Big Ben adolah namo sabuah lonceng gadang di tangah manara jam nan talatak di sabalah utara Istana Westminster, London, Britania Raya. [1] Salah satu ikon London nan paling tasohor, tapek pado 31 Mei taun 1859 manjadi hari patamo jam antik ko baroparasi.[2] Namun namo Big ben tasabuik acok di pake untuak manyabuik manara jam tu sacaro manyaluruh. Sacaro rasmi manara ko dibari namo Elizabeth Tower, batapatan jo pesta 60 taun Ratu Elizabeth II mamimpin Britania Raya jo Wilayah Persemakmuran. Sabalum baganti namo pado taun 2012 manjadi Elizabeth Tower awalnyo big ben ko banamo Santo Stefanus.[3]

Asal namoSuntiang

Ado 2 mandapaik untuak asal namo big ben ko, sabagian kalangan manyabuik namo ko diambiak dari Sir Benjamin Hall, Kapala Dinas Pekerjaan Umum London nan pado maso jam tu dibuek. Kisah lain manyabuik namo Big Ben diambiak dari sosok patinju kalas berek tanamo maso tu Benjamin Caunt, karena sosoknyo nan tenggi gadang. [4]

StrukturSuntiang

Tapek sasudah istana Westminster mangalami kabakaran pada 22 Oktober 1834, jam raksasa ko manjadi bagian dari rencana pambangunan istana baru nan dilakuan jo pamarintah inggriah. Manara ko lalu dibangun dek Charles Barry.

Big Ben nan takenal ko ruponyo didesain oleh Edmund Beckett Denison, padahal inyo marupoan sorang pangacara sarato horologis amatir. Dalam manyalasean Big Ben inyo ditolongan jo George Airy nan maso tu juo baprofesi sabagai astronom. Jam Raksasa ko dikarajoan dek Edward John Dent dan disalasaian pado taun 1854. Hinggo taun 1859, pambangunannyo balum salasai sapanuhnyo.[5]

RujuakanSuntiang

  1. https://www.arsitur.com/2018/07/menara-jam-raksasa-big-ben-london-inggris.html
  2. https://internasional.kompas.com/read/2017/05/31/19000021/hari.ini.dalam.sejarah.big.ben.pertama.kali.beroperasi?page=all
  3. https://internasional.kompas.com/read/2017/05/31/19000021/hari.ini.dalam.sejarah.big.ben.pertama.kali.beroperasi?page=all
  4. https://internasional.kompas.com/read/2017/05/31/19000021/hari.ini.dalam.sejarah.big.ben.pertama.kali.beroperasi?page=all
  5. https://www.arsitur.com/2018/07/menara-jam-raksasa-big-ben-london-inggris.html