorgino Abraham) tapi manyambuik Suurhof jo sambutan ramah, sabaliaknyo jo adiaknyo Annelies Mellema (Mawar Eva de Jongh) sarato mandenyo Ontosoroh (Sha Ine Febriyanti) nan manarimo Minke jo panuah ramah tamah. Sudah tu Minke mulai manjalin hubuangan nan mesra jo Annelies jo Ontosoroh, walau Annelies sempat alun maraso tabiaso jo Minke.[2][3]
Isuak arinyo, Minke nan basakolah di Hogereburgerschool (HBS) bahayal Ontosoroh mampiannyo kutiko Magda Peters (Angelica Reitsma) manarangan palajaran, sainggo Magda manyadaran Minke nan diikuti jo galak gadang dek kanti-kantinyo, tamasuak Suurhof. Sapulang sakolah, Minke maampian kawannyo bakabangsaan Prancis banamo Jean Marais (Hans de Kraker) nan malukisan anaknyo May Marais (Ciara Brosnan). Isuak arinyo, Annelies mancaritoan kahidupan pribadi mandenyo, Sanikem (Amanda Khairunnisa), nan mangganti namonyo manjadi Ontosoroh. Dari situ Minke mandapek inspiras untuak manulih artikel di koran Surabaya jo namo samaran Max Tollenaar. Malam harinyo, Minke tibo-tibo ditangkok polisi karano tulisannyo tu.[3][2]
Minke akhianyo baliak ka rumah jo disambuik ayahnyo (Donny Damara) nan berang karano hubungannyo jo Annelies; hubungan itu dinilai ayahnyo maninggaan budayo jo tradisi Jawa. Pado maso nan samo di Wonokromo, Ontosoroh manarangan ka Annelies nan manangih dek Minke nan indak datang ka rumahnyo, tatapi Annelies langsuang pai maninggaan Ontosoroh. Baliak dari Wonokromo, Minke mulai dihadapan jo pakaro nan alah lamo manggaduah hatinyo, nan indak lain jurang pamisah antaro kaum "terperintah" (bumiputra) jo "memerintah" (Eropa), sarato hubungannyo jo Annelies. Isuak arinyo, ayah Minke diangkek manjadi bupati. Babarapo ari sudha tu, kutiko inyo pulang dari rumah Annelies inyo diikuik i dek Gendut Sipit (Edward Suhadi) di kereta api nan ditumpangi. Di sekolah, Magda manyatoan kaingintahuannyo akan Max Tollenaar, nan kudian di agiah tahu dek Suurhof, tatapi Magda justru mamuji kepiawaian Minke dalam menulis. Suurhof nan maraso indak tarimo jo pujian Magda maino Minke jo kudian Panji Darman (Bryan Domani), nan dibaleh jo pukulan dek Panji. Dek karano tu kapalo sakola mamanggianyo.
Sudah tu Annelies nan bakaliliang pertanian tibo-tibo pingsan, sainggo Annelies dirawat Martinet. Minke lalok sakamar jo babaua jo Annelies. Isuak arinyo, kutiko Minke basiap ka sikolah, Martinet manyabuik Minke bukanlah urang partamo nan manggauli Annelies karano sabalunnyo Robert pernah memperkosa Annelies. Ketika berangkat ke sekolah, Minke tiba-tiba meminta Darsam baliak ka rumah Annelies. Pada akhianyo, Minke harus ikhlas keberangkatan Annelies ke Balando dek sabab panikahan Ontosoroh jo Herman diputuihan indak sah dek hakim panagadilan, sainggo Annelies haruih disarahan kapado walinyo di Balando.[3][2]
Proses pembuatan film
suntiangPado taun 2014, rumah produksi Falcon Pictures mambali hak adaptasi Bumi Manusia jo karya Pram lainnyo, yakni Perburuan. Sarato manunjuak Hanung manjadi sutradara, Hanung langsuang manarimo tawaran tasabuik sabab inyo alah punyo kainginan untuak mambuek film Bumi Manusia sajak tahun 1996, namun pado maso itu ndak diizinan dek Pram.[4] Panulisan naskah dimulai sajak awal 2017, nan diakui Salman begitu sulit sabab alur dalam novel nan condong maju-mundur, samantaro inyo manggunoan alua maju untuak film.[5] Parekaman gambar dilakuan pado akhia Juli inggo Agustus 2018. Lokasi parekaman diantaronyo, Studio Gamplong, Sleman, Yogyakarta; Semarang, Jawa Tengah; jo Balando.
Pemeran
suntiang- Iqbaal Ramadhan sabagai Minke/R.M Tirto Adhie
- Mawar Eva de Jongh sabagai Annelies Mellema
- Sha Ine Febriyanti sabagai Ontosoroh/Sanikem
- Amanda Khairunnisa sabagai Sanikem muda
- Giorgino Abraham sabagai Robert Mellema
- Bryan Domani sabagai Jan Dapperste/Panji Darman
- Jerome Kurnia sabagai Robert Suurhof
- Donny Damara sabagai Bupati B, ayah Minke
- Ayu Laksmi sabagai Ibu Minke
- Dewi Irawan sabagai Mevrouw Telinga
- Chew Kin Wah sabagai Ah Tjong
- Kelly Tandiono sabagai maiko
- Christian Sugiono sabagai Kommers
- Hans de Kraker sabagai Jean Marais
- Ciara Brosnan sebagai May Marais
- Edward Suhadi sabagai Gendut Sipit
- Jeroen Lezer sabagai dr. Martinet
- Rob Hammink sabagai Maarten Nijman
- Tom de Jong sabagai Herbert de la Croix
- Peter Sterk sabagai Herman Mellema
- Salome van Gruinsven sabagai Miriam de la Croix
- Dorien Verdouw sabagai Sarah de la Croix
- Angelica Reitsma sabagai Magda Peters
- Ton Feil sabagai kepala HBS
- Whani Darmawan sebagai Darsam
- Robert Prein sabagai Maurits Mellema
- Derk Visser sabagai Sersan Hammerstee
- Arjan Onderdenwijngaard sabagai hakim pribumi
- Peter van Luijk sabagai Meneer Telinga
- Annisa Hertami sabagai Parjiyah
Cucu Pramoedya, Angga Okta Rahman pulo talibaik sabagai cameo.
Pambeda jo novel
suntiangPanulisan naskah dimulai sajak awal 2017, nan diakui Salman begitu sulit sabab alur dalam novel nan condong maju-mundur, samantaro inyo manggunoan alua maju untuak film.[6] Sajak awal Hanung Bramantyo mangecek kalau novel Bumi Manusia sangaik filmis sabab tabagi dek tigo babak. Namun, babeda dalam buku Bumi Manusia karya Pram bab 1 manjadi bagian pambukak.[7]
Apresiasi
suntiangDi Festival Film Indonesia 2019, Bumi Manusia mandapek an 12 nominasi, sataro jo Dua Garis Biru arahan Ginatri S. Noer dan Kucumbu Tubuh Indahku arahan Garin Nugroho, tatapi masiang-masiang nominasi barasa dari kategori nan babeda. Sabalunnyo, Bumi Manusia mandapek an panghargaan Award of Excellence dari Sinematek Indonesia; Sinematek manilai film ko mampunyoi kaunggulan untuak diarsipan, dek karano punyo muatan nilai-nilai sijarah, budayo, kaarifan lokal, jo mampunyoi kaidah sinematogradi nan mamadai.[8] Film ko kaidah sinematografi nan rancak. Film ko manjadi satu dari ampek calon film Indonesia nan mawakili Indonesia dalam Academy Awards ke-92 taun 2020 salain Kucumbu Tubuh Indahku, Ave Maryam, jo 27 Steps of May, walau akhianyo gagal karana dianggok rancangan produksi film jauh dari ideal, kurasi aktor nan alun pas jo panutradaraan nan alun maksimal.[9] Namun, film iko sama sakali indak mandapek an satu pun panghargaan di sado kategori nan didiapek. Film ko juo dinominasian di tigo kategori Festival Film Tempo 2019, tatapi kambali indak manang dalam kategori apa pun.[6]
Rujuakan
suntiang- ↑ "Bumi Manusia: Film adaptasi dari buku Pramoedya Ananta Toer yang pernah dilarang". BBC News Indonesia (dalam bahasa Indonesia). 2019-08-15. Diakses tanggal 2020-06-27.
- ↑ a b c "Sinopsis 'Bumi Manusia', Upaya Pribumi Ubah Nasib Bangsa". hiburan (dalam bahasa Indonesia). Diakses tanggal 2020-06-27.
- ↑ a b c "Sinopsis Bumi Manusia, Film Adaptasi Novel Pramoedya Rilis Besok". tirto.id (dalam bahasa Indonesia). Diakses tanggal 2020-06-27.
- ↑ Media, Kompas Cyber. "Jalan Panjang Film Bumi Manusia, 20 Tahun Lalu Pramoedya Ananta Toer Tolak Hanung Bramantyo Halaman all". KOMPAS.com (dalam bahasa Indonesia). Diakses tanggal 2020-06-27.
- ↑ developer, medcom id (2017-10-17). "Kerumitan Adaptasi Novel Bumi Manusia Menurut Salman Aristo". medcom.id (dalam bahasa Indonesia). Diakses tanggal 2020-06-27.
- ↑ a b Shaidra, Aisha (2019-12-16). "Daftar Pemenang Film Pilihan Tempo 2019". Tempo (dalam bahasa Inggris). Diakses tanggal 2020-06-27.
- ↑ JawaPos.com (2019-07-18). "Hanung Bramantyo Ungkap Beda Bumi Manusia dan Teenlit Saat Diflimkan". JawaPos.com (dalam bahasa Indonesia). Diakses tanggal 2020-07-02.
- ↑ developer, mediaindonesia com (2019-08-17). "Sinematek Beri Penghargaan untuk Film Bumi Manusia". mediaindonesia.com (dalam bahasa Indonesia). Diakses tanggal 2020-06-27.
- ↑ "Satu di Antara 3 Film Ini Bakal Wakili Indonesia di Ajang Oscar..." www.grid.id (dalam bahasa Indonesia). Diakses tanggal 2020-06-27.